我係一個精神科護士，而我男朋友係一個精神病患者

（就咁睇標題可能會有啲似前排套韓劇😂但現實中真係有可能發生）

我叫林芷寧，係一個讀緊精神科護理既Year3學生，而我男朋友李竣霖係一個躁鬱症患者。

何謂躁鬱症？即係躁狂+抑鬱症。有時會睇所有野都唔順眼，咩都鬧一餐，發脾氣，但有時就會覺得全世界都無人中意自己，咩都做唔好，覺得自己好失敗，將自己封閉，唔理任何人講咩。

我同佢好似好多情侶一樣，係中學同學，兜兜轉轉先會係大家身邊。