那些年，我最愛的兩個女孩子: 60

「牛!牛!牛!」
 
「魚皮鮫呀!!!詩敏鍾意食」
 
「阿熙你點會知架」
 
「佢次次都食魚皮鮫米線多蔥，有邊次唔係我幫佢叫定?」
 
「你咁留意佢呀?」
 




「痴…痴線啦…我會鍾意果隻豬西架咩，而且詩敏係你女朋友，我點都唔會…」
 
「得啦得啦，你仲怕羞過怕羞仔啦，怕羞仔你又點呀?暑假無啦啦俾人飛左」
 
「下…咩點呀?咪又係咁」
 
「佢女朋友係右手」
 
「你女朋友係左手」
 




「好啦好啦，快d買野啦，一陣家姐鬧架啦」
 
返到屋企，家姐就問邊個去洗野，然後成班望住我
 
「咩呀?我地過門都係客喎，咩呀?」
 
「得啦D!我去整野」
 
我係廚房整野整得如火如荼果時，係我間房傳出左笑聲
 




「阿風細個好X呀!!!」
 
「好on9呀!!!!」
 
原來成班恥笑緊我小學嘅相，好彩我同雪凝嘅相收埋哂，費事俾佢地左問右問
 
「阿哥，你做咩收埋哂麵包姐姐D相?」
 
「咁妳係女主人嘛，當然要擺妳嘅相啦」
 
「賣口乖!!今晚家姐…係唔係到?」
 
詩敏已經開始人細鬼大，不過我又唔可以成日同佢咁搞法，點都要推佢一次兩次
 
「今晚唔好啦，家姐會係到呀」




 
「哦，咁算啦」
 
最興奮嘅時間到啦!!!淥啦!!!
 
「阿哥打開口丫」詩敏將件牛肉吹凍再俾我食
 
「呀…你地兩兄妹可唔可以唔好放閃呀!」
 
「關你咩事呀?唔滿意咪搵個女朋友囉，不過睇你都係右手架啦」
 
「我用左手」
 
「變態佬!!!」
 




「詩敏唔好串阿熙啦，係佢提我買魚皮鮫俾妳架」
 
「佢?佢點會知我鍾意食咩呀」
 
「魚皮鮫米線多青唔要腩汁清湯底仲要加醋」
 
詩敏望實阿熙「你…你點知架」
 
「平時係佢幫妳叫野食架嘛，妳唔知咩」
 
「係佢呀…」
 
詩敏當時有少少面紅咁望實阿熙
 
「阿哥你幫我叫返啦」




 
「點解呀?」
 
「我鍾意你幫我叫」
 
怕羞仔見到呢一幕就忍唔住問我同詩敏嘅關係