咁廢既超能力都有？我寧願唔要呀…！！: 6

大獲。

其實女班長根本就做緊戲引我落搭！佢一早就覺得考緊試竟然睇到佢份卷有唔妥！

「我…我…」情急之下我心生一計，「你有所不知喇女班長…其實係要分兩件事黎講…」

我老屈係坐響女班長側邊既四眼明偷睇佢，以四眼明四隻眼既眼力要側視隔住兩個階磚既對面海份卷完全無難度。至於佢大脾既貓紙就係一早聽女班長個密友奶媽講既，眾所周知我同奶媽亦都算傾得埋，所以呢個大話我都好佩服自己點解可以咁聰明哈哈哈哈哈…

on9。





「你係咪當我弱智？」女班長完全放下楚楚可憐既動人美態，用猙獰既眼光鎖定我呢個獵物，「有咩收埋好而家呢一刻即刻馬上同我嘔出黎。」

不消半秒我就成為死狗一條。

第四個人知道左我既能力。