唔駛一定入U，我揸van仔，都溝到好多女。: 110 老闆娘教路
“死仔包，你個仆街仔，想唔粗口屌你都唔得！你今日同Gigi講過乜鳩呀？”
細C走撚埋，成晚流流長，唔知去邊，行咗一陣，肥婆老闆娘忽然俾個電話嚟，佢好撚少咁夜搵我。
“我無講過咩喎！”
我一頭霧水，我成日有講過咩啫，咁都要俾入屌？！瞓喺度都中槍？！
“佢而加喺我屋企，佢一人屋就攬住我係咁喊，乜都唔肯講，喊咗成晚，而加喊到攰，啱啱瞌著咗！叫你返屋企同人傾吓，你就唔知攪乜，係咪眼白白，就咁送Gigi俾人呀！”
越講越奇撚怪，Gigi乜唔係去咗條撚樣度咩，點解出現喺老闆娘屋企？
Gigi無去條撚樣度，成個人好似啪咗丸咁，high撚晒！
"死仔包，聽唔聽到？死咗呀？！而家你即刻嚟我屋企，俾一晚時間你𠱁番Gigi。"
屌，應遲一陣啫，駛唔駛咁撚毒呀！
唔知好彩定唔好彩，如果正話細C俾我上車，而家可能已經除撚哂佢啲衫，準備屌佢，真係咁嘅話，就揩撚晒嘢嘞，都唔知點甩身。
...........................................
"殊～～"
一入門口，老闆娘驚撚死我嘈醒Gigi。
喺呢件事上面，我有啲埋怨老闆娘。
佢應該好撚早就知道條撚樣搭上咗Gigi，佢一直唔出聲，好似想睇住我點死咁，唔怪得之前佢嘅眼神好似同我講：抵撚死！
"點解咁嘅？！"
"唉，死仔包，唔怪得Gigi對你心淡，到而家你都仲係掛住Gigi有無上佢屋企，有無俾佢屌，係呀，你估佢同你有親呀，你唔想，佢就唔掂Gigi呀！你睇吓！"
老闆娘指吓張餐枱。
屌，我都係想知點解啫，駛唔撚駛咁惡呀？
我望吓，餐檯上面放咗一大袋超級市場買嘅嘢，好多係零食。
"睇清楚啲啦！"
老闆娘續樣續樣喺個膠袋扐出嚟，薯片，蝦條，朱古力，汽水，幾乎樣樣都係Gigi鍾意嘅零食。
"主角喺呢度呀！"
老闆娘指吓個膠袋底，裡面仲有一啲濕紙巾呀，香口珠呀零零碎碎嘅嘢，不過責喺呢啲零碎嘢下面，仲有避孕套，我屌，仲係兩大盒。
"嗱，唔係佢錫住你，佢避孕套都準備埋架喇！"
不過，老闆娘無留意，或者佢咁嘅年紀，死鬼老闆無同佢玩過呢啲嘢，佢忽略咗仲有一扎膠索帶。
可能我心多啦，Gigi話我同佢玩過嘅，佢都會同條撚樣玩，我同Gigi玩過綁手綁腳兼蒙眼，佢買埋索帶係咪想咁玩先。
"點解有呢啲嘢喺你度嘅？"
"唔通係我買嘅咩，正話佢陪埋Gigi上嚟，Gigi情緒好激動，佢見咁情況，我又喺度睇住Gigi，就走都走唔切，賴低呢包嘢喺度囉。"
"死仔包，Gigi臨時變卦，唔上佢屋企，就係佢唔捨得你囉。"
老闆娘一路執番啲嘢入個膠袋，一路同我講。
"屌你，今朝又話星期六Gigi帶佢返去見老豆老母，Gigi今晚唔上去佢度，下星期佢哋都去澳門慶生啦！"
"死仔包，你唔係咁蠢嘅人嚟喎，定係你扮嘢呀，Gigi今晚臨時轉得軚，佢星期六都可以臨時轉軚，下星期亦都係，或者甚至唔同佢去，同你去澳門呢，問題係你可唔可以應承佢，𠱁番掂佢啫。"
老闆娘睇得出我唔撚想撇撇脫脫放棄細C。
"唉，死仔包，我同老闆無兒無女，老闆生前當你係仔，乜都教你，你本性係唔錯，不過就係衰爛滾，仲衰嘅就係瘟嗰條咩嘢細C，老闆娘臨老俾我收到Gigi做契女，老闆娘想你好，想契女好，想你哋兩個好啫。
講真吖，佢未見過Gigi老豆老母，就見過我呢個契外母幾次，仲食過飯添，佢係老成持重過你好多，叫做有車有樓，做經理，但係老闆娘唔係睇呢啲，我叫Gigi揀佢係因為你太唔長進，你痴洗頭妹、學生妹，Gigi都隻眼開隻眼閉，淨係唔想你痴埋個細C度啫，你仲想Gigi點吖？"
老闆娘講講吓停咗落嚟，佢耳仔靈敏過我，聽到Gigi喺房度喊，原來Gigi醒咗，聽到老闆娘喺廳度屌緊我。
老闆娘推鳩我入房，我扮撚晒有風度，敲吓房門先入去。
平時抽人水，講鹹濕嘢我就好撚叻，但係而家咁撚嚴肅，霎時間，我都唔知點開口。
“跟我返去啦，好唔好？”
既然唔鳩知講咩，倒不如直接啲，好撚溫柔咁拖住Gigi隻手同佢講。
Gigi無撚答我，淨係喺度抹眼淚。
我坐埋佢身邊，搭佢膊頭，佢擰一擰個身想避開，我順手喺Gigi床邊嘅紙巾盒抽張紙巾出嚟，同佢抹面上嘅眼淚。
講真我咁大個仔，好似未撚試過咁溫柔。
“返去啦。”
我攬鳩住佢一陣，跟住拖佢起身，叫佢跟我返屋企。
Gigi跟住我一段日子，佢知道我大男人，正話咁撚溫柔對佢，已經係代表我有幾重視佢。
佢乖乖俾我拖住，出撚到客廳，老闆娘笑撚晒咁走埋嚟，同Gigi撥好吓啲頭髮，掹好吓佢條裙，先送我哋出門口。
“扐返去今晚用！”
臨開門，老闆娘竟然質咗條撚樣買嗰兩盒避孕套落我度。
“屌！唔撚用條撚樣啲嘢呀！我唔撚用套，Gigi幫我生仔呀！”
我發撚晒晦氣，揸鳩巢晒嗰兩盒避孕套，掉落垃圾桶。
“哈哈，死仔包，你係先好講呀，Gigi你俾心機同個仆街仔生仔，契媽退休同你湊仔，哈哈。”
屌，我隨口噏啫，生仔喎，咁撚大件事，慢慢先啦，有件事係Gigi喺日本旅行時講過，我同佢實現咗先啦。