那些年，我最愛的兩個女孩子: 23

「丫，同學，咁串咀嘅?未聽過柳記沙咀靚仔倉呀?」
 
「未喎」
 
「未就同我收聲，柳記…即係懲教署，係沙咀，即係石壁有個勞教中心，入去嘅刑期通常半年至一年，但係入到去就係惡夢開始。果到柳記真係會打D犯，因為入得去都係嚴重紀律問題，要用勞力黎教訓你地。入邊每日得3分鐘沖涼，每日不停步操，得幾次機會去洗手間，唔好瀨呀，瀨左你自己用口清潔，我所知係咁多呀」
 
「都係捱一年者」
 
「要你食屎食一年你食唔食呀?阿哥，你邊間公司架?咁串嘅?」
 




「冇，咩公司者」
 
「得啦，一陣有人去逗逗你架啦，下一條」
 
「咁點解你又唔洗上庭嘅?」
 
「唔…呢個問題，大家EPA都應該有讀過咩係警司警誡啦，果陣負責我Case嘅幫辦見我係單親，所以唔送我上庭，改為警司警誡，受警員監管，即係掛噹噹」
 
「所以你就乖乖地讀書?」
 




「我乖乖地讀書嘛……我唔怕同大家講丫，我父母已經唔係到，我同家姐兩個相依為命。我媽媽臨走前，想將我送去佢自己讀嘅學校到，由我契媽保護我，不過唔好意思，果間係女校，所以媽媽將我送入黎呢到，我爸爸嘅學校。本來地中海唔太想收我架，但係教育局同保安局要佢收，佢可以話唔收咩?佢真係唔驚剩低d頭髮都甩埋落黎?」
 
其實當日校長已經剷光左頭，更型更清爽
 
「咁你仲有冇同以前d 聯絡呀?」
 
「邊敢呀?我唔想入沙咀喎」
 
「以前d大佬所謂照你呢，係點照呀?」
 




「照?佢唔跣你已經好好啦，果陣d大佬呢，就成日要我地孝敬，請佢飲酒食飯之類。有事大難臨頭就第一個走先，你話呢d係咩大佬?好…下一條…」
 
係呢個分享會之後，我係學校嘅人氣升左唔少