Killer: 抗爭者之末路

抗爭者之末路

藍燈無警示的亮起，傳媒再度開腔，打斷了阿Tim的大笑︰「好喇，基於啱啱嘅投票結果，而家仲有四位參加者，由於唔係全部都同一陣營，所以我哋又要開始下一輪遊戲喇。」

被傳媒打斷笑聲的阿Tim當然不是味兒，但勢孤力弱，剛遭遇背叛的朱Ling顯得更加意志消沉，阿瑩偷偷瞥了他一眼，不禁搖頭歎息。

「二零一九年十一月十一日，距離被槍傷嘅中五仔一個月多啲嘅光棍節，今年比較特別，大家唔係去搶淘寶，而係去搶槍。雖然傳媒直播住，全香港人不斷狂Loop都睇唔出邊度有搶槍，但喺PoPo就係法律嘅香港，佢話係搶槍就係搶槍，結案陳詞唔駛審。而哩位喺西灣河搶槍嘅黑衫人亦都受到正義嘅制裁，食咗一粒子彈，真係可喜可樂，正義必勝。同時間喺葵芳，另一位交通警亦都替天行道，揸住架鐵馬衝向啲阻住條馬路嘅人，用行動令佢哋『賞花杏仁露』，幫助熱愛返工嘅香港人可以準時返工，實在係父母官轉生。但乜都反一餐嘅黑衣人抗爭者竟然唔領情，仲要走出嚟四圍破壞，又掘磚又堵路，真係可怒也。究竟PoPo同一哥點處理，而G鋒又點睇呢？」傳媒這次的引言資訊量頗大，參加者雖然眼看不到，不過並沒有認真在聽，只是在想接著下一步應該怎樣做。

「PoPo同一哥，世人對你哋嘅誤會太深，別人笑你哋太瘋癲，你哋笑他人看不穿。明明係為香港繁榮安定努力付出，又OT又銷假，咁多日無得見屋企人，父母老公老婆仔女都差啲唔記得你哋係咩樣，甚至承受自己同屋企人嘅生命財產私隱安全呢啲咁大嘅風險，為嘅就係保護香港，免被一班口講愛港，實質不斷破壞緊香港嘅人蹂躪。可惜無人睇到你哋嘅用心良苦，不過唔緊要，哩度可以畀你盡情執法，貫徹你哋嘅正義，時間交畀你哋發揮，一哥、PoPo。」兩人的眼罩緊接著傳媒的說話而打開。





看著餘下仍然關上眼罩的人，他們十分清楚應該要選誰，但高軒卻遲遲未作出決定，這令到阿Tim很不耐煩。

高軒心入面很清楚朱Ling──即是G鋒還有兩條命，如果中立撚阿瑩真的是藍絲，就選朱Ling發起投票，二藍對一黃，自己也可以活命；不過萬一阿瑩剛剛只是演戲，真正身份是黃絲的話，到時發起投票的情形便會是二黃對一藍，自己便是下一個陣亡的人；但如果這次先選阿瑩，餘下便必定是二藍對一黃，藍營必勝，自己也能活命。

可是腦內缺根筋的阿Tim對高軒怒目而視，指明要高軒選朱Ling，高軒經過一輪掙扎，最後還是順著阿Tim的意思，頂著阿瑩是黃絲的風險選了朱Ling，然後眼罩便關上。

「越近尾聲，進度越快，話咁快又天光開眼喇。」傳媒說著︰「今次雙十一之夜，被殺嘅係朱Ling，你可以揀一個人嚟發起投票。」

「阿Tim！」朱Ling不假思索，直直的指向他的目標阿Tim。





「好，唔該哂你，而家有十五分鐘畀你哋討論，希望你哋做場好戲，可以令咁多位觀眾有意想不到嘅結局。」