唔駛一定入U，我揸van仔，都溝到好多女。: 121 KO咗條狗公
阿Sue俾料我，Gigi會喺6點半提早收工，之後就由佢頂撚埋Gigi下半更。
我提早半個鐘去到商場，喺上一層中空嘅位置望落去，可以見撚到晒Gigi成個櫃枱，除咗Gigi，阿Sue，仲有另外一個sales，唔撚怪得阿Sue話除咗佢，無人會幫到Gigi啦。
仲未夠鐘，Gigi好鳩心急咁不停睇錶，又四圍望，我諗佢係作賊心虛，驚我好似上次失驚無神撞去搵佢。
6點3咁上吓，條狗公嚟到，佢無埋去櫃檯，好撚喜咁喺女裝內衣部同Gigi揚手，Gigi見撚到佢，走埋阿Sue度噏鳩咗幾句，就離開櫃檯，我諗佢係去換衫。
Gigi剛啱行開，阿Sue即刻望上嚟我度笑撚吓，呢個咁撚有利嘅監察位置，都係佢通水俾我知。
我𥄫撚實條狗公，怕Gigi好似第一次同我出街咁，帶埋佢去更衣室，如果係就仆撚街，嗰度我唔入得去，唔知Gigi帶條狗公由邊個出口走，佢哋兩個狗男女走甩硬。
好彩Gigi無咁做，可能日光日白，佢唔敢帶外人入員工更衣室啦。
不過如果Gigi招呼我咁嚟招呼呢條五十歲阿伯，咁撚隨便帶佢人更衣室俾波佢揸，我死撚咗都唔抵可憐啦。
我落咗一層喺扶手電梯旁邊個轉角位等。
無幾耐Gigi同條狗公行緊過嚟，佢想拖鳩住Gigi，但係Gigi甩開佢， 佢就托住Gigi條後腰，點鳩樣都要掂吓Gigi。
我差唔多時候要出場。
Gigi同條狗公見我離佢哋唔夠十步距離擋鳩住，佢兩個都O撚晒嘴，Gigi面色仲白撚過紙。
“你兩個去邊撚度呀？”
今餐輪撚到我扮嘢，扮晒愕然。
Gigi好似俾我捉姦在床咁，驚撚到震。
“唔好阻住人哋，我哋出外面先傾。”
條撚屌狗公上次用攻心計，我而加就玩番呢一招。
個商場人出人入，我一手拖番住Gigi，單手擋撚開迎面行過嚟啲人。
“你想帶佢去邊度呀？”
出撚到商場，我企咗喺Gigi前面，擋住條狗公，好似好保護Gigi咁。
“我同Gigi去邊關你咩事？你係咪想禁固我同Gigi？”
條撚樣一開波就串鳩我，佢知我唔好老脾，想我扯火屌鳩佢，或者甚至打㭍佢，佢就可以再扮弱者，搏Gigi同情，之後繼續扮多情，成套戲就係咁接住上。
“你要點先唔攪我老婆，你俾咪想要番以前駛喺佢身上啲錢？你想要幾多？我借都借嚟還俾你！”
我扮晒心平氣和。
“老公，我無欠佢咩，你唔好問人借！”
條狗公未出聲，Gigi搶先答我，佢真係怕我再借大耳窿。
“你去啦，我走先啦！”
講呢句說話唔撚係狗公，係我呢個金像獎男主角。
Gigi見我轉身就走，佢半句說話都無同條狗公交待，唔撚得切咁追鳩上嚟。
返到屋企，我粒聲唔撚出，咁樣Gigi反為唔撚知我開邊瓣，佢好撚奇怪我一啲粗都無爆。
“我諗住同佢食餐飯㗎咋！”
Gigi一路喺我後面跟出跟入，叫我講吓嘢，眼都濕撚埋。
“你無需要勉強自己，同佢去爆房咪爆囉！我明白要你離一都個你唔想離開嘅人係好撚殘忍嘅事。”
我陰聲給氣咁講，扮撚晒對佢死心。
