《我坐上了尾班輕鐵》: 4.漆黑無人的月台

呀宜望了我一眼便繼續看手機。

我望向窗外，心想:「真係有啲唔對路喎...明明兆麟站旁邊有個商場架，無理由記錯架...咁大個商場唔見咗？！點解個街景得番啲樹？啲樓呢？車呢？條街點會一個人都無？」

輕鐵列車即將埋站，我放眼望去月台，竟然漆黑一片，空無一人。「唔係呀嘛？！停電呀？黑到伸手不見五指...咁奇怪既？！唔係邪到咁呀！」我感覺到自己手心微微出汗。我望向呀宜，她彷彿沒注意到異樣，坐在我旁邊玩手機。

輕鐵車廂廣播:「下一站兆麟。The next station is Siu Lun.」

正如我所講月台空無一人。





月台的鐘正顯示00:12。

寥寥數人於這站下車，隨後他們的身影沒入黑暗之中。

「點解啲人唔覺得奇怪既？平日個站唔係咁架... 比著係我我一定唔會落車！黑到咁喎～奇怪！成個異度空間咁既樣... 呀宜自己返屋企好似唔係太安全不如送佢返去啦！」我心想。

很久以後回想起這奇怪感覺我發現男人的第六感不比女人差（這是後話）。

「呀宜你咩站落車呀？」我不經意地問。





「我屯門碼頭落車。」呀宜抬頭望著我眼睛答。

「不如我送你番到屋企樓下啦，咁夜你一個好唔安全。」

呀宜靦腆一笑說：「好呀麻煩曬你喇～」

𠲖～𠲖～ 輕鐵繼續行駛。