《十七歲嗰年，我做咗Miss隻兵》: 第四章（5）

         就在這時候，背後出現了一道身影。

         「你係咪搵緊依條鎖匙呀？」背後的身影說，Miss Lam轉過身看，是Leung Sir。

         「咦，點解係你到嘅？」Miss Lam驚訝地問道。

         「我係架車到執到架，我都無啲咁嘅鎖匙嘅，我諗應該係你跌嘅，咪拎上黎比你囉。」

         「咁你架車點算？」



         「我泊好咗啦，快啲入去換衫啦。」

         Miss Lam從Leung Sir手上接過鑰匙，打開家門，說：「雖然有啲細，但你唔介意嘅話，可以入黎坐下。」

         「香港地邊個屋企唔細架，都係一個訓教嘅地方姐，有咩所謂？」Leung Sir隨着Miss Lam的腳步踏進了她的家，隨之把門關上。

         「你屋企都幾骨緻呀。」Leung Sir四處張望道。

         「係咩？明明咁細你都讚得落口。」Miss Lam笑說。



         「真係架，除咗條樓梯長咗啲之外，感覺依到都幾好住呀。」

         「住落你就知。你係梳發坐住先呀，我去換件衫先。」說罷，Miss Lam從衣櫃拿了條裙走往洗手間，獨剩Leung Sir一個在客廳。

         Leung Sir坐在沙發上，百無聊賴地到處張望。

         Miss Lam的家不大，連房間都沒有一個，沙發、茶几、單人床、小書桌，一眼便能看盡，可幸的是Miss Lam的東西不多，看起來也不算太逼狹。

         Leung Sir無聊地從褲袋掏出手機，可一下手滑，手機竟掉到沙發與床之間的狹縫裏。當他伸手去撿時，率先碰到的不是他的手機，而是一塊球拍。



         把球拍拾起來，上面竟寫着一個人的名字——「楊祖耀」。

         「我換好，行得啦。」Miss Lam從洗手間走出來，走到Leung Sir前，發現他手上多了塊球拍，便問道：「你啱啱有拎野上黎咩？做咩無啦啦拎住塊球拍嘅？」

         「無呀，我啱啱跌咗手機，諗住伸手去梳發底執，點知執到塊球拍，好似係阿祖嘅。」說罷，Leung Sir把球拍遞到Miss Lam手上。

         球拍的右下方確實寫有「楊祖耀」三個字，看得Miss Lam雙眼都快要掉下來。

         「佢塊球拍又會係你到都有嘅。」Leung Sir說。

         仆街啦，一定係嗰晚佢送我返黎嘅時候跌咗係到，點算好，點解釋好呢？！Miss心想，卻又不敢把內心的慌張表現出來，努力鎮定自己的情緒。
 
         「呀，我醒起啦，有一次我係禮堂執到塊拍，應該係佢練完波漏低咗，我本來諗住幫佢Keep住先嘅，點知⋯⋯你都知依排有幾忙架啦，Keep下Keep下就唔記得咗件事，好彩你執到咋，唔該晒你。」Miss Lam伸手想從Leung Sir手上奪回球拍之際，Leung Sir竟笑着問道：「學生啲野漏咗，你擺學校咪得囉，做咩特登拎返屋企？」

         係囉，我做咩拎返屋企？點答好呢？Miss Lam心想，努力為自己的謊言打圓場，說：「嗰日⋯⋯嗰日我臨走嘅時候見佢係籃球場打緊波，咪諗住拎埋個球拍落去比佢囉，點知落到去就唔見咗人啦，我咪唯有帶返屋企囉。」



         你係佢班主任，朝早班主任節還比佢唔會仲方便咩？Leung Sir心想。

         看到Leung Sir臉上還掛着問號，Miss Lam深怕他繼續想下去會發現些甚麼來，連忙岔開話題，說：「呀，你行咗咁多層樓梯，要唔要飲杯水呀，我前兩日煲咗啲涼茶，斟杯比你呀。」

         點解⋯⋯點解我會咁失策，無留意到佢塊球拍架，Miss Lam手在倒水，腦海卻不斷回想自己剛才說的話，深怕哪一點說得不夠好露出破綻了。

         也許是想得太入神，Miss Lam把杯子遞到Leung Sir前，對方還未及接穩，她便放手了。幸好，杯子還未落地，眼明手快的Leung Sir便已伸手接過它，才不至於碎滿一地，卻還是把杯裏的涼茶打翻了。

