唔駛一定入U，我揸van仔，都溝到好多女。: 102 被感動
上回講到Gigi想揾定後路，肥婆老闆娘講有狗公痴埋佢身。呢個消息傳撚返到我耳，我焗撚住同佢傾我同佢日後嘅問題 。
好好醜醜條女都係自己嘅，當Gigi同我講佢會約同條友食飯，同佢講清講楚，我決定陪埋佢一齊去。
“會唔會有啲尷尬呀？不如唔使啦！”
Gigi唔撚係太想。
“屌，我同你一齊去，就係要俾佢知道 我係你條仔，但佢死咗撚條心！”
我堅持一定要出席，Gigi最係都答應咗。
嗰晚提早收工返屋企接Gigi，由出門口嗰一刻，到去到餐廳門口，Gigi都不停問我：「唔知佢會有咩反應呢？」
“可能會發吓爛渣咁囉，不過話撚知佢啦！”
我心裏面都好撚想知，我預鳩咗佢見到我之後，就飯都唔食，一鳩起身走人。
“最後張卡位，面向我哋嗰個就係！”
一入到餐廳，Gigi細細聲喺我耳邊講。
“佢係van仔！”
一見面Gigi搶先介紹，聽口氣，似乎之前Gigi係佢面前提起過我。
條撚樣見到我表情呆咗一呆，不過好撚快就扮哂冇嘢咁。我擸佢一眼，條撚樣著撚晒西裝，斯斯文文，個樣睇落幾撚蒼老，唔撚似Gigi形容話佢四十幾。
我同Gigi仲未坐低，條撚樣即係企晒起身，想同我握手。我屌佢啦，佢做撚到個場面好似見Gigi家長咁，而家我係佢條仔，唔係佢老豆呀！
明知我坐咗喺度，黑撚起塊面，但係條撚樣竟然成餐飯都可以笑口噬噬，隔離枱唔知，仲會以為佢同我哋好撚熟落添。
“好彩正話唔係咁尷尬，佢都幾大方吖！”
食完飯離開餐廳，Gigi好撚似鬆咗一口氣咁。
“點解唔同佢講清楚？成餐飯我一直一直等你開口。”
我咋鳩Gigi形。
“面對面好難開口囉，一陣我會傳短訊同佢講，至多俾你睇埋我點同佢講囉！”
返到屋企我沖完涼，Gigi遞佢個手機俾我。
原來係佢同條撚樣嘅短訊對話：
「多謝你今晚請我哋食飯。」
「唔好客氣啦！」
「唔好意思呀，今晚同埋van仔一齊出嚟見你，可能令到你尷尬。」
「無咁嘅事，點會尷尬呢！」
「咁就最好，之前我都同你講過，我同van仔一齊，所以，我諗我唔可以接受你好意囉！」
「好意？咩好意？」
「即係話我唔可以再同你來往囉，唔好意思呀！」
條撚樣先俾一個悲慘表情，然後先回覆。
「對我嚟講，呢個一定係最壞消息！」（連續一串悲慘表情）
「你唔好咁啦，所以我要同你講對唔住囉！」
「你可能未必相信，你今晚咁決斷同我講，我好傷心，不過我會接受現實。」
「咁就最好，多謝你呀！你咁好條件，一定有好女仔等你㗎！」
「依家呢一刻，對唔住，我未有接受其他女仔嘅心情囉！」
「我明！慢慢嚟啦！」
「講起上嚟好似好老土，只要係你嘅抉擇，我一定尊重。可能你唔相信，但我係真心，我真心咁祝福你！」
「你唔好咁講啦，你再咁講，我真係會喊㗎！」
⋯⋯⋯⋯
“你唔係想喊嘛？”睇到呢度，無再睇落去，遞番部手機俾Gigi。
“有少少㗎，你唔覺得佢好深情咩？”
Gigi真係好感觸。
“屌，呢啲𠱁女嘅說話，係人都識得講啦，你唔係信丫嘛？”
我覺得Gigi真係幾撚天真。
“起碼你無同我咁講過囉！同埋我覺得佢未必係假囉。”
Gigi一路碌部手機，睇番正話條撚樣同佢嘅短訊，睇來睇去，睇咗幾次。
“哈哈，你無同我講過分手嘛！”
我笑撚起上嚟，心諗如果Gigi同我講分手，我講唔撚講得出咁肉麻嘅說話呢？
瘦田無人耕，耕開有人爭。我唔撚係話Gigi唔靚，身材唔好，不過今晚食完飯返嚟，硬係覺得佢好撚嫵媚，好撚想屌佢。
我攬鳩住Gigi，伸手入佢件背心揸鳩佢。
“喂，我又未沖涼，騎樓又未拉布簾，俾對面樓條友睇晒喇！”
Gigi想推開我。
“又唔係喺騎樓度搞，又有幅牆遮住一半，佢睇唔撚晒啦。”
我唔撚理咁多，推Gigi落床。
“你唔怕我幻想住佢呀？”
Gigi同我嘴完一輪，同我講笑咁講。
屌，我當堂打咗個突。
“如果你真係膽敢想住佢嚟同我搞嘢，我屌撚死你呀！”
我承認當時真係有啲勞氣。
“咁即係點呀？唔想住佢又俾你屌，想住佢都俾你屌，哈哈，咁想唔想佢好呀？”
Gigi一路捽我條鳩，一路同我講。
好撚耐無聽過Gigi咁同我講笑，可能年幾以來，佢每日放工煮飯，做家務，越來越似個人妻喇。
“估唔到佢真係咁大方喎！”
過撚咗個幾月，有晚我收工，一入門口，Gigi鳩咁開心，拉住我講。
“咩咁大方？邊個佢？”
我一頭霧水。
“車！咋唔知，仲有邊個「佢」吖？”
Gigi嘟長個嘴。
原來佢係講緊條撚樣。
“嗰晚之後，我以為佢唔會再嚟公司，唔再幫襯我買嘢，我會少好多生意，話晒佢係一個大客。”
Gigi可能煮緊飯，佢一路抹手，一路同我講。
“你咁開心，即係話佢仲有幫襯你啦！”
見Gigi個表情，都估到七七八八。
“係呀！佢第二晚放工就上嚟我counter，幫我買嘢，個幾月嚟，佢都好似以前咁，似乎仲買多個以前，買男性美容之外，又話買俾阿妹，又話同事搭佢買，總之單仲多過以前。”
“條撚樣係咪有咩想搞作呀？小心呀！”
條撚樣一定有用心啦。
直覺上條撚樣係好攻心計，果然我無估錯，整整吓，Gigi對佢放低咗戒心，同佢來往番，不過我幾個月後先知道。