唔駛一定入U，我揸van仔，都溝到好多女。: 50 同佢一齊行情侶拍拖勝地
第二朝我一早起身返工，Gigi已經落街買埋麵包，煎撚定蛋等我起身，仲好似隻貓咁撚乖，服侍到我出門口，佢先翻覺瞓。
我返到公司第一件事就同honey肥婆老闆娘講話我呢個月成個月都唔開夜班。
“死仔包，發咗達，唔等錢駛呀！”
自從我話想自立門戶，要快撚啲清撚晒啲債，就唔撚理初一定係十五，有工就開，有班就加，日班做撚完做埋夜班，直踩到夜晚十點先收工。
肥婆老闆娘口就咁講，其實佢都肉撚赤我咁辛苦，早嗰輪都問我頂唔頂得順，叫我休息吓，依家我出到聲，佢梗撚係應承啦。
“近來做到好悶，陪我食飯，等我輕鬆吓得唔得？”
做撚完公事，我問細C，我明知佢條仔今日開始出差，細C會成個月好撚得閒，我約鳩佢食飯。
我無嘢叻，捉女心理就有一手，全世界啲女都係要面，如果我同佢話：你咁撚悶，我陪你食飯丫。條女個心一定會咁諗：屌你，駛唔駛咁撚直接呀？佢點都會死撐，一定請我食檸檬，我唔係話要以退為進，只不過係對細C嘅尊重。
雖然我同細C食過唔少次飯，但每次如果唔係有Gigi或者其他人在場，就係佢上我屋企食，就算有同佢單獨晚飯，次數一定唔多。
我去到細C屋企樓下，見撚到佢四圍望，我伸頭出車外面叫佢，佢先知道我到咗，唔撚怪得佢，佢唔知我為咗今餐飯，專登問個豬朋狗友借咗架車，唔撚駛佢擒上擒落我架貨van。
“咩呀，唔識我呀？”
細C上咗車，佢定撚晒眼咁望住我，我知佢平日見慣我T恤牛仔褲，唔信我會執到咁撚正。
女人都係喜歡講究衣著，細C見我著住佢送俾我見衫，充滿滿意眼神，唔知係咪佩服佢自己眼光，揀得件衫咁撚靚。
“哈哈，你打扮起上嚟幾好睇丫！”
今晚係星期六，細C唔能夠同佢條仔一齊，佢有啲唔開心，估唔到我換一換個look，就令到佢心情輕鬆咗啲。
唔撚知點解，我今日心情都好撚緊張，全日都係諗同細C食乜撚好，諗過食西餐係咪會浪漫啲，不過嗰啲乜撚扒房，乜撚義大利餐廳，加埋啲咩頭盤、主菜，同埋餐酒，搞到我頭都大撚晒，事關我一啲都唔識，入到去盞出醜，我費撚事諗，直頭問細C想食咩，又可以扮晒有紳士風度。
細C嘅選擇竟然係一間環頭環尾嘅酒樓。
細C喜歡食，所以佢條仔成日帶佢四圍去食嘢，好彩佢唔揀擇，好嘅可以食一餐，，唔好嘅又可以食一餐，食飯嗰陣同佢講吓八卦新聞，鹹濕笑話咁，𠱁到佢成餐飯都笑唔停，好撚開心，之後佢仲請我食糖水，可以扮係佢臨時男友，直頭甜撚到入心啦。
食完飯，唔撚想咁快就送細C返屋企，諗起佢住嗰區有個海濱公園，就車佢去行吓。
我哋去到已經差不多12點，成個海濱好撚靜，見撚到都係一啤啤攬撚到實嘅拖友，我同細C就各自各，手都唔拖一拖，想對之下，我哋好撚似喺第二個星球嚟嘅咁。
“哈哈，唔好上去啦！”
我唔撚熟呢個地方，一路都係沿住個海皮咁行，行撚到一個山坡腳，見到有條路上面一個公園仔，好自然咁就想繼續行上去，點撚知細C制止我。
“哈哈，點解？上面有鬼？”
我嚇鳩細C。
“唔係呀，唔好上去騷擾人哋啦！”
屌，我明啦！我問細C，證實我無諗錯，個山仔上面好撚幽靜，每晚都有好多情侶喺度搞嘢。
“哈哈，你咁熟架步，一定同條仔上過去唔少次啦！”
“係喎，怕咩認呀，我同佢一齊咁耐！”
“咁有無用完嘅套套唔記得扐走，留低喺度呀？哈哈….”
