唔駛一定入U，我揸van仔，都溝到好多女。: 7 細C電話

日頭猛做，夜晚就玩撚到盡，呢個係我做人嘅方針，因為世界唔撚會因你而停落嚟，唔撚做，無錢玩，有錢唔玩，就對唔住自己。
 
尋晚同幾條女玩咗一個輪，沖撚完涼，五個人大被同眠嗰陣，已經三點幾，點撚知瞓瞓吓，阿穎條衰女竟然摷醒我，話要同我傾偈。

小姐，你學校聽日唔駛返學啫，我要開工架，傾偈等拜山先啦。

點知阿穎話唔傾偈，都想我攬住佢瞓，雖然唔知佢搞乜撚，我廢事同佢抝，慳番啲時間瞓多一陣好過。
 
今日真係當黑，每一轉車都有啲阻滯，搞到去到細C間公司，遲咗粒幾兩粒鐘。
 


“喂，van仔，仲有無遲啲呀！”
 
一入門口，就俾條乜鳩主任詐形，平日我哋都有交流吓啲賭波、賭馬貼士，駛唔撚駛咁串呀！
 
“塞車嘛，我想架咩。”
 
“塞車咪早啲開車囉，係咪唔想做呀？”
 
你條仆街，平日叫我俾我啲女嘅性感相你睇，你就好聲好氣，今日塞車遲到你就撚屌咁嘈。



尋晚唔夠瞓，個人已經好撚燥，正想屌番佢轉頭，忽然望到細C，佢好似好驚咁，縮埋喺佢個位度，用好關心我嘅眼神，似乎叫我唔好同條撚樣嘈。
 
“係嘅，係嘅，聽日一定早啲！”
 
“靚仔，出嚟撈醒啲啦！”
 
“係嘅，係嘅，尋晚溝撚咗條學生妹，佢send咗幾張露點自拍俾我，夜瞓咗啫！”
 
“係咪呢，塞車？我都話你遲咗出車啦，乜女嚟架？真係咁正？”
 


“梗係正嘢啦。波大樣甜！”
 
“張相喺手機？開嚟睇，開嚟睇！”
 
“哎吔，唔撚好意思，正話唔小心刪除咗添！”
 
“屌你，死靚仔。想玩嘢！細C，唔好淨係坐喺度，同條衰仔夾吓日後嚟收貨、送貨時間，如果再遲到，打電話去佢公司投訴佢！”
 
講完後，條仆街就一支箭咁走撚咗。
 
“好嘢，抵你死！”
 
條仆街走咗後，成間公司得番我同細C，佢嬲爆爆咁樣，同正話好關懷我嘅眼，完全唔係兩個表情！
 
“咩抵我死呀，靚女！”


 
“睇埋啲鹹濕相，睇到遲到！”
 
“哦，依家幾點呀？小姐，唔通我瞓到下晝先開工咩，塞車之嘛，邊有咁多相睇丫！”
 
“咁你又話…咩大樣甜！”
 
“我呃鳩佢啫，我望到你，咪隨口同佢講，我係話緊你呀，波大樣甜嘛！”
 
“黐線呀你，講埋啲鹹濕嘢！仲有呀，同你講過好多次，唔好再講粗口啦！”
 
“如果你send俾我，我真係會睇通霄架！”
 
“無端端，我唔會send相俾你！嘻嘻..”
 


哈哈。條傻妹個面口當堂唔同曬！
 
“不過你小心啲，唔好再遲到，我驚主任真係投訴你！”
 
屌，我未撚驚過啦！
 
“唉，無法啦，出嚟搵食，我都怕無咗份工呀，老闆娘炒我魷魚就無命罅，我要養阿爸，細佬妹！”
 
要養阿爸？我養唔起囉，我搵得雞碎咁撚多，幾乎都唔夠自己駛，每個月手頭鬆動嘅，就俾二三千佢，當係俾佢飲茶，手緊嘅就俾住一千幾百先，欠著佢，有錢嗰個月先補番俾佢，好彩佢都有啲積蓄，唔撚駛餓死。

哈哈，細佬妹？我老母死撚咗好多年，老竇又無本事包二奶，細佬妹仲未出世喎！
 
“係囉，咁你就要小心啲啦，所以正話我好驚你同主任抝。”
 
“唉，我都知佢好小器！”


 
“不如咁啦，日後如果你塞車趕唔切，你先俾個電話我，等我同主任或者老闆講聲先！”
 
我以為世界上有同情心嘅人死晒，條傻女仲問我攞部手機，親自入咗佢電話號碼落去。所以話，做人唔駛時時都要扮撚晒威，有時扮嚇死狗，一樣有著數，條靚女個手電號碼，話都無咁易就落入我手。
 
同細C傾吓講吓，有差唔多七點，飯都唔記得食，又趕住開夜班，雖然無飯食，心情仲好撚輕鬆咁。