中四那年，我因為五毫子而成名: 1.6 再闖學生會

事情好像告一段落的過了兩天，我沒有再跟Lily提起當日的事情。

今天放學的時候，我在走廊碰上了Robin。

Robin一碰面就跟我說：「喂，Joyce，學生會啲人有冇搵你啊？」

「冇啵，我諗佢地都唔記得。」

「你依家有冇時間？不如我地落去追下佢地？」





「都得。」

其實過了兩天，當天的怒火已經消退了好多，Lily也應該忘了。如果不是碰上Robin，我應該不會在追究下去。

不過，既然遇到Robin，就注定我要繼續糾纏下去。

再次到訪學生會會室，這一次是我跟Robin兩個人。可是已經沒有古堡探險的感覺，我們兩個直接進去學生會會室。

「喂有冇人啊？」Robin問。





等了幾秒鐘，才有一個人從雜物裡走出來。

「咩事啊？」這次走出來的不是Justin，是一個頭髮也是有點亂的男生。

「我地黎想知道之前搵你地反映嘅事跟進成點？」Robin霸氣的問。

「咩事？」

我們把上一次跟Justin交代的簡略告訴他。他轉身看了一下手提電腦旁的一堆廢紙，然後從那邊找出了我們當日寫的資料，他拿著那張memo回來，然後看一看我。
「哦，你係Joyce？」他看完那張memo後抬頭看一看我。





「係。」

「係咁嘅，我地將你嘅事同學校講左。其實我地都管唔到小食部，我作為學生會會長都係每年幫手去review下。」那個男生說。

「吓，你地管唔到？咁之前嗰啲食物安全問題呢？好嚴重啵，飯盒有蟲啵。」Robin問。

「我地都管唔到，係學校負責，學校話反映咗。」那個男生漫不經心的說道。

「吓，你地咁樣就算嫁喇？」Robin有點怒氣把手掌放到桌子上，頭靠近那個男生。

「我地仲可以做咩啊？」那個男生狠狠的睥了Robin一眼。

「你地做得學生會，就應該有做學生會嘅責任，作為學生同學校之間嘅橋樑，啲嘢唔係反映完就算。如果反映有用，呢啲事情就唔會一而再，再而三發生。如果反映係有用，阿姐唔會仲係咁目中無人，咁樣對啲同學。」





Robin字字鏗鏘有力，句句擲地有聲。

我嚇呆了，真的一字一句說到我的心坎。那個男生被Robin的話和氣勢嚇呆了，站在那兒不知如何是好。

「我地走。」Robin看著我說。

那個時候我還呆在原地，看著上一秒才爆發起來的Robin一下子還沒有反應過來。

他拉著我的手臂，然後轉身，我們一步一步離開會室。

「你做咩咁激動啊？」我忍不住問他。

「我都係講道理姐，要點醒呢啲所謂為同學服務嘅人。」Robin還是有點生氣。

「咁我地宜家可以點啊？」





也許，是剛剛Robin的話點醒了我，我忽然不想就此放棄。

「我地要用自己嘅方法。」Robin堅定的說。

「姐係點啊？」我一頭霧水。

「其實我都未諗到辦法，等我諗下先。」Robin終於放鬆了下來，輕輕笑了一笑。

「好，我都一齊諗。」我說。

「我去打陣波先，可能會諗到，有咩電聯啦。」Robin終於放鬆下來。

「好啦，咁我走喇，Byebye。」