“喂呀！你黐線架！”
細C兜嘢拍落我手臂。
“哈哈，我想上去行吓喎！”
呢度果然係情侶勝地，個公園雖然唔係好撚大，但係四周圍都係樹，仲又幾個用石頭砌嘅假山，假山後面又擺張石凳，擺撚到明係為情侶而設計。
如果諗住上嚟(目及) 嘢，就失撚望，因為一路行上嚟，都無乜人，淨係經過一個假山，聽到後面有啲人聲。
“車，無嘢睇嘅，哈哈….”
我同細C上到個山坡頂，搵個地方坐低。
“死咸濕鬼！講真，我同佢都好耐無上嚟呢度啦！”
細C好似有啲失落咁，當然唔係失落無嘢睇啦。
唔撚駛細C講，呢個一定架啦，佢條仔一個人住，有自己地方，想同細C搞嘢，話都無咁容易，駛撚喺呢啲公眾地方搞咩！
“好耐無同佢行公園？”
“唔係，我同佢出夜街，食完飯都會好似今晚咁，行吓先返屋企。”
“哈哈，拍拖嘛！”
“依家好似無乜拍拖嘅感覺喎，有啲麻木咁，可能一齊好耐啦！”
“拍拖個個都係咁架啦！”
“有時真係想重溫翻初初拍拖嗰種感覺！”
“哈哈，咁你哋有無喺呢度搞過嘢？”
“嗯….無呀！諗翻起佢嗰時個樣真係好好笑，哈哈。”
細C望住個天，佢喺度回憶緊。
“你知唔知嗰時佢想錫我，又唔敢錫落嚟個樣係點，哈哈。”
細C好撚想有人同佢分享咁。屌，我梗係知喇，我都試過想錫鳩你，又怕你反面啦。
“你哋喺度最大膽係做過乜？”
“無咩呀，最初同佢一齊，但係關係仲未好穩定，佢同我上嚟都係拖吓手，攬住吓，時間耐咗，關係穩定啲，如果無乜人喺度，就會錫吓囉。”
“哈哈，佢咁細膽架，哈哈！”
“佢無你咁鹹濕呀，哈哈！”
“男人唔鹹濕，女人唔鍾意喎！”
“咁，佢都試過摸吓我囉！”
“哈哈，俾佢摸興唔興奮呀？”
“你又試問埋啲咁嘅嘢！”
細C今晚真係好想分享佢初拍拖嗰時嘅甜蜜，平時佢唔肯輕易同我講啲嘢，今晚都講埋。
“佢同我都好緊張囉！初初佢同我kiss，嗰時我同佢已經kiss過好多次，佢隻手搭住我條腰，輕輕咁摸，我由得佢，後尾錫錫吓，佢隻手就越摸越上，我記得佢用隻手指公掂落我個胸度，我捉實佢手腕，佢即刻停手，唔好意思咁望住我，同我講對唔住。佢嗰時個樣好傻呀，仲傻過你！哈哈。”
吓，我好撚傻，如果摸鳩條女個波係傻，咁我真係好撚傻，仲傻過好多次添。
“咁佢以後唔敢再摸你？一定唔係啦！”
“你哋啲男人點會咁易放棄！你錫過我…..”
細C一時口快，知都講錯咗，佢面都紅撚晒。
“你好衰呀，成日引我講呢啲嘢。”
“你知唔知，錫你係最大享受，我每一分鐘都會想翻起。”
“係咩！唔好講你，講翻佢！”
“咁你講丫！不過唔好講得咁詳細，我呷醋喎，哈哈！”
“我一俾人錫就會軟晒…..”
“我知丫，哈哈…”
我俾個淫笑俾細C睇。
“喂呀，好衰呀你，唔睬你，衰人！”
“哈哈…我唔講，不過，你真係好殺死人嘛！你繼續丫。”
“咪成個人軟晒，佢摸落我個胸度，我都唔識反抗，日後佢咪成日摸我囉，無啦，講晒啦！”
“我唔係幫你條仔講說話，你個胸真係好好摸，我唔係鹹濕，真心讚你呀！”
“係咩！哈哈。”
跟住幾晚，我每晚放工都約細C出街，我唔知佢有無咁嘅感覺，我就好撚似拍緊拖咁，呢個感覺同Gigi出街係無嘅！
跟住幾個星期後，仲有個意外驚喜俾我添。