2047年最後一次遊行，我被傳送到一個要喺24小時內逃離嘅監獄: 第四章．金與木

「阿仔...記住，光復香港，時代革命。老豆唔知幾時會死，呢啲『干擾磁貼』就留返比你防身用啦。記住，你流緊嘅係我閻月嘅血，無論點都好，千祈唔好向中共政府低頭。有需要，就去搵金叔叔啦。同佢講你係閻月個仔，佢應該幫到你。」

「夠鐘出發喇阿月。」

「嗯，火，行啦，今次不成功便成仁。」

這是一段塵封了的記憶。在閻月空父親死前最後一次跟他說的話。

於天水圍某酒吧分店地下室。





「阿爸、唔好走，阿爸！」我驚醒，我在一個陌生的環境，身旁坐着一男一女，以及子瑜。

忽然，額前一涼。一把1982年生產，有64年歷史，口徑9.02毫米的半自動手槍—Glock17，頂在我額前。

我頓時亡魂喪膽，褲襠一熱，失禁了。

「細路，你手環上面嘅干擾磁貼邊度嚟嘅，比十秒你答，唔係你個腦會穿咗個窿都話唔定。」那個陌生男人冷漠地說道。

「...」我被嚇得驚惶失色，吐不出半個字。





「4...3...2..」

「係...係老豆嘅遺物。」

「你係...閻月個仔？」那男人問道，但他竟流露出驚訝的表情。

「你係月空？」那女人溫柔地問道。

「嗯。」





點解呢個男人會識我父親嘅？佢有槍架喎...我父親究竟同佢咩關係？我啱啱唔係中槍死咗嘅咩？呢個女人同呢個男人又係邊個？...

我腦中衍生出數之不盡的問題。

那個男人緩緩地放下了手槍：「細路，你可以叫我金，而佢係木。我知你有好多嘢想問我，但你先答我一條問題，你想唔想為你老豆報仇。」

「你係...金...叔叔？」我問道。「嗯。」

他很認真地問我，但報仇什麼的我還真的沒有想過。我只是一名普普通通的中學生，為父復仇，那麼偉大的事，我實在擔當不起。更何況我剛剛已被嚇到尿褲子了。

「你係咪男人嚟架，同你爸爸完全係兩個人。月佢仲話咩，佢個仔一定好似佢，正所謂虎父無犬子喎～呸！」剛剛那溫柔的木小姐180度變面，話中帶刺。

「報！有仇不報非君子！」我握緊拳頭，狠狠地打在地上。

這時沒有人留意到，金微笑了。





「呵欠～乜咁嘈架。」這時，子瑜醒了。她的反應跟我沒差，一醒來便摟緊我的手，像極了個受驚過度的公主。她問道：「月空，佢地咩人嚟架。」

「咦？女朋友仔喎～唉，青春真係好。」那個自稱木的女人態度又180度調轉了。

「佢叫張子瑜，係我嘅青梅竹馬，我同佢冇男女之間嘅關係。」我回答木。「佢地唔係壞人嚟嘅，我地啱啱就係比佢地救咗，應該...」

「如果唔係我，你地啱啱死咗喺隻狗手上面喇。」金又冷冷地跟我們說。

「即係你地呢班後輩覺得佢地係儆惡懲奸嘅正義警察；但喺我地呢代，佢地只不過係一班作奸犯科嘅死黑警。」木附和。

「咩...黑警？啱啱，想殺我地嘅係警察？」子瑜受驚，今晚發生的事已顛覆了她對「警察」的認識。

我則沒有很大的反應，因為本來對警察的印象已經不好，今晚更加遭其毒手。這事更印證了警察就是殺父仇人，由此刻起，我對「黑警」便產生了不共戴天之仇。





我沒有理會子瑜，反而問起金叔叔：「我諗你應該知我父親點死，可唔可以同我講關於佢嘅事。」

「成件事就要從27年前講起。」