那些年，我最愛的兩個女孩子: 7

「逸怡…」爸爸要見家姐啦
 
「爸爸…」
 
「妳…做家姐，將來就算妳嫁左都好，妳都要好好睇照顧細佬，知嘛?」
 
「知道啦爸爸……」
 
「妳要幫媽媽手，打理屋企，將來…要搵個錫妳嘅男仔同妳組織家庭，唔好搵個似爸爸咁嘅人…」
 


「爸爸…你係最好架!!」
 
陸陸續續，有爸爸同事、朋友、同學、上司等等黎見佢最後一面
 
終於醫生再黎巡房
 
「林醫生你好…」
 
「程生，我冇咩可以幫你做，主診醫生話得做幾多就幾多，我只可以幫你加大氧氣同落止痛藥，但係會加快你嘅離開」
 


媽媽係呢個時間，向醫生提出左要求
 
「醫生…可唔可以將我先生拖多兩個鐘?我地有個朋友放學黎緊」
 
「冇問題，我唔加藥，會拖耐少少，但係病人會痛苦好多，程生你冇問題?」
 
「老婆…妳點解…」
 
「老公…你想見阿玲…我知，咁多年黎嘅事我都知，當年果晚我都知，所有事阿玲係我地結婚前一晚都講哂出黎，你個心….對我同對佢都冇變…所以…我地兩個會陪你一齊行埋佢」
 


「多謝妳…」
 
終於契媽一家趕到黎，爸爸先向契爺吩咐哂d野
 
「Terrance…我一家三口…就交俾你啦…」
 
「Tony，我會幫你照顧哂全家，一定!!!」
 
「詩敏…」
 
「契爺….你要走啦?」
 
「嗯…契爺行先一步啦，妳要乖乖地唔好激爸爸媽媽知唔知?」
 
「知道啦契爺，我會照顧哥哥架啦」


 
契爺都知道爸爸同契媽想單獨相處，所以好識趣咁出左去
 
我地係外邊見到契爺
 
家姐忍唔住問左佢「契爺….你真係俾契媽同媽咪留低?」
 
「佢地三個嘅事……我地外人唔明架啦傻妹，有時，愛一個人，會接納哂佢所有野」
 
病房內，爸爸同契媽同媽媽最後時光，不過媽媽行埋左一邊