分手後 致曾經....: #1 初遇的我們

緣分？

一個偶然，我係一個game到認識左你，每日一齊玩一齊discord傾計，交換ig睇相，幾個月後膽粗粗約左你出黎係你生日個日嘅夜晚，然而你大過我八年
唔知道有咩送好 只係準備左dior嘅化妝品比你
估唔到你竟然肯應約，其實我好冇自信傢，我唔高唔靚仔對比你又有錢又靚女，但係出到來你冇嫌棄過我甚至睇戲主動同我飲同一杯嘢飲喂我食嘢
成套戲我留意嘅唔係套戲嘅內容，我留意嘅係你坐係我隔離靜靜咁睇套戲，全神貫注嘅你真係好吸引我

睇完戲之後我地就去左預先約book左枱嘅餐廳食飯，我唔知你口味係點，總歸我地係第一次見
係戲院燈光比較昏暗都冇好好睇你個樣，直到係餐廳面對面先真正望住你
有少少肉地嘅你其實真係好可愛笑起身兩個酒窩真係好靚
可能係因為第一次見面？你食得好少想扮下細食咁 結果食剩好多野食飽都夜晚十二點啦




「咁夜行返去你驚唔驚唔安全呀。」
「傻啦，有你係到傢嘛。」
「我地不如行下先再返去啦咁，反正返到去都冇乜嘢做。」
「好呀。」

我地由深水埗行到尖沙咀，但係你唔知嘅係其實我係屯門出黎，其實凌晨係冇咩車可以返到去傢
「係呢，你今日生日你冇人約你嘅咩？」
「有呀，你咯。」
「你冇男朋友陪你慶祝嘅咩？」
「自從幾年前分手之後就冇拍過拖啦，做咩咁問呀。」




我諗到呢到 佢都明白我係到試探緊佢 既然佢冇男朋友咁我就可以放心咁試下同佢發展 但係當下我冇講出口 大家心照
大家就講下自己嘅笑料呀 佢又講下自己啲趣事咁 講講下就到佢樓下

「原來兩點傢啦，時間都過得好快下，好似見左冇幾耐咁。」
「係呀，同你一齊嘅時間真係過得特別快。」
「你住邊傢陪我行咁遠會唔會返唔到屋企傢。」
「屯門呀，可以答的士返去嘅，冇所謂啦。」
「咁呀，不如你上我到我廳到有梳化可以訓。」
當時嘅我可能食懵左
「唔洗啦你返去先啦我搵的士就得啦。」




「哦好啦咁下次見啦，我上到去打電話比你啦。」
「好啦，拜拜。」目送佢入𨋢上樓我先去搵的士返去 佢臨尾入去之前對住我笑左笑 
真係好靚好靚 係我心入面



處女作，自己嘅經歷改編，《我仲好掛住你》