         剛巧，這天晚上學校有個家長座談會，女老師要穿得端莊，男老師則需穿上正裝，Leung Sir也不例外，一改平日的運動風，穿上了筆直的恤衫西褲。於是，深褐色的涼茶灑在白色的恤衫上，在胸前、腹部的位置都留下了一大塊明顯的污跡。

         「對唔住呀，我唔係有心架，你⋯⋯你等等呀。」Miss Lam連忙拿了塊抹布來，使勁地在Leung Sir的恤衫上抹。

         「我⋯⋯我自己黎得啦。」聽到Leung Sir這樣說，Miss Lam才發現自己抹的位置有點尷尬，才停下了手上的動作，把抹布遞到Leung Sir手裏讓他自己來抹。



         然而，任他再抹，污跡卻絲毫沒有變淡的意思。

         「死啦，咁大達跡，點返學？」Miss Lam看着那片污跡皺起了眉頭。

         「唔緊要，小事黎姐，」Leung Sir看了看手錶的時間，說：「仲有啲時間，去買過件咪得囉，行啦。」

         聽到Leung Sir的話，滿懷歉意的Miss Lam連忙穿上鞋子。

         然而，當二人穿好了鞋，剛踏出屋門，Miss Lam才想起自己把手機漏在家裏了。

         「一係你落去開車過黎先？我要入去拎返部電話。」Miss Lam一臉抱歉地說道。

         「好呀，我揸過黎都要時間，你慢慢，唔洗急，我落去先。」說罷，Leung Sir便走了。

 


         過了一會兒，Miss Lam終於下樓了，快步走到Leung Sir的車上，說：「唔好意思呀，我又曬咗你啲時間。你放心呀，件恤衫我一定會賠返比你架。」

         「唔緊要，好小事姐。」Leung Sir微笑道，露出一排潔白的牙齒很是好看。

         「你鍾唔鍾意食辣野架？」Miss Lam側着頭看Leung Sir，試探性地問道。

         「鍾意呀，做咩無啦啦咁問？」

         「咁就啱啦，我前排自己炒咗啲辣椒醬，咁啱整多咗，送比你當賠禮呀。」Miss Lam說道，遞上一瓶重用的李錦記玻璃樽。

         「你唔係諗住一樽辣椒醬就可以打發我，以為咁就唔洗賠返套西裝比我呀嘛？」Leung Sir板着一張臉說。

         「唔⋯⋯唔係，我唔係咁嘅意思，我⋯⋯」Miss Lam沒想到Leung Sir竟是這個反應，怯怯地回應道，

         「講笑咋，都無諗過要你賠，嗰件恤衫我都着咗好耐，都諗住換架啦。不過，多謝你樽辣椒醬呀。你又會識整辣醬咁犀利嘅。」Leung Sir接過玻璃樽說道。



         「我細個成日睇我媽整，睇下睇下自然就識整，我仲識整水煮魚，口水雞，宮保雞丁添。」

         「哇，咁犀利，睇唔出喎。」

         「邊係呢，不過你件恤衫始終都係我整污糟嘅，我都係賠返件比你啦，唔係我會唔安落。」

         「既然你咁講，咁就⋯⋯」Leung Sir一邊說，一邊靠近坐在副駛座的Miss Lam，近得和她僅有幾厘米的距離。

         「Leung Sir，我⋯⋯我指嘅距離係⋯⋯」Leung Sir一時間靠太近，近得Miss Lam眼睛不知往哪看，說話也結巴起來。

         這時Leung Sir伸手拿起Miss Lam右肩旁的安全帶，「唰」的一聲一下子拉到左下方的安全扣上，說：「咁就快啲扣好安全帶陪我去買過件恤衫啦。」

         Oh Fuck，我究竟係到諗緊啲乜，Miss Lam心想，不斷祈求剛才的喃喃自語沒有被聽見。
 

         不到十分鐘車程，二人來到了九龍塘又一城。然而，剛才把涼茶灑在Leung Sir身上的畫面不斷在Miss Lam的腦海裏回放，使她只沉浸在深重的內疚感中，沒留意Leung Sir走了進哪間店鋪，直至Leung Sir換上一套新的恤衫和西裝走到她面前，她才回過神來。

