那些年，我最愛的兩個女孩子: 37

「Tiffany冇黎?」
 
「係呀，佢係學校門口見到我地就問你係邊，佢知道你返hku睇醫生果陣就話唔睇我地打波」
 
「我真係對佢冇興趣喎」
 
「不過呢，星期五係西檸雞輸左俾個英華妹」
 
我地一班男仔打波竟然會輸俾女仔，仲要係契媽D學生?有冇搞錯呀!!!
 




「校隊?佢地學校打波一般者，你地係咪掛住睇靚女呀?人地拿高條裙你地就扯哂射唔到波?」
 
「咁有兩個又真係好靚，又有身材嘅」
 
「扎孖辮果個真係堅靚喎」
 
「扎馬尾果個仲正喎，又有波又有長腿又有樣」
 
「講左咁耐，圖呢?」我同阿熙都非常唔滿意，有圖有真相
 




「冇呀，冇影，我地輸左錢俾佢地」
 
「你地鬥咩呀?3on3?」
 
「唔係，其中一個馬尾妹揀左怕羞仔鬥射key，我地賭得幾大下」
 
「賭注係咩先?」
 
「我地贏左呢，馬尾妹就俾哂佢兩個同學電話我地，我地輸左就請佢地飲野」
 




「睇你地都係似輸左啦」阿熙用一個好不滿嘅眼光望佢地
 
「唉…馬尾妹原來識打波，我地仲讓佢射先」
 
「咁你地拎唔到電話係你地失職啦」
 
「唔係架!!我地拎左馬尾妹電話，仲問埋佢地三個叫咩名」
 
「咁叫咩名呀!!講啦!!」
 
「馬尾妹一號叫Ivana，長腿馬尾妹叫Joanne，孖辮妹叫Jessie」
 
「中文名呢X!!!呢D名係女校求其執幾個都係啦」
 
「呀…唔記得左」




 
「食屎啦你!!!你叫我點叫詩敏幫我搵呢幾條女呀!!!」
 
「詩敏….佢又係讀英華咩?」
 
「係呀!!!佢咁叻，點會讀唔到呀」
 
係下一次打波，佢地成班圍住詩敏係到問佢三個師姐嘅事