唔駛一定入U，我揸van仔，都溝到好多女。: 13 化妝妹

趁老闆娘未收工，通知佢話我聽晚唔返夜班，費撚事聽朝佢編晒”痾打”，我先同佢講，佢實詐鳩我形。
 
心裡面突然有個念頭，諗緊應唔應該去做，思量後有個決定，睇吓個鐘，應該夠時間，踩多兩腳油，逢線”咳”線，逢車過車，三個鐘頭”痾打”，兩個零鐘頭搞撚掂，去到間百貨公司到仲係9點幾。
 
屌，真係抓頭，喺面前十鳩幾個counter，乜撚品牌都有，到底我要買乜鳩，講唔到囉，我都唔知自己想點。
 
低死丫，平日啲女搞完嘢，沖好晒涼，臨瞓前都搽呢樣，搽嗰樣，搽到成面都係，慘過俾我顏射，當時我就懶鳩理佢哋，唔撚係自己大覺瞓，就係玩手機，到依家自己就一碌柒，頭岳岳咁。
 
“先生，想揀啲咩？幫唔幫到你？”
 


“…….”
 
“係自己用，定係送俾人？”
 
“哈哈…”
 
我自己都笑撚起上嚟，又唔知佢用乜嘢品牌，又唔知佢用乜柒膏，乜柒水，都唔知點答個化妝小姐。
 
“先生，梗係平時太忙，無陪女朋友買化妝品嘞。不如我介紹俾你丫！”
 


“我唔知佢係咪用呢個品牌喎！”
 
“先生，咁你自己呢？有無用開乜嘢男士護膚品呀？”
 
呢條化妝小姐都好撚嘢，sell唔到女人，sell男人。橫掂有時間，同你吹吓水。
 
“先生，你啲皮膚粗咗少少，不過好多男人無留意護理自己，一般都會係咁！”
 
“係咩，我好撚殘咩？”
 


我一時口快，又爆粗，條化妝妹聽到，見到佢面色閃咗一閃，知撚道我唔係咩斯文人。
 
“當然唔係啦！先生，你好靚仔呀，如果加埋皮膚護理，你一定醂死女喇！”
 
“哈哈，醂唔醂到你先？”
 
“你幫襯我，用完之後，call我出嚟，睇吓咪知醂唔醂到我囉！”
 
“好呀，俾個手機號碼我囉！”
 
話口未完，真係手機響，哈哈，原來係佢。
 
“哈哈，記得，梗係幾得喇！”
 
“你知我無咁早瞓啦！”


 
一路講電話，隻手就好撚自然咁插入多裡面攞煙，俾個電話打斷，條化妝妹就戇鳩鳩咁望住我，我打個手勢話係咁先。

真係唔好意思嘞，就一路行一路傾，行撚出商場外面個平臺度扯煙。
 
“真係等到我嚟為止？哈哈！”
 
“哈哈，好，咁我夜啲到！”
 
終於收撚咗線，發覺原來條化妝妹都出咗嚟，喺平臺另一邊煲煙，佢可能一早已經見撚到我，見我一收線，就走埋嚟。
 
“哈哈，條女奪命追魂call？”
 
“我哋呢啲揸車佬，邊有咁多女丫！”
 


“唔好扮嘢啦，明明入嚟想買化粧品，仲唔認有女！”
 
“買俾家姐，買俾細妹唔撚得咩，哈哈！！”
 
“扮晒嘢，仲有無煙呀，我嗰包食晒喇！”
 
化妝妹煙癮仲大過我，我攞撚埋”啦屎” 一支出嚟，點著，啜一啖先遞鳩俾佢。
 
“你唔係要我食白果嘛！”
 
佢扯一大口，又將支煙遞番過嚟。
 
“屌，你賣電油，你賣車肽，我就幫襯你啫，你賣化妝品喎，我呢啲揸車佬邊會用得著呀！”
 
“都話買嚟送俾你條女咯！”


 
“都話無女咯！咁喇，收工未？請你宵夜補數！”
 
“嗯…又好！”
 
一人一啖，扯埋支煙，就跟撚住條化妝妹尾返入商場，佢同班姐妹交帶幾句，就攞埋個銀包，換衫走人。
 
“你真係無女？”
 
隊咗兩支大啤，化妝妹就想起我底，我van仔都唔係第一日出嚟玩啦，咁撚容易咩。
 
“無喇，呃鳩你咩！”
 
我無講大話喎，我一鳩都唔當阿穎、洗頭妹係我條女喇。
 


“咁你呢？”
 
“哈哈，收咗兩條兵！”
 
“仔呢？”
 
“無喎，你做唔做丫？哈哈！”
 
你條仔？到時你又當我係兵。鐘個頭埋你度，有無咁撚蠢呀，埋單走人啦！
 
“喂，你又話攞我電話嘅，無咗件事拿！”
 
最終都要交換電話，車撚埋佢番屋企，就直踩落尖沙嘴。