《我坐上了尾班輕鐵》: 2.月台上的詭異婆婆

輕鐵恢復正常行車。車廂內的人各自做自己事，講電話的講電話，看報紙的看報紙，彷彿剛才輕鐵故障像沒有發生過一樣。

𠲖～𠲖～𠲖～ 輕鐵行駛時與路軌磨擦的聲音在深夜裏格外清晰。此時輕鐵正在轉彎駛慢慢地駛進月台。

看見月台上有一個婆婆，目測大約80歲，她長得頗像櫻桃小丸子的媽媽-一頭濃密的圈曲髮，唯不同的是頭髮是銀白色，穿碎花衣服套裝，黑色細帶涼鞋，推著一輛手推車。打量一番之後我心想：「咁夜得婆婆自己一個搭輕鐵佢屋企人又會咁放心既？！」婆婆眼睛和我對上，詭異一笑，我打了一個冷顫。

「呀鳴，咁夜婆婆自己一個既...」呀宜輕聲對我説。

「咪係囉！」我心不在焉地回答，此刻心裏回想著婆婆剛剛那個詭異的笑容。





輕鐵剛進月台，婆婆緩慢地步入車廂。她把手推車放好後住關愛座坐下來。 不知道是不是心理作用，她進來車廂後我感到車廂溫度下降了。

「呀宜，你覺唔覺得夜晚車廂特別凍？」我一邊搓手一邊問。

「係有啲凍呀，可能少人所以凍。」她把外套的拉鏈拉上。

「個呀婆有腳有下巴有影，有齊人既特質！應該係我諗多咗，咪生人唔生膽自己嚇自己啦！」我在心中安慰自己。

婆婆沒有將手推車固定好所以輕鐵行駛時手推車移動了，我便主動行過去幫婆婆把手推車放好一點。





「唔該曬你呀後生仔，你真係好心喇。係呢你地做咩咁夜呀？」

「同朋友食飯掛住傾計無留意時間所以咁夜...婆婆你又咁夜既？」 我不好意思地摸一摸耳朵回答婆婆。

婆婆微笑但沒有回答我的問題，然後說：「後生仔唔應該成日咁夜，搭尾班車好危險架。」

我心想：「婆婆又幾親切喎～真係唔可以以貌取人...不過尾班車我成日搭都無事發生可以有咩危險姐？婆婆你而家又咪係搭緊尾班車...」隨即我向婆婆微微一笑。

婆婆語重心長地說：「唔好嫌阿婆長氣，我朋友以前經歷過啲事，我先提醒你。」





我想快點結束話題，所以我點一點頭以回應婆婆。

列車繼續行駛。

「下一站安定。The next station is On Ting.」輕鐵車廂廣播。

婆婆苦口婆心地說：「我落車喇後生仔，唔好咁容易相信人，要留意身邊人同事情，仔細觀察，最重要要相信自己個心！」

「呀婆神神化化講野咁玄既。」我心想。

我目送婆婆下車後，婆婆朝我們揮揮手，一眨眼功夫月台空無一人。究竟婆婆是不是人呢？

「呀...呀鳴...你見唔見到婆婆？佢落車之後好似好快唔見咗咁...」呀宜拉著我衣袖說。

「唔係呀頭先婆婆落車我睇住佢落樓梯，你唔好嚇自己啦！」我故作鎮定地回答。





心想：「有無咁邪呀？個呀婆拉住架車點會行得咁快呀？！男人老狗點可以係呀宜面前怯呢！？唉...唯有咁講安慰呀宜啦～」

我和呀宜對視一眼，沉默了。