         「點呀，依套Ok嗎？」

         Leung Sir穿上了一套印上暗花的深藍色西裝，莊重得來又帶點不凡，卻又不會過於與眾不同。

         「依套係我地鋪頭新返，都係最好賣嘅西裝，先生真係有眼光啦。」女店員站在一旁，看着鏡裏的Leung Sir微笑說道。

         「Ok呀，但⋯⋯你唔係黎買恤衫咋咩？做咩試埋西裝嘅。」

         「無呀，咁啱條西褲都Hi咗啲涼茶，咪諗住順便買過套。」

         「唔好意思呀，條西褲黑色嘅唔覺眼，無留意到原來你條褲都濕咗。」

         「都話咗唔緊要落，你又唔係有心嘅。既然你話好睇，咁⋯⋯就依套啦。」

         「好呀，我送比你呀，當係賠禮。」

         說罷，Miss Lam掏出錢包，女店員見狀也馬上跟着她一起走到櫃枱前，說道：「多謝小姐你三萬八千千蚊呀。」

         「三⋯⋯三萬八千？嗰套西裝成差唔多四萬蚊？」Miss Lam聽到這數字頓時瞪大了雙眼，以為自己聽錯了。

         「係⋯⋯係呀小姐，總共係三萬八千蚊。」店員又一次重複道，沒想過眼前的顧客會如此大反應。

         乜依家啲西裝有咩貴架咩？我見G2000嗰啲，幾千蚊就有套架啦喎，成四萬蚊，咪仲多過我一個月嘅人工？唔知有無得分期呢⋯⋯剛大學畢業的Miss Lam信用卡額度還在一萬元以下，戶口也沒這麼多錢，當她正在苦惱該如何是好之際，Leung Sir卻已走了過來，掏出一張信用卡對店員說道：「碌卡呀唔該。」

         「係嘅先生。」店員接過Leung Sir的信用卡說道。

         哇，我最多都係碌一萬，你張卡竟然碌到大拿拿四萬，真係唔簡單，死啦，咁頭先我整灑糟嘅恤衫、西褲要幾錢先夠賠？Miss Lam愈想愈憂慮。

         「你⋯⋯平時都着開啲咁貴嘅西裝架？」Miss Lam試探道。

         四萬蚊，算唔貴呢？Leung Sir心想。

         事實上，平日的他買一件普通的T-shirt都過千元，過萬元一套的西裝，對他而言其實也不算甚麼，然而，看到Miss Lam這驚訝的表情，他不敢照直說，便迎合道：「唔係呀，我見畢業之後第一套老西，咪買貴啲囉，反正有排着架嘛。放心喎，我無諗過要你賠比我，唔洗咁擔心喎。」

         「唔係嘅，我整污糟你嘅野，唔賠返比你唔係咁好嘅。」Miss Lam很想替他付了這筆西裝錢，免得欠他太多人情，然而，看到四萬元的帳單，她實在付不下手。
「唔洗啦，好小事咋嘛。」

         「唔得，一係我分期還返比你。」

         Leung Sir和Miss Lam一樣是Freshgrad，他知道這價錢對Miss Lam而言共非小數目，便提議道：「一係你請我食餐好嘅補數？呀，你頭先話你識整水煮魚，口水雞，仲有宮保雞丁，唔知我幾時有幸可以試下你嘅手勢呢？」

         「你想食呀？可以呀，你唔擔心會食到食物中毒嘅話。」

         「唔會嘅，一於就咁話啦。」

         「對我咁有信心咁就唯有成全你啦。」

         我仲可以慳返筆添，Miss Lam心想。

         「係中毒就好啦，可以唔洗上堂，你就負責代晒我啲堂。」

         「哇，咁大代價，咁都係唔好毒死你好啲。」Miss Lam開玩笑道。

 
         小息剛結束，同學都回到課室去了，唯獨阿祖才剛從小食部買過早餐，還未來得及吃，小食部又都是訓輔老師和Prefect，他只好躲到男廁吃。

         站在男廁洗手盆前，當阿祖正忙着把剛買的燒賣和撈面都倒進肚之際，竟聽到一把女生的聲音從走廊傳來。

         「你係咪話咗比蓮姐知？」