“佢想咋，我無應承佢㗎，真係無應承過㗎！”
Gigi慌死我唔信。
“ 你一直同佢來往，今日仲瞞鳩住我同佢出街，證明你唔捨得佢，仲想同佢攪嘢啦，日後你跟佢啦，佢俾到你好食好住嘅，我唔會再阻鳩止你！”
我以退為進果然有效，Gigi喊撚住扐起電話，當住我面同條狗公講拜拜，叫佢以後唔鳩好去櫃檯搵佢，cut線後仲block晒佢啲聯繫，刪除晒所有對話。
Gigi同條狗公單嘢暫時可以放低，不過都要阿Sue幫手𥄫鳩實佢哋嘅動靜一段時間。
⋯⋯⋯⋯
“死仔包，你咁好演技，唔做運輸，做茄喱啡都餓你唔死！”
肥婆老闆娘日日都教吓我點做生意，今餐佢講撚完公事，就突然爆一句。
“乜料呀？”
“咩料？！你用軟功搞掂咗Gigi同嗰個佬單嘢，你叻仔。不過你死性不改，一定會出事！”
肥婆老闆娘呢番說話有骨嘅，我明佢講乜，但又明唔撚晒佢最終想講乜鳩。
“你好日唔去搵Gigi，一去搵佢，就撞到Gigi同條佬出街，仲有時間啱啱好，你早一歩到，條佬未去接Gigi，你遲一步到，條佬同Gigi離開咗，要咁啱得咁轎，時間夾到正，Gigi先喺你面前斷正。”
“撞啱啫！”
“無鬼唔死得人，老闆娘同你講到咁明，你仲抵賴？係咪嗰日跟你一齊上天台嗰條女？”
我諗係Gigi講俾老闆娘知關於我撞撚破佢同狗公嗰件事，估唔到老闆娘咁撚精明，佢睇撚出我做台大龍鳳，佢兼且估到邊個俾料我。
“死仔包，你雖然有女人緣，不過你玩咗咁多年都玩夠啦，而加仲搞埋Gigi身邊嘅同事，Gigi份人直腸直肚，佢唔會想到係嗰條女放料俾你，之前嗰條細C已經搞到你哋頭都大，而加你仲加多埋Gigi個同事，嫌未夠煩咩！”
“我而加對Gigi唔撚錯啦！”
“老闆娘開始老啦，唔做得幾多年，老闆生前已經想哉培你，我都想慢慢接手呢盤生意，如果你仲係咁沙沙滖，叫我點放心吖！”
“呢檔生意係老闆同你辛苦創立，我無理由攞咗嚟做！”
“我同老闆無兒無女，都要搵個人接班，你唔好以為呢檔嘢好做，我經營得好辛苦先叫做有少少錢賺。俾你接手，唔一定係益你，你會做得同我一樣咁辛苦，不過你肯做，就點都好過打工，過多一兩年，你上晒手，我就可以早啲退休，Gigi又唔使再拋頭露面，可以專心同你打理屋企。”
老闆娘語重心長，我知係想我好，不過做人點都要有啲娛樂㗎，問心我而加定性晒啦。
以前班𡃁妹一個都無再聯絡，幾年嚟有來往嘅，除咗細C就剩低寶馬、洗頭妹，再加埋新認識嘅阿Sue。
⋯⋯⋯⋯
我同寶馬已經年幾無見面，對上一次見佢係好撚偶然。
嗰日我喺紅燈前停車，隔離線有架保時捷從後而至，我擸吓條司機，三十零歲，幾撚靚仔，佢旁邊坐咗條女，擸一擸，竟然好似係寶馬，不過條司機擋鳩住我，我未睇清楚，已經轉燈，保時捷已經踩撚行油走咗。
唔撚使我估，個零鐘之後，寶馬搵我，原來佢都見鳩到我，佢順便約我見吓面。
嗰晚無上寶馬屋企，只係喺酒吧見，原因係有條香蕉仔搭上咗佢，寶馬租開咗一間屋同佢住，條假鬼佬黐食黐住，伸吓手仲有埋零用錢。
