[BL] 平凡而可悲的故事: 後記
［口語注意］
我好想寫後記，因為睇好多漫畫去到最後都會有，所以就算冇人睇我都想寫。◉‿◉
事不宜遲，我哋立即去讀者與我十問十答環節！（第9條喺重點，記得睇）
我發誓，真係有人問我，唔係自問自答。（雖然係我叫佢哋問嘅）
1. 點解寫？
我其實想寫虐嘅sex好耐，不過一直都冇寫，因為唔係好相信自己嘅中文寫作能力，用英文寫又硬係覺得爭咁啲嘢。真係寫嘅契機係友人T同我講寫作係會愈寫愈好。而且，idea好，文筆同語言技巧都唔一定影響寫作。所以，我睇咗過度呼吸之後，用類似嘅敘事方法，之後再綜合吓主角高中嘅事寫成。
我啱啱寫完係幾滿意嘅，不過自己重睇咗好多次之後就覺得嗰種感覺冇咗，哈哈
2. 腦海中嘅角色係咩樣？（有冇名星/名人嘅樣參考？）
講起嚟都幾好笑，我寫嘢好少會想像啲角色係乜嘢樣，只係會諗佢哋大概俾人乜嘢感覺。
「我」比較內斂，有幾個知心好友。有種憂鬱嘅氣息（所以我覺得其實佢喺文青，不過都會做運動啫）。不過明白佢嘅絕望就會覺得情有可原。
「你」係一個自由奔放嘅人，有主角光環，眾人嘅焦點，好陽光。心情差嘅時候反而會收收埋埋，做啲反常嘢。
至於佢哋係乜嘢樣，我交俾另一個幫我畫圖嘅友人M決定啦～
不過私心我鍾意大隻仔Wwww攻受都要大隻！
3. 有幾多成係作者親身經歷？
事情發展係虛構嘅，不過情感上嘅嘢可能大約六、七成真？上面都講咗我鍾意憑感覺寫嘢，所以我寫嘅嘢多數都係我有感觸嘅嘢～
不過正篇嘅感觸大過番外好多
4. 點解「我」會鍾意「你」？
故事入面解釋咗～有啲似一見鍾情再加日久生情啦，番外雖然發生係「我」鍾意「你」之後，不過應該睇得出「我」鍾意「你」啲咩嘅～
5. 「你」之前同戀人合照，「你」分咗手未？
其實「你」係重逢做愛嗰日分咗手，所以「你」先反常問可唔可以做，因為「你」想做一啲嘢令自己忘記分手痛。
比大家睇「你」嘅角度（後記粉絲福利！）
因為我唔擅長改名，但係要用第三人稱寫先通順，所以隨便叫佢哋做攻同受。我知係真嘅 relationship 入面唔使拘泥於呢啲嘢，所以咁樣改名純粹係為咗我方便～請不要介懷。
「你」: 攻
「我」: 受（不過有冇人記得佢係〈別離〉嘅時候諗住做攻？笑）
「喂，你還喜歡我嗎？」攻喝掉整瓶威士忌，臉也跟著泛紅起來。
喝酒，是為了掩蓋無以名狀的怒火。攻不能接受，交往兩年的女友因為厭倦而提出分手。她怎能這樣？幾週前還説愛他，今天便頭也不回離他而去？
攻的手環在受的肩膊上，毫不客氣向受呼了一口氣，酒味濃烈。
「不。我不喜歡你了。」受冷笑一聲，把攻推開。
攻不信。
即使現在，受還因為他而全身發燙，渾身顫抖。聚餐時，受也常望向攻。真的對到眼了，卻害羞得別過頭。
若受不喜歡他，會這般反應嗎？
攻滿有把握，再貼過去，在受耳邊説：「你當年説的那句話當真？」
「甚麼話？」
「如果我將來很好奇與男生做的感覺，歡迎我來找你。」
攻想忘記她，盡情發洩。如果與受做愛⋯⋯可以排解這鬱悶之情嗎？
酒精使他失去常理，總覺得這是最好的方法。
他想要一個真心喜歡自己的人抱他，即使對方是同性。總覺得即使粗暴對待受，他也不會逃走。這會使攻覺得，自己仍是值得被愛的人。
「我現在很好奇。如果你不喜歡我了，那可以做嗎？」攻的耳語使受的心發癢。
受在猶豫。
攻不想受再猶豫。
一會兒，也許攻酒醒了，便會發現自己做了一個錯得離譜的決定。他不想再想了。
攻伸手抱緊受，如中學畢業那天。刺鼻的酒味與攻熾熱的體溫環繞受的身軀。
他們的心跳聲交織着。附近的人聲、酒吧內的歌聲隱沒。
受輕輕點頭，貪婪地把手環在攻的腰。
『就只一晚，』攻把頭靠在受的肩膊，『我想把你據為己有。』
6. 究竟「你」有冇鍾意過「我」？
睇完上面呢段之後，你覺得呢～
7. 點解用第一人稱？
參第3題。
8. 點解你咁好想像力諗到咁多sex嘅細節架？
你話呢？（壞笑
不過呢篇我特登想寫露骨一啲，用嚟反映人物性格（係咪突然間好學術性呢！）
9. （自問）番外篇有冇別名？
（自答）有！！
一、班房手
二、閃避球手
三、廁所手
其實認真有考慮用呢啲名，但係好似會令到嗰故事失去虐性，所以放棄咗（哭
10. 父母知你寫嗎？哈哈
不，但哥哥知哦～
不過佢唔肯睇囉 (╯‵□′)╯︵┻━┻
（哥，如果你睇咗記得同我講，我改番呢一段）
十問十答完！
最後多謝友人T做我編輯，友人O嘅意見~另外多謝友人T, M, M, O, F, G, N 嘅提問。
十分感謝其他朋友同我唔識嘅讀者閲讀！希望大家鍾意，有緣再見～（如果下篇後記可以收到我唔識嘅讀者提問就好啦(⁎⁍̴̛ᴗ⁍̴̛⁎)）
https://instagram.com/exile_dream
有興趣可以去我IG睇吓，有 blaccmict 大大的配圖 ٩(˃̶͈̀௰˂̶͈́)و