那些年，我最愛的兩個女孩子: 46

詩敏返左屋企之後，我嘅生活回到以前咁，返學放學，溫書打波。而最近，我同阿熙係學校練劍法
 
學校有D好長嘅木間尺同burette同埋pipette，我地好鍾意用黎練劍，阿熙經常用辟邪劍法或者霸王回馬槍挑戰我嘅獨孤九劍。當日我地係lab到又再一次決戰
 
「令狐風!!今日我要領教你嘅獨孤九劍!!!」
 
「步Gap雲!!!我要試試你嘅霸王回馬槍!!!」
 
阿熙拎住枝burette係到舞，而我就拎住枝pipette係到對戰。我地兩個係lab到周圍走，沿途有唔少同學吶喊助威
 




阿熙嘅回馬槍法俾我嘅破槍法所擊破，係最後關頭佢使出絕招
 
「霸王回馬槍!!!!」
 
佢以完美嘅動作轉身，用運氣將力量直貫槍頭，一篤
 
然後我地成班靜哂，佢除左篤中空氣之外，企係佢面前嘅係我地阿sir
 
「shit….阿風…」
 




當時我已經坐返埋位係到jot notes
 
「唐伯虎呀?」
 
「唔係….」
 
「一陣罰留堂」
 
現場傳來好多恥笑聲音，返到課室，阿熙好失望咁坐低
 




「搞咩呀?」
 
「今日冇得去睇打波者，要留堂」
 
「班英華妹打波又唔係叻，睇黎做咩」
 
「挑~我地去女校當然係睇女啦」
 
「我都睇慣哂，我陪你留堂啦」
 
「你唔去陪詩敏?」
 
「唔啦，費事佢係學校痴實我，我同左佢講我要留堂啦」
 
「真係冇問題?」




 
「一場兄弟，怕咩丫」
 
放學果時，阿翀同我地揮手
 
「拍多D片黎睇呀!!!」
 
「得啦!!」
 
男女子校隊一齊行上山，去同英華女校打友賽。我就同阿熙係到留堂做功課
 
我地留到大約5點半，離開學校果時見到我地嘅校隊同埋詩敏一齊行返落黎
 
「阿哥!!!你頭先睇唔到我打波啦」
 




詩敏咀扁扁咁望住我
 
「妳入左英華校隊咩?就算係，妳都係c grade者」
 
「唔係啦阿風，頭先Jasmine個師姐係學校指明要Jasmine幫我地落場」
 
「下?」我聽到之後對眼真係想跌出黎
 
「果個TB隊長嘛，學期初輸俾我一次，佢想報復，咪又輸一次俾我囉」
 
「詩敏佢好叻啦，獨取14分，5助攻」
 
「阿哥你就衰啦，睇唔到我表現」
 
「阿翀你有冇俾女仔蝦呀?」




 
「佢當然有啦!!俾上次果三個師姐玩到飛起」
 
「又射Key呀?」
 
「唔…唔係…只係要我請佢地食野者…不過我對佢地只係普通朋友咁樣….冇其他」
 
「得啦得啦…怕左你啦」
 
送到詩敏返屋企門口果時，我俾契媽捉左入屋，迫我飲湯，全程詩敏都痴到我實一實