[純愛]幻想: 第三章—黑暗中的希望

「你為什麼不陪我去醫院？」「你為什麼不早一點來醫院？」「我恨你..」
-
我從夢中驚醒，看樣子我今天晚上是睡不着了。我換了換衣服，帶了銀包鎖匙，就落咗去茶鋪，買咗半打啤酒飲。我拎住半打啤酒去到海旁，一罐一罐咁樣打開嚟飲。
-
第一罐：唉，點解會搞成咁
-
第三罐：點解得返我一個
-
第六罐：算啦冇㗎啦，game over，下世見
-




當我諗住放手跳落去果下...我聽到一把聲「喂靚仔你做咩啊？」
-
我即刻嚇到隻手揸實欄杆，跟住擰轉頭望一望。我見到一個女仔，手上面拎住一罐啤酒，唔係話好靚女，但係俾人一種鄰家女孩嘅感覺。
-
女仔見我係咁望住佢「望夠未啊？我咁靚女咩？」我笑笑口同佢講「唔係..」跟住佢拎住罐啤酒坐咗係我隔離「做咩想跳落去啊？咩事呀，同唔同姐姐我講？」跟住我就乖乖地同佢講返琴日到而家發生嘅事。
-
佢聽完之後好似若有所思咁樣點一點頭，之後話「雖然真係好慘，但係你都要生活落去㗎嘛，生活好苦但你要甜，係唔係先？你身邊冇朋友陪你咩？」我搖搖頭跟住有少少哽咽咁講「冇啊，身邊好多都係hi-bye fd，冇乜真心朋友，唉」跟住佢笑笑口咁講「咁我做你朋友囉，唔好傷心啦！我哋交換左IG先？」
-
其實我個下比唔到反應佢，因為唔知道佢想點，不過有女仔走來同自己講話想做fd，都幾難得嘅。所以我都係俾咗IG佢，我加佢好友嗰陣，見佢頭像係一張日落相，而且有唔少有fol，所以我一時都諗唔明點解佢要同我做朋友...
-




佢加咗好友之後突然講「聽日嚟唔嚟海旁散步？當係陪你散下心～」我聽到之後都唔知講咩好，估唔到咁突然「哦...好啊」跟住佢開心咁樣同我講「咁聽日見啦IG約時間！」跟住我都同佢講好呀，當佢準備走嗰陣時，我細細力拍佢膊頭，有啲尷尬咁樣問「你叫咩名啊？」「你叫我Grace la」「err 好吧，聽日見啦～」
-
佢走咗之後我自己諗咗陣，我都係唔明呢一日究竟係咩事，屋企人走咗，落街飲酒識咗個女仔朋友...世事難料。不過我唯一知道嘅係我而家要返屋企，因為我真係好攰.........