2047年最後一次遊行，我被傳送到一個要喺24小時內逃離嘅監獄: 第六章．歡迎

「父親為組織而犧牲，我呢個仔點可以眼白白咁睇住殺父仇人逍遙法外。」我憤然。

「但你要知道呢個香港已經冇法治，如果任務失敗咗，你就只有死路一條。」金冷道。

「我，在所不惜。」我以堅定的眼神望着金，心中燃起了鬥志。

突然，身旁傳出一把女聲。

「我...我都加入...得唔得。啱啱原本已經比警察殺死，如果唔係叔叔你咁啱經過救咗我地，或者我已經冇命見返阿爸阿媽...」子瑜道。





金和木再以驚異的目光看着子瑜，沒想到跟組織沒有任何關連的她會主動提出入加組織。

「子瑜，其實你冇必要咁做，啲任務好危險，隨時冇命架！」

「我決定咗加入組織，你勸唔到我架喇。何況我想報答返叔叔嘅救命之恩。」

我比起金和木更加驚訝，沒想到自己有意加入組織之外，子瑜亦決定加入組織。

木悠悠地說：「乜依家班後生咁似我地嗰個年代嘅，個個都唔驚死咁。」





「冇計啦，或者佢地都有我地呢代嘅決心，以自己微不足道嘅力量去對抗呢個極權政府。」金露出了滿意的笑容，並轉身對我們說：「既然你地決定咗加入我地嘅組織，就有權知道我地組織嘅資訊。」

接着，一座酒櫃發出了「咔唰咔唰」的磨擦聲，似是打開機關的噪音。不一會兒，藏在酒櫃後的暗門打開了。

「歡迎加入『不屈者』。」金笑道。