唔駛一定入U，我揸van仔，都溝到好多女。: 114 收到阿Sue電波

老闆娘年紀雖然唔係好大，但係我都揸車出去接佢，去到村口間鄉村茶樓，成班人已經到齊，飲撚完茶就浩浩蕩蕩直踩上我屋企。

Gigi班同事好撚多都係麻雀精，第一次同我見面，客氣得幾句，個個都心思思坐埋位，老闆娘遇著呢班雀友當然haapi啦。

一聲「開枱」，就個個唔撚客氣，自動波坐埋位，點知剩低阿Sue，佢原來唔撚係好識打，大佬七缺一，Gigi叫我坐埋去，不過我知佢都爛麻雀癮，一鳩推佢埋去，順水推舟，自己做返一日好老公。

我無無聊聊，企喺旁邊茶遞水，阿Sue就坐埋一邊㩒吓手機，睇吓電視。

部電視係細C送嘅，其實我同佢都幾撚可憐，尤其係細C，佢送咗部電視俾我哋，我都唔敢開佢名，仲要呃鳩Gigi話係我班豬朋狗友夾錢送嘅。



我周不時留意吓阿Sue，見撚到佢都偷偷望過嚟我度。

"我上去睇吓個燒烤爐，睇吓啲英泥有無爆裂。"

我搵個藉口走上天台。

"Van哥，我跟埋你去，睇吓你自己砌嘅爐係點嘅。"

阿Sue即刻大大聲同其他人講，就跟埋上嚟。



啲英泥好地地點會爆裂吖，只不過係想搵機會同阿Sue單獨相處吓啫。

"Gigi姐真係幸福呀，佢講一句，van哥你就即刻達成佢嘅願望！"

我諗Gigi一定喺佢班同事面前講撚過想喺天台睇星呢單嘢。

"Sue，如果佢跟住我係幸福嘅，就唔撚洗受條狗公溝啦！"

有時喺啲女面前扮吓死狗，會搏到佢哋同情，可以以退為進㗎。



"唔好咁講啦，Gigi姐都係一時諗歪咗啫，佢而家成日喺班同事面前讚你，搞到我幾咁妒忌。"

"係喎，仲有無見條狗公嚟搵Gigi？"

"早前仲有，有次佢拉咗Gigi姐走出商場，成半個鐘頭，Gigi姐眼濕濕咁返入嚟。之後佢就一星期嚟兩三次幫Gigi姐買貨，不過Gigi姐好少同佢講笑喇。"

我諗條狗公仲想耍番嗰招，扮撚晒大方，扮撚晒無奈搏Gigi同情。

"哈哈，唔好講呢啲，過嗰邊一齊睇吓海景。"

我帶阿Sue去天台望到海嗰一邊。

我指指點點，話俾阿Sue知，離遠海嘅另一邊喺咩地方，同佢一面講，我就企吓埋啲，企吓又埋啲，直至兩個人膊頭貼膊頭，手臂貼手臂。

我點口煙俾佢，自己偏偏無，等佢啜兩啖，我伸手去攞佢啜緊支煙，目的係試吓佢水溫，睇吓佢咩反應，受唔受溝。



阿Sue好撚順灘俾支煙我，我吸一啖，俾返佢，佢又吸一啖，如是者一支煙兩個人食。

整整吓阿Sue就輕輕挨咗落我度，我伸手繞過佢背後攬鳩住佢，仲輕輕摙吓佢條腰，搞撚到佢好痕咁，佢擰個頭過嚟嘴落我塊面`一吓。

"淨係嘴塊面咁少！"

"你想多啲，夠膽咩？"

我無講乜嘢，淨係拖住佢隻手走去上天台嘅樓梯睇唔到嘅死角位，壓佢挨喺牆，就嘴落佢個口度。

阿Sue好撚熱情咁回應我，我雙手捧住佢塊面同佢茄輪，錫撚到兩個嘴都濕晒。

嘴嘴吓聽到樓梯腳步聲，仲有老闆娘嘅乾咳聲，我同阿Sue即刻分開，抹吓個咀，施施然走埋個燒烤爐旁邊，將啲炭一舊一舊放上個燒烤網上面。



阿Sue就留喺原地繼續睇海景，㩒手機。

"van仔做緊咩？你honey我一家打三家，啲腳要去洗手轉運，我上嚟睇吓你做緊咩囉！"

知我者莫若老闆娘，佢見我同阿Sue走咗上天台咁撚耐，為咗保護佢契女，借啲意上嚟check鳩吓我。

我佩服阿Sue好撚好戲，佢好似無嘢發生過咁，好自然咁自顧自喺度玩手機。

我袋裡面嘅手機震咗一震，我知係邊個what's app我啦。

"van哥，我返落去先啦。"

阿Sue離遠叫過嚟。

老闆娘見一切正常，同阿Sue前後腳走返落去繼續開枱。



「聽日電聯。」

係阿Sue個what's app口訊。

成個燒烤晚會，Gigi最開心，拉住每一個同事影相，又單人敬酒乾杯。

屌，你估我哋擺結婚酒咩。

阿Sue同班同事，包括埋Gigi都有講有笑，玩得好撚投入，同我就一啲眼神接觸都無，好似唔多相熟咁，淨係party完咗，我同Gigi送客嗰時，佢邡都望我對眼，曉間唔夠兩秒，不過我接收到佢發出嘅電波，提我聽曰俾電話佢。