那些年，我最愛的兩個女孩子: 50

詩敏一見到Tiffany，佢就立即坐係我身邊捉實我，我當時只係諗到一樣野，詩敏佢宣示主權
 
不過Tiffany果然係食過夜粥，佢見到詩敏咁樣仲行埋黎
 
「阿風，你尋晚咁夜瞓你仲起到身咁叻嘅?」
 
Tiffany咁樣講法即係代表d咩?代表佢尋晚知道我行蹤，亦可以代表尋晚佢陪我溫書之類，詩敏一聽見之後隻眼碌到好大好大咁望住我
 
「哦……尋晚我送完妳返屋企，好快就返hall沖涼瞓覺，妳知啦，踢波大過天架嘛，hahaha…」
 




「尋晚唔該哂你啦，以後都要麻煩你啦」
 
「唔..唔洗客氣」
 
坐係我身邊嘅詩敏已經燶起哂塊面，怒睥住我
 
「你尋晚去左邊呀?」
 
「咪去自修室溫書囉，之後遇到Tiffany，再一齊溫書，咁太夜，我咪送佢返屋企囉」
 




「點解你唔同我講呀!!」
 
「傻妹，送女仔返屋企好正常咋」
 
「不過…不過佢…」
 
我係詩敏耳仔邊講:「果日起身咪應承左妳囉，妳唔記得?」
 
我坐返好之後發現詩敏塊面都係紅扑扑咁樣，佢又怕羞又嬲又唔知點個樣好得意下
 




「唔…算你啦，你真係唔好同佢有咩進展，我只係會同麵包姐姐爭，應該講我只會認佢呢個對手，其他女仔同我行開」
 
「傻妹黎嘅，我幾時有呃過妳」
 
詩敏聽到之後好開心，然後一腳伸去阿熙到
 
「你呀!!做咩唔陪阿哥去自修室架!!」
 
阿熙轉頭過黎好不滿咁望住詩敏
 
「妳阿哥大個仔架啦，妳唔好管住佢啦，反正妳都係唔夠d大姐姐鬥架啦，算吧啦妳」
 
詩敏聽完之後，佢拎起個波扔過去阿熙到
 
「吔屎啦你!!!」




 
阿熙都不甘示弱向詩敏反擊
 
「妳而家屙丫，係到屙丫!屙唔到丫嘛」
 
「你….你好野!!!李健熙!!!」
 
「有咩好野唔好野呀?張詩敏」
 
見呢個情況，我又要出場啦，我雙手合十對住阿熙
 
「唔好串佢啦好嘛……」
 
「喂踢波啦!!!暑假我地參賽呀喂!!!」
 




我係踢波果時，擔任守門員，我綽號係西區卡斯拿斯
 
我係場邊搵d tape帶紮實隻手以防篤魚蛋，Tiffany見到之後，佢就走過黎幫我紮
 
「我幫你啦，你一隻手點整得掂呀」
 
「下……Tiffany…唔洗啦，我習慣左架啦」
 
詩敏呢個時候趕到返黎
 
「Tiffany姐姐，唔洗妳幫手架啦，阿哥佢搞得掂」
 
然後佢望住我「落場啦你，吼……」睇黎詩敏都開始識獅哮功