唔駛一定入U，我揸van仔，都溝到好多女。: 17 帶細C上公屋

屌佢鹵味，啲雨成日無停過，上貨落貨，淋到成身濕鳩曬，成日都未乾撚過，上番車又吹著冷氣，又凍又攰，好彩唔撚駛做夜班，做撚完細C單“柯打”，就可以收工。
 
到差唔多5點，都無撚得閒過，應承過話請細C食燒味，拿拿臨搵間燒臘檔，油雞、燒肉、叉燒樣樣要啲，踩行油去細C間公司。
 
“喂，你仲未到嘅？”
 
話口未完，細C電話到。
 
“點呀，靚女，掛住我？半個鐘後到！”
 


“癡線，掛你個頭，我見成日落雨，擔心你有無事？”
 
齋呢句，就成個人醒撚晒。
 
“落吓雨啫，我手車，你唔駛擔心喎，我好快到。”
 
一手抽撚住佢公司啲貨，一手挽住兩大盒燒味同啤酒，咁蹺，佢公司同事個撚個都走晒，可能落雨，個個趕返屋企。
 
“你真係請我食？”
 


“超，小姐，我幾時呃過你啫！”
 
“你成身濕晒，凍唔凍呀？”
 
“見到你，心都罄晒，點會凍丫，哈哈…不如食嘢先喇！”
 
屌，啱啱以為細C啲同事走撚晒，可以慢慢同佢食吓嘢，吹吓水，點撚知，佢老細啱啱返嚟，佢望咗我一眼，知道我係送貨嘅，就吩咐細C幾句，然後就入番佢間房。
 
“老闆叫我做啲嘢，不過好快，你不如落架車度等我好唔好？”
 


細C好細聲咁同我講。
 
“我詐締喺度同你交收，等佢走囉！”
 
“佢依家先返，今晚有排都未走！”
 
無撚辦法，死死地氣咁落返架車度等佢喇，好彩，唔夠半個鐘，就見到細C落到停車場，四圍咁望，唔知邊架係我架車。
 
我閃咗幾嚇車頭燈，佢見到我，好開心咁跳上我架車。
 
“無得喺你公司食，咁去邊度食好呀？”
 
“睇你成身濕晒，有無地方換咗你啲衫先？”
 
“不如咁丫，上我老竇間公屋喇，我有衫喺嗰度，可以換。”


 
屌，梗係唔撚俾佢上我間劏房啦，成屋亂不凸止，好撚多阿穎啲底衫褲，仲有幾張佢無著衫自拍貼喺牆上面。
 
“你爸爸呢？”
 
同細C上到老竇喺沙田間公屋，屋裏面靜應應。
 
“老竇佢返咗鄉下，一年落返香港一兩個月。”
 
“我以為你屋企有人喺道，不如你換衫先，我落番車等你，跟住去過第二度食嘢喇！”
 
係喎，無喇喇，同佢上咗嚟，孤男寡女，咁…..諗起有啲興奮。
 
睇真吓細C，今日雖然係T恤長褲，但係件衫好緊身，條褲就又薄又貼身，直成好似第二層皮膚咁，仲隱隱約約見到佢好細條嘅底低。
 


我梗係搵啲理由留住佢！