“換咗車？”
咁耐無見，唔知講乜撚好，就求鳩其由見到佢架保時捷開始。
“佢想揸靚車，咪買架俾佢囉！”
“保時捷好過寶馬嘅！”
“佢想要林寶堅尼添，不過佢唔值呢個價錢，咪買架保時捷俾佢算囉。對我，始終都係留戀架寶馬。”
“小心係另一個阿John！”
我擔心寶馬從一個陷阱走出嚟，又踩撚去另一個陷阱。
“哈哈，呢啲一事無成，以為喺華人社會，佢哋好優越嘅假鬼仔，成街都係，其實連一架寶馬都唔值，如果真係要我再踩入另一個坑，我情願揀你！”
跟住同佢上咗酒店，搞完一鑊，我坦白同佢講而加同Gigi嘅關係，要返去交人，同佢睇吓幾時緣份到先再見面。
“我話情願揀你，就因為你真心對女人，哈哈！”
我走落床，都俾佢抽吓水，揸鳩我春袋一嘢。
寶馬咁講我仲撚慚愧，如果我對女人好，就唔鳩會拖累住洗頭妹。
而加除咗大時大節搵佢食餐飯，閑時真係分唔撚到時間俾佢，佢飛鳩咗撚屌師傅之後，終於的起心肝，轉咗髮型屋做助理髮型師。
我思想好撚自私，既想洗頭妹快啲搵番條仔，但又唔撚捨得佢跟第二個男人，不過洗頭妹咁被動，連街都唔多出，溝仔就難啲嘞。
⋯⋯⋯⋯
認識細C五年又七十日，我幾乎每日都數住，碰啱係星期日，「痾打」唔係咁多，Gigi返晏，我都專程同佢i嘆咗個早茶，車咗佢返商場，我先開工。
送貨司機係出賣勞力嘅工，我每日都好撚似隻牛咁，不過就自由自在，而家每日都要做撚埋啲寫字樓工作，真係唔慣，不過點都好，我一定要做得好好睇睇，除咗對老闆娘同死咗嘅老闆有交代之外，仲唔好衰俾班伙記睇。
公司班阿叔，好多睇撚住我入行，而家我「哎呀」叫做主任，騎鳩住佢哋，佢哋無講到出口，但係個心始終有啲唔舒服，加上先前俾我打鑊嗰三條撚樣，更加希望我揩大鑊。
做到好撚悶，點知有救星從天而降，細C忽然俾個短訊我，問我做緊乜。
我講我而家啲苦況俾佢聽，慌撚死佢唔信，影咗張相俾佢做證明。
“其實我真係無嘢做，淨係專心同你傾偈咋！”
細C咁講，我真係搲頭，星期日佢都會咁撚無聊。
“咁過嚟陪我一齊做嘢囉。”
好耐無見過佢，我摟吓佢。
“唉，行唔開呀！”
細C竟然嘆氣，莫非佢有事悶喺心。
“大家都咁悶，不如視象傾啦，可以見吓你。”
“睇吓。”
一轉視像，細C劈頭就對住個mon解開頸頭兩粒鈕，俾我睇我送俾佢嘅吊墜。
佢肯戴住我送俾佢啲嘢，我梗係高鳩興啦。
“我想睇你解開多啲`衫鈕，哈哈！”
細C對波唔係超級大，但cup數高，條乳溝又深，淨係解開兩粒鈕，條事業線就露咗出嚟，睇撚到我扯扯哋。
“好吖！哈哈。”
唔係咁順灘嘛，我講笑咁講啫，點知佢諗都唔諗就應承我。
不過唔撚好開心得咁快，細C原來想玩嘢，佢無錯係解開多兩粒衫鈕，不過就係衫腳嗰兩粒。
“多幾粒啦。”
開天殺價，落地還錢，我就同佢玩吓。
佢猶疑一陣，不過我一眼就睇得出佢係詐撚諦，佢一定諗緊點樣同我玩，細C吸引人之處，就係佢好純真，又帶啲爛玩。
