唔駛一定入U，我揸van仔，都溝到好多女。: 44 搵寶馬

第二日如常咁送貨上細C公司。

屌！唔撚係好境不常嘛，上到去，細C唔喺度，由門口接待條肥婆做交收不凸止，條肥婆仲話日後唔駛搵細C，搵佢得勒。

“喂，哥哥仔，聽日唔好咁晏呀，我收五點半架！”

“好晏咩，不嬲到差唔多架啦！”

“咩差唔多呀，我要買送煮飯，你唔好阻住我放工！”



日後見唔到細C，心火已經嚟，條肥婆仲開咁撚多條件，忍唔撚住屌柒佢。

“屌，你公司多數係飛機貨，我揸車，唔撚係揸飛機，飛機遲到我先遲架啫，關我撚事咩，你唔撚滿意，去屌柒航空公司丫笨。”

“喂，你送貨準時係應份喎，我好聲好氣同你講，你做乜咁粗口呀，唔忿氣同我主任投訴丫！”

呢條肥婆成日掛住擦黑毛豬鞋，平日我都唔撚係幾妥佢，佢仲唔撚知死，以為可以搵黑毛豬嚟壓我，我仲更加火上加油。

“乜撚主任呀！主任大撚晒呀？肥西，擘大你對撚屌眼睇吓幾點，我遲到咩？”



“你…你….”

條肥婆俾我一輪機關槍咁屌，佢連說話都講唔出，扐起個電話搵黑毛豬。

黑毛豬聽到咁嘈，佢走出嚟，不過，佢一見撚到我凶神惡煞，面都紅撚晒，想食人咁，佢即刻扮聽電話，好似隻烏龜咁縮撚返入寫字樓裡面，我屌，正一縮頭烏龜！

“咩事呀？”

一把聲喺我背後面喝鳩我。



大撚鑊，細Ｃ同埋佢老細啱啱返嚟，我諗佢哋聽撚到我大吵大鬧，佢老細個面黑撚過包公，細Ｃ企喺佢老細後面，粒聲唔撚出，佢面都係黑撚晒，不過仲加埋眼紅紅咁。

“你係送貨嘅？交收好未？你走先，我會查清楚發生咩事，然後同你公司講！”

屌，我一世人就係衰衝動，火氣大，唔撚怪得人話我讀書少，老粗一名。

其他人點睇我，我唔撚介意，我後悔衰喺細Ｃ面前，我之前同條管理員霎氣，佢已經好撚嬲，今次仲撚大鑊，細Ｃ最唔鍾意人講打講殺，同埋佢怕得罪人，我就偏偏得罪佢同事，叫佢好撚難做。

我臨走前望吓佢，佢無望我，但係已經流緊眼淚。

“無事！無事！”

細Ｃ老細以為佢俾我嚇親，拍吓佢背脊安慰佢。

我上翻車就即刻what’s app細C，佢一路都無回應我，細C習慣第一時間回短訊，我知佢條仔未返香港，佢好撚得閒都唔回我，可以想像到佢係幾撚嬲。



細C一路都無覆我，打電話俾我嗰個係我honey，肥婆老闆娘。

佢話黑毛豬俾過電話佢，同佢講我今日發生嘅事，叫老闆娘換個第二個司機同佢公司送貨，如果唔係，佢哋就換過第二間公司做貨運。

“死仔包，你有爺生，無乸教，我當你係仔先同你講，你咁臭脾氣，第日點做生意！”

講真，死鬼老闆同埋肥婆老闆娘對我都唔錯，平日好撚關照我，佢知我想自己搞公司，佢唔怕我日後會搶佢生意，仲教撚埋我路，第日點做生意。

我同肥婆老闆娘講話我會忍吓啲脾氣，叫佢俾翻細C公司啲“痾打”我做。

“死仔包，你遞起條尾，我就知你痾屎定痾尿，你係咪想溝人哋公司啲女？”

我無話可說。



“睇嚟你都係準備打打殺殺咁過一世！”

細C終於半夜先回覆我。

我唯有好撚似隻死狗咁同佢道歉，不過就係得我講，佢就唔撚回。

“我下星期去旅行，翻嚟先算啦！”

細C講撚完，無論我喺what’s app講乜春，佢都好撚似見唔到咁。

無得上細C公司，佢又唔撚睬我，過得幾日，我已經悶撚到顛，正式講唔撚係悶，係個心屈撚住，好撚多嘢想講，但係就無人會睬撚我，我要爆發，唔係真係會屈撚死。

我call鳩寶馬，到現時為止，我覺得佢係最撚了解我。

寶馬有佢生活，有佢社會地位，佢俾我個電話號碼唔撚係佢日常用嘅一個，係方便佢搵我，或者我搵佢用嘅，我等鳩佢回覆。



屌！呢個世界，係咪乜撚嘢都係要等呀！

“想見吓你！”

寶馬一覆我，我就單刀直入同佢講。

寶馬一個人喺香港，佢幾乎都會定時同我相聚，解決佢需要，自從同細C來往密咗，同佢都疏遠咗少少。

“哈哈，以為你有心上人添！”

寶馬串鳩我。

“今晚？”



寶馬主動俾個時間我。

“今晚無問題，不過我想多個人！”

我好撚想瘋狂吓。

“多個人？！男？”

“女！”

隔一輪寶馬先回我，佢有啲猶疑。

“信得過？”

寶馬喺佢嗰行有知名度，有咩事對佢影響好大，佢猶疑係合理嘅。

“信得過！”

“Okay，我信你！哈哈，不過我反為想知你發生咗咩事！”

“今晚先講，上酒店，唔好去你屋企！”

“當然啦，等我電話！”

我心目中已經有一個人選，今晚帶埋佢同寶馬一齊過一晚。