【重甜】【校園】16歲女高中生——我隨時準備誘惑學校阿sir: 坦白

上咗的士之後，開頭嘅時間我哋咩都冇講，大家都保持沉默。好靜，淨係得返的士跳錶聲。

「哇，o靚妹，你男朋友咁好！專登送你返屋企？果然係後生仔女，甜甜蜜蜜！真開心！」個的士司機一係唔講嘢，一講就講埋啲令人尷尬嘅嘢。

「司機，你又知我哋係情侶？點睇得出啊？」我用好疑惑嘅語氣問佢。

「睇個眼神都知啦！你男朋友由上車嗰刻，視線就停喺你身上冇移開過！有啲嘢係呃唔到人㗎！」

聽完呢句之後我立即望吓阿sir，點知佢又即刻望返正前方，正襟危坐咁款。唉，唔知司機講真定講假，定係想氹我落車俾多啲貼士佢？



「Eve，網絡世界係咁，好多人都心術不正，只會落井下石。我明白呢件事對你好大衝擊，你返到屋企有啲咩唔開心嘅都可以私底下搵我傾呀！」

聽到呢度，我忍唔住一次過問晒我積累咗好耐嘅問題。

「阿Sir……點解你話我哋作為師生，當中一定有條界線，大家都唔可以僭越。但你默許我拖住你，又不斷重複睇我嘅IG Story，我錫你嘅時候你又冇推開我，甚至要主動送我返屋企，關心我嘅情緒？」

「你只係我嘅老師咋。如果你唔係想真心同我開展一段關係嘅，咁我拜託你，唔好再做啲好曖昧嘅行為啦。既然你選擇拒絕我，咁你可唔可以有決心啲，拒絕到底？起碼令我死心都好。」

「你知唔知你咁樣，對我嚟講，係一種傷害㗎？」



我一口氣問晒所有野，連個司機都俾我嚇親，即刻專心揸車。

「Eve，既然你都問得咁直白，咁我就同你講清楚。由一開始我入嚟學校做，你嘅外在的確好吸引我，你好靚，身材好好，好有自信，笑容好甜，好盞鬼，好得意，好百厭，我開頭覺得你係一個好有活力而且充滿魅力嘅學生。」

「第一次見到你喊，我係有幾心急，好心痛，但當時基於自己仲係新老師嘅身份，我唔敢過分關心學生，我好怕謠言，好怕啲人誤會。而你每一次嘅主動，我好開心亦都好享受其中。慢慢，我對你產生好感，但我知道師生戀根本係冇可能嘅事，我唔想俾你假希望，因為係冇結果㗎。」

「所以我好多時候嘅反應都看似好冷淡同冷靜，呢啲只不過係我想掩飾自己洶湧嘅內心。我唔想因為我嘅自私而影響埋你嘅學業同未來，所以我先選擇拒絕你。我唔捨得見到你受傷，想默默地保護你。」

「但好多時候，我發覺自己控制唔到，尤其係見到你唔開心，你落淚，你委屈，我抑制唔到自己嘅情感，就已經行動左，主動去關心你。」



「Eve，我鍾意你，我都想做你男朋友去寵你錫你愛你。但因為我老師嘅身份…我都覺得好痛苦呀。」

佢嘅眼框紅咗，眼球表面有一層淚水，但我知，阿Sir好努力咁唔俾自己喊。

下一秒，佢好溫柔咁錫左我額頭一下。

我塊面紅晒，面珠燈同埋耳珠都好熱，阿Sir輕輕力摸我耳珠，摸我個頭，好似呵護緊一件非常珍貴嘅物品咁。