老人家嘅第二世界歷程: 第二章-歡迎來到新世界！

歡迎來到新世界！ （第二章）

「嘩！個世界好靚啊！」我大叫。
「你行去大街上，坐喺大噴水池旁，就會有人接應你。」

「多謝你啊！幫我安排周到。」
「我要幫第二個啦，再見。」

「拜拜。」咋咋臨去先…咦跑得幾輕鬆喎，係喎我係小朋友再唔係一個廢柴老人。Er話時話係唔係沿路跑就去到㗎？大街？定係市中心啊，同埋呢度真係一個世外桃源，香港個石屎森林真係好難再睇到呢啲畫面。





「啊文！你去咗邊啊！啊文呀！嗚嗚…」

佢喺度做咩呢，揾仔？「你喺度做咩野啊！姨姨。」

「我唔見咗個仔啊！小朋友，你喺度做咩，咁樣自己一個人喺郊外？」

「無…我只係剛剛喺天…啊剛剛同叔叔失散咗，我已經無乜親朋戚友，啊叔又唔知去咗邊。」求奇作個籍口算。
「唔見咗叔叔啊，啊可唔可以幫我揾啊文仔啊，小朋友。」

幫佢揾仔？有冇着數先。「Er姨姨，我想去市中心啊！我唸應該可以揾返叔叔同埋你個仔。」





「市中心？那提塢市你唔識去？同埋你唔想幫我就算，我自己揾文仔。叫人陪你去啦！姨姨唔得閒。」

呢個世界啲人咁似香港人嘅，尤其有啲似頭六任長官，成日答非所問。算啦，都叫做攞到資料，咩野那堤塢市，都唔知咩嚟。 個阿姨話去嗰個方向就得，點解要我自己問而唔係話幫我接應好囇嘅咩。唉～

應該係呢度？點解咁揸流攤㗎！有啲咩野托兒所，唔係話有養父母咩？！

「小朋友你做咩野啊，唔見有人陪你嘅？」伯伯說。

估唔到我之前做阿伯啫，依家到阿伯睇住個內心係阿伯嘅細路仔。「無野…我只係同我屋企人失散咗好耐，我揾咗好多日等咗好多日但係都再見唔到佢哋，嗚嗚…」作個大啲既藉口會點呢？





「等我陪你入去啦，你識唔識啲基本知識㗎，睇你個樣好似未返學，得七歲人仔咋喎。」

「Er，我唔識㗎，阿爸爸同媽媽都冇教我㗎...」

「唔緊要，入咗去再講。」「阿盈！有個細路係出面喎，失散咗好耐，我養埋佢啊，鐘費十八羅幤係唔係呀。」

「係呀，你已經助養咗好幾個人㗎啦喎，你夠唔夠錢㗎。」一個貌似三十零歲嘅姨姨一路做野一路講。

「我實夠㗎，係咪唔記得咗我係邊個呢！」既忿氣又無奈咁講。

「得啦！知你有錢，唔使寸我。」

伯伯帶我入去孤兒院，間孤兒院都真係好普通，如果我有錢都想翻新，或者將佢改造多用途建築。不過呢度有啲十九世紀嘅感覺。





「小朋友，你喺度生活啦。我定時定候會探你，比如下兩日啦，下兩日見。」佢真係一個標準形象嘅阿伯。

「拜拜伯伯！但係呢我想學下呢個世…呢度啲基本常識啊！你會唔會教我㗎？」

「會，遲啲啦。阿盈，靠你啦！」「我走啦！」

咁樣，我就住咗響度。

第二章完～20200907～2130
(20200909~1647 Second Edition)