那些年，我最愛的兩個女孩子: 67

「你要係要咁做?我地有詩敏可以幫我地喎」
 
「家姐我講過，即使到詩敏18歲我同佢結婚，佢都只係媽媽半個女，所以我一定要幫媽媽完成佢願望」
 
契媽企係門口等埋我地一齊上校長室
 
「阿風你真係要咁做?契媽唔想你辛苦」
 
「契媽妳就當俾我孝順埋媽咪最後一次，我已經冇機會再孝順佢」
 




「阿風….聽契媽講，唔好咁辛苦啦….你媽咪仲有…」
 
「契媽…如果將來詩敏唔想嫁我，或者我真係唔娶詩敏呢?當初妳都話….由得我同詩敏發展…所以…」
 
契媽望一望校長室再望一望我
 
「入去啦……校長已經等緊你」
 
校長室內，我同家姐坐係校長同副校長面前
 




「同學…我地已經二十幾年冇收男仔….對上一個係你爸爸，你好清楚?」
 
「完全清楚」
 
「你為左你媽媽而黎…你地媽媽…」
 
校長拎起左媽媽成績表同操行表睇，媽媽讀書冇契媽咁叻，不過操行係A
 
「Miss孔妳點睇?有女校男生經驗而家只有妳一個」
 




「校長，其實…當年Tony黎到，都係乖乖地讀書，冇做過d咩越軌行為，佢最嚴重都只係…..呀…」
 
「只係咩?可以講出黎」
 
「只係第一日入錯更衣室，見到我換衫……之後我打左佢幾巴」
 
我同家姐聽到之後都出左聲「woo~」怪唔得爸爸叫我入房之前要小心、小心
 
「同學，你而家知道你自己嘅背景，你仲要返警署係唔係?」
 
「係，我仲掛緊噹噹，我認我有黑社會朋友，不過冇人話唔可以同黑社會做朋友?」
 
「同學，你要明白，做我地學校嘅女校男生…」
 
「必須要打低全部同級女同學，我明，我亦都準備好接受任何條件」




 
「任何條件……我要你會考30分得唔得?我唯一條件」
 
契媽同家姐聽到之後，佢地都覺得條件好苛刻，基本上冇咩可能做到