我以為自己要孤獨一世，直到你出現: 第十三章-PTGF

我一擘大眼，佢已經唔係我胸口，望住天花板既星空圖案，再慢慢起身周圍望，間房應有盡有，書枱、化妝台、一個大大既衣櫃，再加上一張大床，全部都係以白色為主，中間夾雜其他顏色，睇落去冇咁單調

望到牆上面既鐘突然醒起，今次大撚獲啦！今日要番工架！我攞起電話望一望

「呀賢，你係邊呀？」Chris(7:30)

「喂，去咗邊呀？」Chris(8:57)

「我幫你請咗假啦」Chris(9:38)



Chris仲打過幾次比我，我都立即覆番Chris

「唔好意思，我朋友果到仲有少少事呀」

我落床諗住摸番啲衫著啦，淨係搵到條低褲，我著完條底褲之後，慢慢打開門，諗住係條門罅到望出去

見到佢著住件恤衫，係開放式廚房煮緊早餐，件衫啱啱好遮到佢patpat，露出42吋長腿。

諗返去尋晚，我同佢.......一切都太突然啦，我到而家都未消化到究竟發生咁咩事，佢係唔係成日都會好似尋晚咁樣。



「um.......我啲......」我好怕羞咁問

「咦，醒啦，去梳洗下之後出黎等食早餐啦，好快有得食」佢擰過黎對住我笑，之後再望番住個煎pan，佢已經化咗少少淡妝，真係已經好靚！

我著住條低褲，快步係廳同廁所之間穿梭。入到廁所望到塊玻璃前面牙刷座得一支牙刷，即係自己住啦，咁同尋日個肥仔係咩關係呢？唔通佢真係做PTGF，個肥仔係佢個客？但係佢住咁大間屋，租都唔平啦，咁要做幾多次呀........

唔理啦，我從手洗面，用手指甲係咁意刮走啲牙垢膜，用水洗洗面，就行返去廳，佢仲煮緊早餐

我快步行到餐枱前，將原本拍埋一齊嘅兩張櫈，搬到一左一右，咁樣佢應該唔使望住淨係着住底褲既我



「食得啦，alldaybreakfast！」佢拎住早餐放到我對面，佢今日心情好似唔錯，同尋晚既佢差別好大

「咦？咁既，明明兩張凳係一齊架」佢用奇怪眼光望住張凳自言自語

「係咩，唔知呢」我一邊傻笑一邊講

「咁我搬過黎啦」我聽到呆左，吓，唔撚係呀......

佢一手拎住兩隻碟，另一手拖住張凳，慢慢走緊過黎，唔好呀！佢行黎擺低兩碟野，向下望，今次尷尬啦～

「係喎，我拎咗你套衫去洗呀，轉頭有得着，咁你暫時就着住條底褲先啦」佢坐低左係隔離，笑到要暗住個口咁講

「好啦～唯有係咁啦」我勉強keep住笑容咁講

我一路低頭食野，間唔中都有偷望下佢，佢有陣時都會望住我，尷尬到我即刻低番頭食野



「其實你叫咩名，我叫呀賢」我抬番高頭，望住佢講，我都介紹下自己啦，話晒尋晚都....

「我叫Cindy」 Cindy一邊切緊條腸仔一邊答我，原來佢叫Cindy 

「係呢，我要唔要早快啲走呀，我怕你男朋友會突然返黎」都係早走早着好啲，唔知肥仔轉頭會唔會番黎

「我冇男朋友！仲有你套衫未乾」Cindy突然面色一沉加重左語氣，低頭望住隻碟咁講

「尋晚果個唔係你男朋友咩？定係你...係...？」我充滿疑問咁樣問佢

「嗯？係咩呀」

「係... ... part time......... girl friend?」我愈講愈細聲



Cindy並冇答我嘅問題，佢抬高頭望住我，原來佢雙眼充滿住眼淚

「你唔好喊住啦，係咪我講錯野呀」我係咪傻撚咗呀，居然直答問一個女仔係咪做ptgf，就算有佢都唔認啦

「嗚....鳴...你走呀！」Cindy指住道門示意要我離開

「對唔住呀，我唔係有心架」我單腳跪係Cindy 旁邊，淨係着住條底褲出街事小，整喊個女仔事大呀！

「嗚....嗚嗚....嗚....」Cindy繼續係到喊

「對唔住～對唔住」我用手拍Cindy背脊安慰佢

過咗一陣，Cindy好似冷靜落黎，果然橋唔怕舊，最緊要受

「唔好趕我走啦，我淨係着住條底褲咋」Cindy聽到之後笑咗一下，佢笑番呀！得咗啦



我鼓起勇氣一手公主抱Cindy，佢真係好輕，Cindy雙手cool實我條頸，個頭挨住我膊頭，慢慢行到番到房我將佢輕輕放佢落床，落到床佢冇鬆開手，我唯有抱佢坐我大髀

「點呀？或者你可以講出黎，睇吓我幫唔幫到你」Cindy好似個小朋友咁挨住我

「好啦，尋晚....你見到果個肥仔佢拎咗.....我send比ex啲裸照威脅我呀！嗚........」Cindy講講下，眼淚又開始流，原來係威脅做PTGF，咁似曾相識嘅

「唔好喊啦，件事究竟係點架？」我繼續用手摸住Cindy個頭安慰佢

「佢一開頭....嗚...嗚....都係拖住我行街....嗚....睇戲食飯.....嗚......影相..直至尋晚.....嗚....佢想帶我去酒店....嗚！」講完佢就cool得我更實，正人渣！

唔係喎！個肥仔咪係佢囉！

「喂！我幫到你喎～」諗到啦，我拍咗Cindy兩下膊頭，估唔到世事真係咁橋



「吓，真係既？」Cindy抬起頭有啲驚訝望住我

「係呀！」我都興奮起黎