中四那年，我因為五毫子而成名: 1.9 不負責老師
說罷，我們兩個登出了賬號，然後去了同一層的教員室。
Robin敲一敲門，然後打開門。
坐在門口有一個看起來很兇的女老師，她用尖銳的聲音說：「你搵邊個啊？」
Robin吞一吞口水：「我搵李Sir。」
她沒有說什麼，Robin進去了。
然後，我跟著Robin進去，小心翼翼的把教員室的門關上。女老師一副懷疑的眼神看著我。我也知道放學時間一男一女走進來有點奇怪，但我們沒有其他辦法。
李Sir剛見到Robin就把他認出來了：「Robin？不如我地出去傾，呢度冇乜位。」
的確，這裡地方比較小，每個老師都只有一個座位，檯上都放滿了紙張和書本。
我們三人走到教員室外的走廊。
「搵我咩事？」李Sir問Robin。
李Sir看起來很年輕，像是剛剛大學畢業就當上老師。我想，他應該可以幫助到我們吧。
「係咁嘅，我地想搵負責小食部嘅老師。」
「吓？搵黎做咩？」
「我地有啲意見想反映，但係學生會又話幫我地唔到。」
「咁啊……其實我地冇一個特定老師負責，只係每年主任會組成一個小組負責審視下小食部嘅表現。」
「啊，陳主任好似係負責，佢起入面，不如我叫佢出黎幫你地？」
「都好啵。」我說。
0
0
#41微糖小冰•2 個月前
沒有想到事情突然變得簡單，我們這麼快可以找到負責的老師。李Sir找了陳主任出來，原來陳主任就是剛剛在門口很兇的那一個。
「陳主任，你好。」Robin說。
「你好。」我跟住點頭說。
「搵我咩事？」陳主任問。
「如果我地對小食部有意見，係咪可以同你講？」我深呼吸然後問。
「係咪又有同學食完唔舒服？定係咩問題？」
我把我當日的經歷告訴陳主任。
「哦，其實我地校方一路都有同小食部緊密聯繫，我地會將呢啲意見反映。」
陳主任繼續說：「我都明白同學會有唔開心嘅，不過你都明白我地都唔係起現場嘅人，好難講邊個啱邊個錯。如果你地有意見，其實可以主動啲同小食部嘅職員提出。
就好似之前啲同學買到唔乾淨嘅食物，其實好應該第一時間同小食部講，等佢地可以即時處理個問題，如果唔係去到我地到，我地都唔知道成個事發經過，好難幫到同學。」
那所謂的反映，只是草草了事，要不然小食部為何還是這個老樣子？看來把專頁裡的個案匯報陳主任都是沒用。
「我地就係試過主動提出，不過對方唔願意溝通。」我無奈的說。
「同學仔啊，學校就係一個比你地學下點樣溝通嘅地方，第日你地都係一樣會面對咁樣嘅情況，宜家就係一個好機會比你地學下點樣面對。」陳主任在說大道理。
「除左態度問題，唔知老師你知唔知，小食部出左張通告話唔收一、兩毫子，但係其實唔可以咁做。」Robin問。
「小食部都係一間店鋪，佢可以選擇拒收貨幣，出面好多餐廳都係咁，呢個係佢地商業決定，我地控制唔到。」
「問題係咁樣應該係犯法，電視播過。」我說。
「不如你地落去小食部直接同佢地講。」陳主任說。
她接著說：「其實你地都Form 4，有好多野唔係下下要搵老師，大個仔大個女，你地要識得點樣解決問題，要識得同人地溝通，有好多問題我相信你地係有能力解決嘅，唔好下下都靠老師，覺得老師可以幫你地解決，第日出到社會，你地都係要自己面對。」
陳主任的陳腔濫調，只是不想幫助我們，我聽得出來，但我還是假裝認真聽著，內心卻是不盡的不耐煩。
這些所謂的道理，我們都聽過不知多少回。可是這一字一句從陳主任口中講出來，只聽出一句：「唔好搞到我，你地自己搞掂。」。
「我明白，麻煩你喇。」Robin搶先說。
「你地加油啦。」陳主任說罷，然後走回教員室。
這一句的打氣意味著她的任務告一段落，這比起任何一句話都要難聽，該負責任的成年人不擔起自己的責任。
「Robin，我諗我地都係要靠自己。」我說。
既然成年人不願負起責任，那就讓我們這些小孩自己來。
陳主任的一番話好像激起了內心的一團火，這一次，我們不得不做點什麼。可是實際是什麼，我還是想不出來。
「係。」Robin堅定的望著我，我也投以信任的眼神。
「我覺得我地可以試下從簡單啲嘅事情入手，不如就以「毫子事件」開始，有法律理據，佢地應該會跪低？」我說。
我繼續說：「既然陳主任唔會幫我地投訴，我地就自己落去。」
「就宜家。」我心中忽而冒起一股動力。
「唔好住，不如今晚我地搵齊資料先？」Robin問。
「好。」我點點頭。
幸好有Robin阻止，如果我現在貿貿然下去，也講不出什麼理據，又會再次跌落互相責罵的場面。他該冷靜時冷靜，該爆發時爆發，不像我，總是在不適當的時候衝動，我真應該好好學習。
「咁我翻屋企再搵資料，你係咪去打波？」我問。
「唔係啊，今日唔打喇，早啲翻去，準備下聽日嘅行動。」Robin回應。
看來他對於這一次的行動很認真，可是我卻覺得麻煩了他，打球是他的喜好。本來他可以完全不理會這一件事，可以當一個局外人，可是他卻全情投入。
「咁樣，我會唔好意思，好似冇啦啦拉埋你落水，搞到你連波都冇得打。」
「唔關你事，我係自投羅網。」Robin看著我，若有所思的說。
「哦，咁好啦。」
我們兩個一路走到巴士站。
「我諗我地翻去要首先搵關於毫子嘅法律資料，同埋過往其他類似嘅事件。」Robin分析著。
「咁我地聽日就可以整理好落去同佢理論。」我認真的說。
「係，我地聽日一定要成功。」Robin堅決的說。