佢慢慢解開晒所有衫鈕，不過雙手仍然捉鳩實件衫，哈哈，一啲都無露出對波，但係佢顧得上面，就忘記咗下面，佢件衫腳打開咗，露咗個小肚出嚟。
細C咁撚令人入迷，除咗身裁正，佢有時可以玩得好放，但一啲出嚟wet嘅味道都無，跳皮得嚟帶啲天真，呢啲性格亦都係原因之一。
“你小腹收緊晒，好fit！五年零七十日喇！”
佢之前小腹有少少脂肪，好撚性感，而家就收緊咗好多，令我諗起，同佢認識咗五年又七十日，上次見面已經係兩個幾月前嘅事喇。
同佢玩咗一陣，諗起上次見面已經七十日前。
“一千八佰幾日喇，真係快！”
佢都好快回覆我，原來佢同我一樣，都好撚在意我哋認識咗幾耐。
“唔好郁，擺定個鏡頭，等我睇清楚你！”
我仲記得第一日見到佢嗰時，我偷睇佢個波，佢嗰時嘅反應。
“好咩好睇啫。”
佢都有計住數，我哋識咗千鳩二仟日咁滯，我話睇真吓佢，佢就即刻怕醜面紅，我正話講佢仲好撚純，就係咁意思。
“記得我哋做過咩？”
我講番俾佢聽，佢初識我，見我趕開工，無時間食飯，就請我食餅，為咗我接夜更之前，有個地方落腳坐吓，佢唔介意夜啲放工，俾我喺佢寫字樓逗留。
我同人霎氣，當時佢好撚嬲，覺得我爛泥咁，但過咗度氣，見我燥，就買埋老火湯俾我下火。
我日日上佢公司，見我來來去去得幾件衫替換，佢同條仔買衫，就揀多一兩件送俾我。
呢啲睇上嚟好撚濕碎，但我一直記鳩住喺心。
我將部手機擺正喺前面，個鏡頭對撚正自己，一邊做嘢，一邊吹水，時間過得好撚快。
忽然間，細C嗰邊傳出咗好嘈嘅聲音，梗係佢條仔請返嚟班朋友唔知搞乜撚。
“快啲做完嘢，早啲返去陪Gigi啦 ！”
細C交代一聲，就cut線。
不過，嗰日佢一有時間就what's app我，可想而知佢真係好撚悶。
⋯⋯⋯⋯
近來送貨上細C公司，見都無得見佢一面，因為佢哋啲貨，量又少咗，又細件咗，唔撚使幫佢哋搬入貨倉，坐大堂條肥婆，眼尾都唔望多我一眼，擸鳩吓啲貨，講聲「放低啦」，喺單度蓋個印，就打發我走，寫字樓都唔使踏入半步，送到去佢公司大堂，交低就走得人。
今餐我照常擺撚低啲貨，仲未搞掂啲交收，細C竟然走咗出嚟呢個門口大堂，佢向我揖吓手，示意一陣入去搵佢。
人撚到去，就同條黑毛豬主任撞到正，以前同條撚樣霎過氣，不過今時唔同往日，點都要同佢打好啲關係，對住呢啲男版豬扒，彈一兩條link俾佢，等佢返屋企打飛機打到手軟就ok。
條恐樣知道我俾得佢都係正嘢，笑口噬噬咁趕放工，說話都無多一句，就走都走唔切，趕收工。
我心屌㭍條黑毛豬要輪先行埋細C枱邊。
同佢吹幾句水，就聽到佢講嘢有啲唔開心。
“今晚陪我食飯得唔得？”
佢忽然咁問。
我啲單都未送完，之後又要返上寫字樓做嘢，都好鳩唔得閒。
“唔得就下次先啦！”
細C都知道佢失驚無神咁約我，我未必有時間，佢費撚事我難做，唔想勉強。
“可以嘅！”
佢開得口，就係想我陪佢，我一定唔可以托手踭，一口答應佢。
我叫佢等我，我走撚埋尾後兩轉車，返過嚟接佢。
佢唔想我走嚟走去佢，提議係餐廳等。
