[純愛]幻想: 第十四章—午餐前

女主視角
-
我已經習慣一早起床走出客廳後，能看見兩碗香噴噴的餐蛋麵以及一杯熱騰騰的朱古力奶。這改變我一直以來不吃早餐的習慣，畢竟有人幫你煮，代表不用一早起來自己煮，真方便。
-
「Alfred，你今日晏晝有冇約人食飯？」我邊飲我手上杯朱古力奶一邊問佢。
-
「無啊，Tony同kelly就算啦，連Jason同Cathy最近都成日自私食，都唔知佢兩個係咪有嘢...」佢放低電話答我。
-
「咁你不如同我一齊食？我哋好耐無一齊食個晏晝～」我試探性問佢。
-




「咁呀....都好嘅，晏晝我去你班房搵你啦，我要返學先啦，照舊放低啲碗喺廚房，我會返嚟洗碗。」佢邊講邊拎住碗碟行返入廚房。
-
於是，我換返校服返學校。每日都係咁樣，返到班房坐喺最側邊，冇人同我傾偈冇人同我玩，真係好無聊。咁樣庸庸碌碌又上定朝早，正當我打算去搵Alfred時，突然間俾我哋班兩個毒撚纏住我。
-
「死姣婆，點解要搞到Angel唔開心！」兩個毒撚差唔多係同一時間嗌出嚟。
-
「我乜都唔知，你哋兩個好快啲走啦。」我冷冷地說，另一方面心諗點解Angel收兵可以收得咁快。
-
「你唔係真係覺得咁容易放過你掛？」之後佢系褲袋度攞咗一把鉸剪出嚟。
-




「你想點？你唔好亂來！」呢個時候我先識驚，同時覺得Angel點解有咁大魔力可以令到呢兩隻兵做啲咁嘅嘢...
-
突然間一個毒撚推咗我落地下，正當我反應唔切，佢已經壓住我對手同埋對腳，另外拎住鉸剪嗰一個，呢個時候對準住我嘅頭髮....我心入面祈求Alfred快啲嚟救我呀！
-
「喂！你地兩個做緊啲咩！」我聽到救星啦！聽到Alfred 把聲！
-
佢哋兩個聽到有人就即刻跑走咗。Alfred即刻行過嚟睇吓我有冇事。
-
「你有冇事呀？？咁樣俾人推落地下，佢哋除咗推落地下仲有冇做啲咩...」Alfred好擔心咁扶起我之後問我。
-




「咁又冇，不過佢哋平時都係鬧我兩句，我估唔到今次真係會落手搞我...」
-
「吓！！你以前有咁樣比佢哋鬧過？做咩唔同老師講啊？」Alfred一臉不解咁問我
-
「老師都唔理我，講黎都冇用...嚟啦陪我返屋企食飯啦」我靜靜雞拖佢隻手，佢塊面即刻紅咗，但係佢又冇即刻放手，睇嚟佢內心都係想比我拖！
-
「好啦咁行啦，下次有咩事記得同我講！」佢捉住我隻手同我講，嗰一下我真係覺得好溫暖，係我以前冇體驗過嘅溫暖。
-
唔記得Angel嘅話可以睇返人物介紹！一開學好忙，趁呢幾日寫返多啲文，唔知之後有冇得寫。