Killer: 屍殺列車

屍殺列車

藍光依然充滿整間密室，餘下的九人為著生存正上演最後的劇目。

眼罩遮蓋，夜幕低垂，傳媒開始這回合的引言︰「二零一九年七月二十一日晚，元朗西鐵站入面發生白色生命體無差別攻擊事件，至今無人﹑無團體﹑無組織出嚟承應責任，不過根據閉路電視同路人證供所得，有力嫌疑人依然逍遙法外，甚至平日不辭勞若嘅公僕都被人屈話調頭走人，仲同施襲者搭哂膊頭，一哥同PoPo，唔知你哋有咩想講呢？而呢次襲擊同時宣布元朗正式獨立，成為元朗國。呢件咁曠古爍今嘅事件，亦都化為童謠嘅其中一句流傳後世，而嗰句就係『七二一，唔見人』。」

「上一Round，黃營佔有絕對優勢，但估唔到只係一Round，形勢就有咁大變化，不過點都好，柒婆，睇你有無辦法繼續撐落去喇。」傳媒把重任交給Vanlee。

「而家我知道身份嘅人有朱Ling﹑嘉美同偉傑，而阿Tim啱啱用咗技能，唔駛Check都已經知係一哥，即係話而家未知嘅仲有Harry﹑LU﹑高軒同阿瑩，不過喺討論入面，基本上LU都自揭咗係黃營，而嘉美係黃絲，即係LU會係有技能嘅人，不過佢都已經中咗武肺，即係今Round都死硬，咁就唔好浪費一次機會，一於Check Harry。」Vanlee自己簡單推理後，根據得出的結論，最終選了Harry，而同時間，她似乎意識到什麼，小聲的說了聲「仆街」，而這一聲，正好被身旁的嘉美聽到。





在傳媒告知Harry的身份後，她的興奮並未因眼罩的蓋上而消退，她已經部署好下一步棋的下法，甚至勝利的畫面也已經越發清晰，然而她必需解決一個問題，否則她等不到勝利的畫面，甚至最後藍營會落敗。

「僭建驊，七二一呢單嘢睇落唔係好關你事，但你作為問責官員都責無旁貸，究竟施襲嘅白色生命體需唔需要受法律制裁？定係被打的那個比打手更混帳呢？」傳媒說完後，偉傑的眼罩打開了，他依然無助，不知應該選誰。

「死喇，點解今次無人畀提示我㗎，我應該揀邊個好？揀錯點算？快啲揾人打救我喇。」偉傑越來越著急，不斷左顧右盼。

此時陷入思考世界的Vanlee回過神，發現偉傑遲遲未作出選擇，於是便根據設想好的劇本，進行勝係計劃。而等到Vanlee指示的偉傑，亦迅速選了Harry，偉傑亦呼了一口氣，放下心頭大石。

「面對一班黃營對元朗事件嘅控訴，甚至元朗國獨立嘅發生，成個警隊都被人話警黑合作，究竟係咪真有其事呢？一哥同PoPo，請你哋用行動嚟回應吓。」傳媒的氣氛控制著實不錯，每次的引言也能激發出恨意。





阿Tim和高軒的眼罩打開後，一眼便看到Vanlee的指示，迅速選擇了黃絲嘉美。

「好嘅，已經知道你哋嘅選擇。醫護，七二一咁多傷者，所謂『醫者父母心』，你會唔會助佢哋一把呢？」傳媒說完，Harry的眼罩打開，他仔細觀看在場人數，以及他們的微表情，最後決定再次對自己使用技能。

「七二一雖然令人觸目驚心，但終究都係會過去，做人應該要向前看，發生咗嘅事係改變唔到，只有防止下次再發生。」隨著傳媒的說話，各人又再次重見光明。

「七二一從來都唔係平安嘅一晚，首先，有一個人要離開我哋。」聽到這裡，岳義士LU已經淚流披面，說不出一句話，然而在這殘酷的Killer遊戲之下，再多的哭聲都只是徒勞。傳媒無視LU的狀況，繼續冷冷的說︰「岳義士LU，多謝你嘅參與，你身中武肺，成為武肺之下嘅又一個亡魂。」話一完，刺針便迅速無情地刺進LU的頭，沒有半點猶疑，也沒有半點痛苦。

「除咗LU之外，今Round仲有兩位主角，分別係被殺嘅黃絲嘉美，同被告嘅Harry。嘉美，好好把握你最後嘅十五分鐘，為黃營貢獻你最後嘅榮光。」傳媒開心滿意地說。





聽傳媒說到這裡，Harry不小心說漏了嘴︰「吓喂！我唔係用咗技能咩？點解會咁？」幸好他旁邊的人都死了，才沒有被人聽到。