老人家嘅第二世界歷程: 第三章-深藏不露的阿伯？！

深藏不露嘅阿伯！ （第三章）

「伯伯！好掛住你啊！」一伙人向剛探來的伯伯衝去。

「嘩！半個鐘冇見渣喎！咁掛住我呀。你哋點呀？」伯伯抱擁着他們。

半個鐘，兩日無嚟過喎！再加上上次一嚟就走囉，點止半個鐘咁少啊！

「嚟，小朋友，過嚟吖！」伯伯向我揮手。





「伯伯！你好呀！咩叫半個鐘呀？」問清楚佢先，開始覺得越嚟越大落差。

「啊係喎，唔記得咗添，大家，前兩日有一個新同伴，佢叫肯恩啊，同佢打聲招呼啊！」

「肯恩你好啊！」我都有啲唔好意思。

「肯恩，你唔知咩係半個鐘？半個鐘係代表九日，每十八日就一個鐘，十個鐘就一地年。Umm仲有一日就九辰，九辰就五十分，一分就五十秒。如果要表達時間嘅就好似今日係三千六百二十年又四鐘七日。」

死得啦，複雜到咁樣，真係同地球好唔同，同埋佢真係幫我作左個名喎，肯恩呢個名都幾好。「伯伯，我真係咩都唔知㗎，你可唔可以教我㗎？同埋我想學多啲國際關係啊，我對國際關係好感興趣呀！」





「既然係咁，不如我哋今日學國家基本資料同埋國際關係吖！你哋話好唔好？」

「好！」和議下先！

佢帶我哋入咗去一間教室，我喺度兩日都唔知有課室嘅存在…

「好啦， 坐低先啦你哋。喺呢一張地圖最左邊嘅大陸呢，就坐擁咗兩個國家。上面啲大啲嗰個係亞基人民國，或者都有啲人叫做亞基人民團，佢地係一個地大多山嘅國家，天然資源十分之豐富，但係人口有成九百幾萬，而佢又成日同佢下面嘅國家有爭執嘅。而嗰個國家就 叫洛王國啦。洛王國係一個騎士國，階級制度好明顯嘅國家，人口有大約一千二百萬，風景優美，地雖然比較小但係都比較平坦，呢兩 個國家嘅軍事實力同埋經濟實力都係偏強嘅，兼且都有成過五百年歷史，而我曾經亦都係洛王國嘅官員嚟㗎。」

「嘩！ 伯伯好勁啊！」我哋異口同聲地說。





「當然啦！洗乜講！」

然後佢再講一大輪…

「然後呢左大陸同埋右大陸相隔左一個仃由洋，仃由洋係一個風高浪急嘅存在，非常危險。右大陸、又叫主大陸，大部份嘅國家都喺度。 較有代表性嘅國家有阿卑路斯、勞烈民主國、雲林國、同埋我哋，希越民國。阿卑路斯帝國係世界第一強國，掌握著最新嘅科技，最大嘅市場同埋最多嘅人口，人口大約五千萬。喺佢落小小嘅地方就係勞烈民主國，人民比較嚮往嗰度嘅自由生活，地比較細，資源都較少，而佢就係反魔聯盟嘅盟主國，人口有一千五百萬，係魔武器研發嘅第一國。雲林國呢就係有整個雲拉大森林同埋一啲周邊嘅地方，地大物博嘅佢有成呢個世界百分之三十五嘅範圍，但係得八百萬人，由於佢嘅歷史尚淺，所以佢依家喺度高速發展，同時有大量會魔出現 喺雲拉大森林，所以雲林國係第一個宣佈同魔達成不干犯協議，但係呢個行為令佢除咗我哋同埋南方邦國之外，都同其他國家關係唔良­好，尤其勞烈民主國非常仇視佢哋…」佢喺度嘆氣…

我覺得聽到有小小沉重就講咗句。「伯伯，其實魔係唔係一個錯誤嘅存在呢？」

「我…覺得唔係，嚟，肯恩、羅直、新智、你哋，唔好認為魔一定係邪惡，魔其實好善良，我有好多朋友都係魔，只係我呢個行為被人發現咗，告咗上去將皇，被人趕咗出去，再唔係洛人…然後就係呢度定居，喺度遇到你哋…魔有時會以友善嘅形態出現，但係當佢認為你威脅到佢哋嘅存在，魔就有可能搵佢哋嘅首領去襲擊人類所以喺以往做成咗咁多傷害，基於以上呢啲事情發生，我只會覺得魔根本上同人類一 樣，會保護自己嘅種族，當有一個更大嘅敵人出現喺面前，該種族就會放低彼此嘅成見，共同面對敵人。」慢慢咁吞吐咁講畀我哋知。

「伯伯， 我聽完你咁講，我又會覺得勞烈好衰，明明係佢哋侵犯咗魔在先，然後話魔破壞佢哋在後，仲要仇視雲林國！」羅直咁講。

「咁所以我就無去到勞烈而嚟咗呢度。好啦！今日就到到咁多先啦，係唔係學咗好多野呢？」

「新智覺得呢啲野好悶！有無多啲野挽！」一個胖子回道。





「我都覺得係呀！有冇其他野！」一個幾高，載著圓框眼鏡嘅人講。

「咁好啦！我都有其他野做，下半個鐘會早啲嚟陪你哋多啲㗎啦！係咁先啦，阿盈我走啦！再見。」佢真係一個深藏不露嘅阿伯，好似去消除勞烈嘅仇恨係一個未來最重要嘅行動。

第三章完 ～ 20200909 ～ 1749
(20200910~0026 Second Edition)
(20200910~1020 Third Edition)