我以為自己要孤獨一世，直到你出現: 第二十六章-停留

我一起身見到Cindy仲係我胸口訓緊，訓好霖仲要流口水

「起身啦～」我溫柔摸下Cindy嗰頭

「嗯？」Cindy半訓半醒回應我

「要起身啦」我細細聲講再輕輕拍一拍Cindy 

「知啦～」Cindy懶洋洋咁起咗身，嘴角仲有啲口水漬，眼都未打開



我去到廁所將牙膏準備好，再出去公主抱Cindy去到廁所，啱啱訓醒既Cindy就好似一啲唔想起身返學既小朋友

「攞住啦，懶訓豬～」我遞支牙刷比Cindy

「嗯～」Cindy未訓醒咁一隻手攞住支牙刷，另一隻手捽緊眼

「醒啦～」我雙手捉住Cindy兩邊膊頭輕輕前後fing

Cindy比我fing一fing開始精神返少少，佢行到塊鏡面前，彎低身係洗手盆刷牙，我企係Cindy後方同時刷牙，向前望係塊鏡既角度睇，我好似後入緊Cindy咁，突然又諗起尋晚我同佢係床到......



「做咩呀？你仲想要呀」Cindy抬高頭望住鏡中既我，仲要扭一扭自己條腰想貼近我個身

「唔係呀！」我講完之後就嗱嗱臨出番去換衫，啱啱真係危險呀，差啲忍唔住再黎場大戰，但趕住退房呀！

「要唔要我一齊上去幫你執呀」Cindy車到我到屋企樓下，當我開車門時，Cindy突然開口

「唔使唔使！我自己就可以啦，我好快返黎呀」Cindy突然咁問真係嚇死我啦，如果一陣上去見到Chris係到，就真係漂白水都洗唔清啦

番到上去，Chris出左街唔係屋企，好彩唔係屋企，如果係屋企都唔知點解釋我要去Cindy到住幾日



番屋企第一時間就換返件靚仔少少既衫，再番入房執幾件衫拎啲錢就快啲返落去，廢事要Cindy等咁耐。入到房發現Cindy已經幫我換左新床單，等等... 點解變左蛋黃哥傢？！雖然兩個都係黃色，但呢pat野點同我既小熊維尼比呀

我強忍住冇左小熊維尼床單既傷心，嗱嗱臨執齊野就走，點可以要女神等我咁耐

「sorry呀，要你等咁耐」落到黎見到Cindy已經悶到係到自拍緊

「係呢，下一站係咪你屋企呀」

「一陣返屋企換件衫，不如你陪下我行街呀，好耐冇人陪我行啦」Cindy用懇求既眼光望住我

「我十分樂意呀，Go GO Go!」同女神行街係我呢世人其中一個夢想呀

將我啲野安置好係Cindy屋企時，Cindy都換好衫可以出得門口

Cindy著得好文青呀，係咪想襯返我個look。今日佢著左麻質米白色既長裙加白色布鞋，咁樣著真係好溫柔



我同Cindy決定去旺角行下，我諗住旺角咩都有得買，化妝品牌子又多，買衫又多選擇，總有一間啱佢既

「呀賢陪我去買衫，呢排轉季想睇下有咩衫」果然，女人真係一年四季都有買衫既原因

「好呀」Cindy同我一齊行果陣會橋實隻手，我地並肩而行，同街上其他情侶無差，唯一差別就係我拖住個女神級

我地行到去到成間都係粉紅色style既鋪頭Cindy停低咗，我心感不妙抬高頭望一望，粉紅色招牌白色字‘’6IXTY8IGHT’’，入到去好似都冇咩問題，只係有啲女裝衫

之後Cindy拉住我行落下一層，一落到去一個男人都冇，只係見到一堆揀緊bra既女人

「行啦」係我仲諗緊嘅時候，Cindy已經拉個我加入揀bra大隊中，一路揀bra一路問我好唔好睇，仲要我幫手拎住先，我望下周圍，見到其他女人都陰陰咀笑，一舜間我受到全場矚目........

「係到等我喔～」Cindy講完之後就入咗去更衣室



我一碌木咁企咗係fitting room外面等，所有出入fitting room既女人都X光掃描企係門口既我，我同比人視姦冇分別，我終於頂唔順要行開少少等

過咗一陣，Cindy出到黎唔見我就周圍望，我舉高手向Cindy揮揮手等佢易啲見到我

我終於等到買單嗰一刻啦，Cindy叫我上返上層等佢，佢排隊買單

「做咩呀，怕羞呀？」Cindy攞住一袋二袋行出鋪頭，笑住調戲尷尬無比既我

「仲好講！其他女人係到恥笑我」我扮嬲咁講

「唔好嬲啦，轉頭幫你開心下啦～」Cindy係我耳邊細細聲咁講

「行啦，我地去睇戲啦」當我諗緊Cindy點樣哄番我，已經比佢扯走咗

搭電梯果陣Cindy企上一格，電梯慢慢上升，Cindy擰轉身過黎雙手攬住我，將頭挨住我膊頭，我都好順手地攬住佢條腰貼近佢，呢一切動作都好自然，就好似一對一齊好耐既情侶間既默契，咁樣真係好幸福，好想條電梯一直向上而唔會停，好想時間就停係呢一刻... ...