“不如你跟我車，之後買嘢上我寫字樓食，唔知你介唔介意啫？”
“我係你第一個女性跟車，哈哈！”
我坥白同佢講，佢唔係第一個囉，我諗佢一定以為係Gigi。
⋯⋯⋯⋯
簡簡單單喺快餐點買咗兩隻雞髀就上我公司。
細C話唔想阻遲我返屋企，係都要我做嘢先。
佢似乎對我做咩好有興趣，坐貼喺我旁邊睇住我做乜鳩。
“係咪想做嘅老闆娘呢？”
“我無咁肥呀！”
屌，唔係個個老闆娘都係肥婆嘅。
“第日我做咗老闆，你可以做老闆娘喎，哈哈！”
“我無咁嘅福氣啊，留番俾Gigi啦！哈哈。”
細C好撚開心咁同我講緊笑，佢突然間睇吓手機，面色當堂沉咗。
之後就眼都紅晒，唔俾我見，擰轉面偷偷抹眼淚。
“咩事呀？唔好咁啦！”
我知道一定有事發生，，拍吓佢膊頭，想安慰佢。
點撚知細C好似積壓好多心事咁，佢伏埋我度，「哇」一聲喊明出嚟。
“同條仔有關？”
佢點吓頭。
已經唔係今日嘅事，只要同佢條仔有關，佢都儘量唔撚俾我知，好撚保留，所以我唔再多問，淨係抹走佢啲眼淚。
“呢兩年幾以嚟，你唔單止疏遠我，對我越嚟越防範，係咪因為我影響都你同條仔嘅關係？如果係，我就大撚罪！”
我雖然好撚鍾意細C，如果有得用女嚟交換佢，我乜撚嘢女都可以唔要，但係我清楚邊鳩個俾到幸福佢。
呢五年幾，我唔撚單止屌過佢無數次，大膽啲講，佢細半個心都俾撚埋我，如果因為咁而影響到佢同條仔嘅關係，我就罪大惡極！
“唔好咁講，唔關你事㗎！”
細C知我對佢點，亦都聽得出我擺撚咗喺心裡面嘅勞搔，佢唔好意思。
“年幾前我已經估到你哋有啲唔妥，不過你唔想講，我亦都唔敢問，到底你哋係咪搞緊大鑊？”
我真係想關心佢，不過細C就落撚晒閘，趁今餐唔再保留，問清楚吓佢。
“已經過去咗！”
“咩話？！你同條仔散撚咗？”
細C同條仔玩撚完？！我啞咗口，唔知可以再講咩。
“van仔，呢幾年我好對你唔住，你對我咁好，但係我就只係利用你，我疏遠你，因為我真係喜歡你之時，又怕對我男朋友唔住，我唔知點做好，唯有逃避你！”
細C終於鬆咗口風，講佢心內話。
“你喜歡我就乜都無問題，我保證過啦，我唔會破壞你同你條仔嘅關係，我哋而家已經咁少機會喺埋一齊，我哋應該珍惜呢啲機會，同我一齊嗰時，放低你條仔，開開心心同我過一兩個鐘，好唔好？”
細C未必可以即刻接受，不過我唔等佢應唔應承，搭住佢膊頭，佢就順勢成個人挨撚過嚟我度，呢一刻佢需要嘅係安慰同支持。
我攞佢手機過嚟，佢無阻止，幫我解鎖。
我睇佢啲短訊，佢咁撚悶，原來條仔走撚咗去陪另一條女，條女仲猛俾短訊串鳩佢。
我第一次睇到佢條仔，真係好撚高大，又靚仔，係斯文有型嗰隻，真係鑽石筍盤，唔撚怪得條女想喺細C手裡面搶佢過去。
“無謂諗你條仔同條女咁撚多，食啲嘢先啦。”
一直未食過嘢，肚餓不在話下，我仲想佢食吓嘢，唔鳩好胡思亂想。
不過佢無撚晒胃口，係咁意咬一啖，就質番隻雞髀俾我。
唔食嘢唔係辦法，我唯有逐啖逐啖餵佢，𠱁佢食。
