Killer: 五大訴求
五大訴求
「目前為止，雖然黃營藍營傷亡人數一樣，但投票上面黃營依然佔有絕對優勢，藍營嘅朋友，要諗諗計喇。」經過小丑聽到傳媒的聲音，仿佛特別邪惡狡詐。
「好，而家請大家閉眼先。」眼罩隨即關上，傳媒開始宣布下一輪開始︰「七月一號，香港回歸二十三週年，理應普天同慶嘅日子，有一班抗爭者由晏晝開始喺立法會門外集會，到夜晚竟然升級闖入立法會大樓大肆破壞，仲宣布埋五大訴求，然後又好有公德心咁留低啲錢買嘢飲，展現出高尚情操，同喺回歸酒會拒絕會見民主派人士嘅柒婆相映成趣。柒婆，今晚呢鋪睇你喇。」傳媒說完後，藍燈變回黃燈，又是柒婆開眼的時候。
「而家最麻煩嘅係仲未揾到個起底組，佢同我一樣，知邊個打邊個，對我哋好不利，要快啲揾佢出嚟，等偉傑同一哥殺咗佢。」Vanlee心想，於是她思考了一會，決定要查看坐在左手面的嘉美。
「佢係黃絲。」傳媒透過眼罩小聲告訴她。
「Fuck.」Vanlee打從心底裡吐出這個字，幸好只是很小的聲音，旁人應該察覺不了。
「起底組，柒婆出完招，又到你大顯神威，手足們越嚟越少，你要幫多啲手喇，唔係就會GG。」傳媒說完後，阿Moon的眼罩被打開。
不知阿Moon是否受到剛剛傳媒說話的影響，她這次下決定明顯思考得更多。
「唔係話唔信Shirley，但係我都想確認一次，哪怕只有一次出錯，對我哋黃營都係致命嘅打擊。」在阿Moon深思熟慮後，她指著阿Tim。
「佢係一哥。」耳機傳來阿Moon最想聽到的答案。
「Yes.」傳媒的答案令阿Moon更有信心︰「Bingo，咁就無問題。」知道答案後，她的眼罩又再次關上了。
「僭建驊，立法會被破壞，既然你負責司法，好應該告呢班亂咁破壞嘅暴徒曱甴，咁究竟邊個會被告呢？」傳媒說。
偉傑開眼後，下意識向Vanlee方向望去，見她這次沒有指示，心裡有點不知所措，正煩惱該選誰，而偏偏這回合沒有人出聲，令他無主見的問題更顯嚴重。
偉傑環顧剩下的參加者，尋找一個看上去最弱勢的人，終於被他找到一個──阿Moon。
偉傑歪打正著，選中了Vanlee想消滅的人，傳媒做好記錄後，偉傑的眼罩便關上了。
「對於擅闖同破壞立法會嘅暴徒，催淚彈放題係基本，對於破壞法紀係零容忍，一哥同PoPo，維持香港治安，執行法紀就靠你哋。」阿Tim﹑高軒和阿傑的眼罩在傳媒說完後便打開了。
他們的眼罩甫打開，便看到Vanlee的指示──Andy。
經過數個回合的遊戲，有良知的高軒和正義感高的阿傑基本已經知黃營藍營的人是誰。站在獲勝生存角度，選黃營人士是必然；然而若站在自己個人立場來選的話，必定是選藍營人士，但他們都明白藍營輸自己也會死的道理，所以正身處兩難狀態之下。
「咳咳。」阿Tim顯得不耐煩，乾咳了兩聲，怒瞪著示意他們快點選擇。
他們意識到阿Tim的用意，於是不約而同選擇活命，跟著Vanlee的指示選了Andy。然而，這次的不約而同，令他們對這遊戲有了進一步的認知，找到了一個控制賽果的方法。
一哥順利選了Andy，然後他們三人的眼罩便關上。
「醫護，身負救人天職嘅你，對住被警暴嘅人，今次會唔會伸出援手呢？」Harry的眼罩打開，這次他想了一想，還是決定保留技能。
「好，佔領立法會一役終於完結，今次大家都好安靜，可能見到Shirley慘死令到大家都有啲驚，不過沉默絕對唔係好事，資訊交流對遊戲最終勝負有絕對影響。」傳媒語重心長的說，而各人的眼罩也紛紛打開。
藍光照著他們，而傳媒接著說︰「首先，今次中武肺要死嘅係藍絲阿偉，以下係你人生接受最多人歡呼嘅一刻，不過你可惜你聽唔到，拜拜。」
「我好健康喎，武咩肺啫？你哋肯定搞錯喇。」阿偉說完，針也刺在他頭上，直接Certified。
「另外，睇嚟今次李氏力場失效，誠哥Andy，你被殺喇，不過你可以舉報一個人。而今次被告嘅係阿Moon，你諗定點辯護。」傳媒宣布這回合的結果︰「Andy，你舉報邊個？」
「阿Tim！」大叫的是阿Moon，她大聲指控著阿Tim︰「佢係一哥！我係起底組，信我，反正我今Round投票都死硬，我都唔怕講出嚟，仲有，Vanlee係柒婆！」大家聽到這裡，立刻嘩然，紛紛交頭接耳討論。
而當事人Vanlee一聽到對自己的指控，立刻反擊，燈光也配合的轉為藍色︰「你咪亂講！我係G鋒，你個藍營人，自己要死就亂隊人出嚟，咩心腸？果然人一藍腦便殘，你覺得我哋會信你咩？」她一說完，各人也好像中邪似的，信了她的說話。
「況且，你之前一直講嘢口窒窒，而家又咁流暢，扮哂嘢咁，你叫我哋點信你？你咁好戲，扮豬食老虎，無人會聽你講。」Vanlee一次過連珠砲發，令所有人都更懷疑阿Moon的動機。
「冷靜！」傳媒開口制止︰「討論時間仲未開始，Andy，請你講出要舉報邊個。」
「喺我講之前，我有啲訴求。」Andy說著最後的遺言︰「第一，黃營唔好鬼打鬼。第二，幫我揾幕後黑手報仇。第三，快啲揾到大家共通點，正式結束隻Game。第四，幫我同屋企人講我行先。第五，藍集團份工啱啱先話請我，幫我同佢講聲我去唔到返工。」聽到藍集團三個字，大家四目交投，好像有什麼發現。
「好，我舉報嘅係阿Tim。」Andy平靜的說出，在黃燈的映照下更顯孤獨。
「好，我哋已經聽到你臨死嘅指控，你可以行先。」藍光的照射使這句說話格外冷血，而Andy亦在針刑之下失去了性命。