我枱頭有盒突然有盒朱古力: 2.

我徐徐走到Vincent的位子旁，
「Vincent哥，小人平時做野都叫落力，又有交帶......」我磨擦雙手，完美45度角彎腰對著他。
「喂勁喎林大為！有人送朱古力比你喎！」
霎時之間，全部同事都走到我的位子旁觀摩觀摩。

「我都係想知琴晚發生咩事姐......」
Vincent忽然拉我到影印室中，他想幹甚麼！？
「我.....我唔賣身架.....」
「教我蘇格蘭高地話。」他說，「我都想校長請我飲酒。」
「吓？我以為你想......算啦冇野喇。」幸好，原來Vincent不是想要我的屁股，「哦好易姐。」




「放學到711室搵我。我會再同你講哂琴晚發生嘅事。」

於是，我就在5時，不但學生走光，就連老師都差不多走光時，我就於711室跟Vincent幽會。
啊不對，會面。

「嗱，我琴晚叫果枝酒呢，讀就讀La-ga-vu-lin，解The hollow by the mill。」
 「咁姐係點解呀？」
「英文你就問呀Ling啦！我剩係教你啲酒名，呀唔係，係蘇格蘭高地語嘅讀音咋嘛！」
我激動得大喊出來，為甚麼他還要執著在這些無謂的事情上呢！
不過，我好像叫得太大聲了，有校工探頭進來看看發生甚麼事。





「咁呀，教多我一個喇！我就同你講琴晚嘅事！」
「Bow-more，解Big Hut。」我又再說多一個威士忌酒廠的名稱。
「林大為，你作為一個科學老師，估唔到言語上嘅措藝都幾高。」Vincent說，
「好啦！我就話俾你知，琴晚發生左咩事啦！」

．．．．．．．．．．．．
Vincent視角。

「林大為，識野喎！」Michael說，「黎！今晚同你飲威！」




「鄉音21，我地2個嘅！」

為甚麼！區區這個林大為，竟然會懂得這麼多語言的！
還要一下子就搶走校長的歡心！

林大為看到眼前的鄉音21，開心得很。
他把杯子放到鼻前聞了又聞，然後又喝了一小口。
「仲以為你會同出面啲MK仔一樣，一啖飲鬼哂佢。識啲野喎林大為。」Michael說。

「基本基本。唔敢當。」林大為說。
「唔該我要杯Old Fashioned呀。」我跟酒保說。
明明平日女生們看到我點這杯酒，都會認為我是個有品味的男人。
但林大為卻一下子搶走我的風頭了......

「你唔開心呀？」身旁的呀Ling細口啜下她的Gin Tonic。




「冇呀。冇啦。」我說。

「一睇就知佢呷醋啦。」酒保輕聲的對呀Ling說。
幸好沒被Michael聽到。
「吓真架......！你呷Michael醋？！」呀Ling說。
「唔好傳出去。比起女女嘅仰慕，佢嘅歡心對我更加重要。」
「嘩！」呀Ling雙手掩著她的口，她好像不能接受這事實。

我大口喝下眼前的Old Fashioned。
．．．．．．．．．．．．

「吓，Vincent哥，你講完喇？」
「完喇。我記憶最後嘅片段就係依到。」
「咁廢嘅你.....」
「收皮啦，你仲早過我斷片啦。」他說。




好像也對呢，一口酒就秒殺了我。

「但原來你對校長......」
「唔好傳出去。比起女女嘅仰慕，佢嘅歡心對我更加重要。」
「得喇得喇。」

「唉。對調查盒心心朱古力，完全冇進度。」
「不如你問下呀Ling？話哂佢都係全校最強酒筲箕。」
也對呢！還是Vincent轉數快！

「起碼你聽日要陪我問下佢The hollow by the mill，同埋Big hut係咩意思。」
......當我沒說過。