“我唔想咁早返去，可唔可以俾我留低到夜一啲？”
“你條仔擺明車馬攪通頂？屌，幾夜都好，我陪你！”
我有啲卑撚鄙，竟然有想挑撥細C同佢條仔嘅念頭。
不過細C怕我遲咗返去，要我走先，我點會應承佢吖，老閪都留低陪佢啦。
我帶佢入司機休息室，裡面雙座梳化同茶水，可以俾佢喺度唞吓。
“你唞一陣，我做撚埋啲嘢再人嚟。”
我俾細C時間同空間冷靜一吓
“仲掛住條仔？”
我拿拿淋搞撚埋啲手尾，沖咗兩杯茶入去休息，見到細C仲係望住部手機發呆，好撚多嘢諗咁，我坐埋佢身邊。
細C將佢條偉同埋嗰條叫乜撚Julie嘅嘢，講個大概俾我知。
“唉，放心啦，佢最後都同番你一齊，佢唔會變心嘅，加上你又咁撚靚，男人出去玩一兩晚啫！”
我可以做嘅就係安慰。
“有時我懷疑，我係咪配唔起佢，Julie各方面都比我叻，佢哋先適合喺埋一齊！”
“唔好諗咁多啦，起碼你有我吖，我點都會睇住你嘅！”
細C好撚灰咁，嗰條女無錯係讀得書多，樣貌都唔撚錯，除撚咗學歷，細C無仼何一瓣輪蝕俾佢。
“呢兩年好彩有你，多謝你呀！”
細C眼濕濕咁同我講，
“呀~我忘記咗，我有嘢送俾你！”
細C忽然想起話有嘢送俾我，佢喺手袋擺咗隻古銅色、磨砂硬手鈪出嚟，仲拉我隻手放喺佢大脾，親手同我戴上。
我當然好開心啦，happi嘅唔係單單一份禮物，仲有估唔撚到細C原來一直都咁鳩重視我同佢嘅關係。
同佢返到公司開始，得我同佢一齊，已經扯扯哋旗，不過俾佢條仔啲事分散咗精神，而加開心起上嚟，忍唔住要鳩攬住佢，嘴落去。
雖然佢反應唔撚係好熱烈，但亦都無大抗拒，細C一向都慢拎，要慢慢培養，佢先有mood。
嘴咗一陣，啱啱揸落細C個波，來搞興佢，個電話就唔撚熟性響起嚟，唔使睇都知係邊鳩個啦。
“返呀，不過正話攰得滯瞓著咗，好彩你電話叫醒我，我做埋啲嘢就即刻返！”
過撚咗我平時返去嘅時間，老作啲理由解釋，點知Gigi聽到我攰撚到瞓著咗，佢好關心咁叫我瞓多一陣再做，佢再打電話嚟叫醒我，等埋我返去先食飯。
我隻手無離開過細C條腰，我同Gigi講嘢嘅時候，佢攞啲紙巾抹乾俾我錫撚到濕晒嘅嘴唇，跟住又幫我幫我抹埋。
“唔好啦，我無心情呀，你返屋企啦，Gigi等緊你。”
我一講完電話，又攬鳩番實佢，想除佢衫，佢今餐真係制止佢。
既然炒唔起細C個mood，我揸多佢一陣波，就放開佢。
細C本來想留低多一陣，而加Gigi打電話嚟催我，佢明知我唔撚會孤零零留低佢一個人，佢好撚識做，自己叫車，就算我點講，佢都唔使我送佢。
就算返到屋企，我仍撚然唔放心，唔知佢條仔返去未，如果仲未返，擔心細C一個人亂鳩咁諗嘢。
我不停what’s app佢，陪佢傾偈，到點幾兩點，細C知道第二日我要返工，叫我唔使陪佢，Gigi又不停催鳩我瞓覺，我無奈先走去瞓。
不過唔知細C條仔會搞出乜撚嘢大頭佛，我每晚都what’s app吓細C，睇吓佢有嘢要我幫手，兼夾同佢保持一個密切關係。
漸漸我感覺到細C回復到以前對我嗰種帶啲曖昧嘅態度。