那些年，我最愛的兩個女孩子: 42

星期一返到學校，我就俾一班友捉住
 
「星期六做咩唔去打波呀?」
 
「我要陪詩敏嘛，佢而家係hall同我一齊住」
 
「搞咩呀?」
 
「佢俾契媽趕左出門口」
 




「嘩…大件事呀?」
 
「非常大，不過我會好好照顧佢嘅」
 
「恐怖雞真係咁恐怖架…」
 
「當然啦，我一陣放學仲要上去接詩敏，呀…好攰」
 
我係課室嘅小雪櫃拎左罐red bull出黎飲，怕羞仔見到就出黎講道
 




「阿風，飲太多呢d野唔好架，入邊d咖啡因成份會令你……」(下刪三千字)
 
「得啦翀哥，我都係好攰先飲，而唔係日日飲，你可以放心啦」
 
阿熙行埋我身邊望住我
 
「阿風洗唔洗我地陪你去接詩敏呀?」
 
突然間成班好似好熱心上英華接詩敏咁，但佢剛闖左個大禍出黎，再有咁多男仔接佢，恐怕有點兒哪個
 




「唔好啦，你地都知契媽恐怖之處，大家都係少上為妙」
 
為左唔好令契媽同詩敏難做，我放學係遠少少嘅位置等佢放學，不過都望到英華門口。到左3點半，英華嘅放學鐘響起，10分鐘後開始有著藍色旗袍長衫嘅女仔行出黎，我企果個位置都吸引到唔少英華妹望過黎
 
「咁大膽嘅….」 「唔怕恐怖雞?」呢D說話此起彼落，好快詩敏就放學出黎走到我身邊拖實我
 
為左唔令我尷尬，佢一見到我就叫我做阿哥，再扔個書包俾我幫佢孭
 
「點呀?今日如何?」
 
「唔…暫時都冇問題嘅」
 
「我俾妳果D夠唔夠?」
 
「其實我都少用錢，阿哥你自己儲返啦」




 
「妳用啦傻妹，雖然而家妳帶飯，但有時買野都要用錢架嘛」
 
「但係媽咪…」
 
「我咪話唔同契媽講囉」
 
離開英華一段路之後，我拖起詩敏隻手慢慢行去搭車返Hall
 
帶住詩敏返Hall兩個人做功課，家姐落堂之後就返黎照顧詩敏同煮野食，我就去搵佢d同學補習