唔駛一定入U，我揸van仔，都溝到好多女。: 11 借膊頭俾佢

自從嗰晚開始，夜晚到11點零12點，我就依時依侯同佢what’s app，似乎佢又好受落，好好傾，大家關係越嚟越熟絡，乜撚都可以傾一餐。
 
日頭交收完，如果佢公司得番佢一個留喺到，我都撩鳩吓佢，佢都好爛玩，好多時大家玩到顛，都唔顧男定女，有時佢追著我嚟打，有時就我㩒低佢喺檯面，狂揤鳩佢，佢就一路笑，一路掙紮，搞到衫都扯到亂鳩哂，走晒光。
 
“一齊落去食餐飯丫，好求其，速食店！”
 
“唔好喇。”
 
“無所謂啦，食完飯，車埋你番屋企，今晚唔駛夜班！”
 


大家識撚咗個幾月，以為同佢好熟，想摟鳩佢食餐飯，點知衰咗，佢話約咗男朋友，咁就連送都唔俾我送佢返去屋企。
 
屌，原地踏步！
 
有時黑開有條路，一日，晨早開車，俾條盲毛亂鳩咁”咳線”，幾乎俾佢累到炒車，不單係咁，嗰日仲度度都塞車，單單”屙打”都遲到，踩撚都行，終於趕撚到細C公司，條停車場管理員又阻頭阻勢，我落車，一嘢推鳩佢埋牆，就想質佢幾拳，好彩佢幾條夥記箍撚實我，拖終於開唔成。
 
不過條管理員仲好撚串，追著我上到細C公司，我就好勞氣，仲不停咁嘈，雖然細C個面黑到好似包公咁，我都㩒唔住道火，無撚理佢，繼續屌七條管理員。
 
終於細C個同事出面調停，條撚屌管理員先肯走，嗰次細C無嚟同我交收，見到佢好似喺都喊緊。
 


屌，我唔怕天王老子，但見到細C咁撚悽涼，係我連累到佢咁無面，都有啲後悔，靜靜雞寫咗張紙仔，搭佢同事交俾佢。
 
嗰晚，我what’s app佢，佢好撚耐先回我，我同佢道歉，佢話我好似隻牛咁，佢無怪我失禮佢，淨係問我係咪同人打打殺殺咁過一世，跟住我講乜，佢都無回我。
 
第二日，我好撚沉重咁去到細C公司，打定輸數，以為佢就咁同我絕交，點知世事無絕對，有啲嘢你係預料唔到嘅！
 
 
 
“細C喺貨倉執緊貨，你入去同佢交收！”
 


我上到去已經5點9，成間公司最八鳩掛嘅大C開門俾我後，就啪、啪、啪幾乎熄鳩晒所有燈，跟住滾水淥腳，走都走唔。

喂，阿姐，仲有三個字先夠鐘收工喎，駛唔駛咁撚急呀！
 
間公司水靜鵝飛，屌，乜撚嘢事呀，心情有啲緊張添！
 
“尋日唔撚好…唔係，尋日唔好意思！”
 
屌，一句咁撚簡單嘅說話，都講到鳩㦸咁亂，無法喇，成世仔打交就多，好少同人講唔好意思，印象仲係小學雞年代，俾老竇打撚到阿媽都唔認得，之後仲要同佢講對唔住。
 
“你尋日做乜好似發晒顛咁丫？”
 
小姐，唔好咁喇，又眼紅紅，眼濕濕咁，我好撚怕女仔咁架，尤其是你呀！
 
“仲有呀，你係咪想粗口爛舌，打打殺殺咁過埋下半世丫！”


 
屌，俾佢插撚正個死穴，我諗咗呢個問題好耐，邊撚個想一世人揸住堂肽，日踩夜踩，每個月仲得嗰一萬幾千丫，不過，無計丫，讀書唔成，乜柒到唔識，淨識屌閪。
 
“你過嚟丫。”
 
細C放低手頭啲嘢，一手拖住我。我當堂震咗一震，未諗過佢會拖我，姐姐，你隻手仔好撚軟滑，拖住我唔好放手好唔好？
 
間所謂貨倉好細，又擺滿貨，兩個人好逼咁坐喺箱貨上面，手臂貼手臂，大髀貼大髀咁傾。
 
我從來未諗過同人交心，今日細C啲香水味就好似迷藥咁，我好想將鬱住喺心咁撚多年嘅說話，一次過同鳩佢講。
 
老竇老母得我一粒仔，我唔知老母係點樣，因為我好撚細個，佢就死撚咗，得番老竇，唔怕老實講，佢盲字都唔識多一個，搵食梗係辛苦啦，加上佢有無膽，喺出面俾人搵笨柒都唔敢出聲，返到屋企，啱就啱，唔撚啱就搵我出氣。平時一係唔出聲，出親聲就係鬧。
 
細個嗰陣就無法啫，大個一啲，我就兇撚番佢轉頭，同佢講：唔撚好郁手呀，你郁親手，我還拖架，老竇都係假！
 


佢見我牛高馬大，真係俾我拋撚窒。
 
屌，擰轉頭望嚇細C，原來佢又用紙巾抹緊眼淚，佢見到我望住佢，就”嘩”一聲，啲眼淚好似開咗水喉咁，屌，我講得好感人咩？搞喊佢，我都唔知點算。
 
我拍吓細C，唔撚知講乜好，點知佢就撲埋我膊頭度，好自然，我就攬撚實佢，掃佢背脊，等佢喊到夠。
 
“對唔住呀，我唔知你身世咁悲慘！”
 
噢，原來細C已經喊撚完，我仲攬到佢實，佢輕輕推鳩我，我先識得鬆手。
 
你估粵語殘片咩，我哋呢班草根個撚個都差唔多啦，衰過我嘅，仲有大把人！小姐，你好命啫，不過，佢咁關心我，我都幾開心嘅。
 
嘩，依家先發覺，我件T恤嘅膊頭位置，原來濕鳩晒，加上放工時侯，中央冷氣熄晒，間房好焗，我一嘢除咗件T恤，見細C個面都仲有啲眼淚，順手同佢抹埋。