那些年，我最愛的兩個女孩子: 17

「黃sir，我係阿風，而家我係球場果邊，係…有d藍燈籠想郁我同學，係…係…便裝過黎?係…」
 
我打左俾黃sir，然後自己行過去班同學到，果時我班同學已經俾人凶緊，要嗑頭道歉
 
「嗑咩頭呀?邊個話嗑頭呀?」
 
我班同學見到我出現、我咁講，佢地一個二個目定口呆
 
「細佬，你咩料呀?個場我睇架喎」
 




我一d都唔覺個場佢睇喎
 
「係呀?藍燈籠學人睇球場呀?喂果邊張乒乓波檯咩人睇呀?紅棍睇?」
 
「X你老X!!咁X串?你邊間公司架!!」
 
「我呢，就辭左職好耐，不過見你地D垃圾藍燈籠係到扮哂野凶人，我睇唔過眼者」
 
「你老X!」對方一拳打落我塊面到，我咀角損左，喂阿哥，戰力咁少就咪黎球場扮野啦
 




「就咁咋?」
 
當佢再想打過黎時，我D同學開始反擊
 
「唔好郁手!!!!我叫左人黎!!!!」
 
「細佬!!!你吹雞!!我都識吹呀!!!」
 
佢地10幾人，連埋D MK妹係到叫囂，氣勢係幾勁嘅
 




我轉身同D同學講「幫我做證，我冇郁過手」
 
大家都點一點頭示意
 
一拳打過黎，我忍住左
 
「挑~藍燈籠，黎多兩拳丫」
 
估唔到佢真係黎多兩拳，真係兩拳咋，之後就聽到反黑組嘅聲音
 
「全部企埋一邊!!!男左女右!!!死靚妹望乜X野呀!!!企呀!!」
 
黃sir帶住一班反黑組同男帽子黎到踩場
 
「你以前間公司架?」




 
「隔離公司d藍燈籠啦…我舊公司唔搞球場」
 
「有冇郁手呀?」
 
「冇…硬食幾野者」
 
「拎對手出黎睇睇」
 
黃sir睇完之後好滿意「記住!!有事就打電話搵我地，你掛住噹噹唔好亂黎」
 
「知道啦…」
 
「上車啦!!!車你返hall」
 




「係…」
 
終於我d同學想開口
 
「呀…程逸風…」
 
我轉身望一望佢地「我冇事，慣左。」
 
返到hall，黃sir同家姐解釋完之後，我就繼續自己溫書，不過塊面瘀左，要碌雞蛋
 
今次係Samantha幫我碌雞蛋呀!!!!正呀喂!!!!