《十七歲嗰年，我做咗Miss隻兵》: 第一章「咩癡線，追到Miss咁點先？」
第一章 「咩癡線，追到Miss咁點先？」
「今年我地有三位新加入嘅老師，包括教體育嘅Leung Sir，教化學嘅陳Sir，同埋教通識嘅Miss Lam，我地有請佢地上台同大家介紹一下自己。」校長在台上拍着手掌說，臉上的油脂幾乎要擠破細長的魚尾紋。
「你一陣放學有咩做？」阿祖對旁邊的女生Yuki問道。
每年都有新老師加入和離開，學生對此早已沒有太大感覺，打瞌睡的打瞌睡，聊天的聊天，根本沒有人在意台上出現的是誰。
阿祖也不例外，正和鄰座的女同學聊得根本不知今夕是何時。
「食飯囉，做咩？」Yuki回應道。
「去邊食？一齊呀。」
「好呀，你想食咩？」
直至她的出現，才把學生的注意力重新抓回台上。
「大家好，我係林老師，Miss Lam，來年會任教中三、中五同埋中六級嘅通識。」Miss Lam略為害羞地拿着麥克風說。
「哇，新黎個Miss好正，比佢教到就好啦。」阿祖旁邊的肥仔文說，嘴裏的口水都快要流出來。
係咪真係咁正呀？阿祖對肥仔文的眼光非常懷疑，終於慷慨地施捨一分注意力給台上的Miss Lam。
第一天上班，Miss Lam穿了一條粉紅色的西裝褲和白色的棉質背心，一雙潔白如雪的手臂坦蕩蕩地掛在纖腰旁，與旁邊皮膚黝黑的Leung Sir形成強烈對比。白晳的臉頰因為害羞而泛紅，加上吹彈可破得皮有如少女的皮膚，若不說她是一位老師，大家大概會把她錯誤成學生。
係幾靚嘅⋯⋯阿祖牢牢地盯住Miss Lam的臉，像是被她那雙會笑的眼睛攝了魂似的，忘了上一秒還在和旁邊的Yuki說話。
「喂，」眼見阿祖沒反應，Yuki又叫了他一聲，「望到靚女Miss就失晒魂，你一陣同Miss食飯算啦。」
「咩呀，佢話佢教中五喎，我驚係個老虔婆教先係咁倚望下咋。」
「依家見到係個又靚又後生嘅Miss，開心晒啦？」Yuki雙手翹着放在平坦的胸部前說。
「請大家以熱烈嘅掌聲歡迎我地新加入嘅老師。」校長咧着一張笑臉說，台下隨之響起一陣熱烈的掌聲。
「比佢教中就係囉。」阿祖和肥仔文拍着手掌，目光緊跟着Miss Lam沒離開過。
看着着魔似的阿祖和肥仔文，Yuki瞄了瞄正快步走下台的Miss Lam，說：「真係咁靚咩？」
Yuki可算是班上最美的女生，男生的目光從來都只聚焦在她身上，如今竟比這位突如其來的Miss Lam奪去，心裏自然是無限不爽。
阿祖仔細看了看Yuki和Miss Lam，心想：真係幾靚，卻搖搖頭說：「都係你靚啲。」
「係咪架？」Yuki口雖這樣說，心卻因此而高興。
「哇，乜你咁講野架，我好少讚人靚架喎。」
「但你啱啱明明望到失晒神，Miss一定好靚啦？」Yuki仍不忘剛才阿祖如何失神地盯着Miss Lam來看。
「係架，佢教我，我通識一定年年考第一！」肥仔文突然插嘴說。
「車，」Yuki冷笑道，「考第一有咩用？」
「咁佢一定會記得我。」
「記得你，跟住呢？有咩用？」
「er……夠啦，唔係你仲想點？唔通真係去追Miss咩？」肥仔文看着自己肚上一圈圈的脂肪說，卻沒想到，以他的資質，不要說追Miss，連考第一都不可能。
「你知就ff少陣啦。」Yuki說。
阿祖認真地想了想，說：「點解唔可以追Miss？」
「吓，你認真咩？Miss你都敢追？」肥仔文驚訝地看着語出驚人的阿祖。
「追Miss姐，有幾難？我教你追。」阿祖自信地說。
阿祖雖稱不上俊俏，沒有濃眉大眼，高鼻薄唇，只有一張再普通不過，隨處都可以找到、瘦削的V煞臉，可開朗的他臉上總掛着笑容，加上外向愛說話的性格，只要他主動點，花點時間和心思，要擄獲女生的歡心也不太難。
所以雖才年僅十七歲，可他已談過好幾次戀愛。
「哈！」Yuki冷笑了一聲，挖苦道：「佢呀？Your face your fate. OK?」
肥仔文的條件其實不差，不僅身高有一米七五，立體的五官比阿祖還好看，只可惜都被埋在了肥膏之下。
「咩face、『飛特』？」英文成績幾近U的阿祖和肥仔文像是聽到外星文似的，完全聽不懂Yuki的話。
「你話你地咁嘅Level，Miss有乜可能會比你地溝到？」Yuki不屑地說。
「我英文差姐，唔代表我通識唔得喎。你咁睇死我地，溝到咁點先？」阿祖不甘心被Yuki看扁。
「你溝到先算啦。」看見Yuki這樣不屑的樣子，阿祖心裏突然出現一個瘋狂的想法，說：「不如咁，你去溝Leung Sir，我去幫肥仔文追Miss Lam，睇下邊個快得手啲。」
聽到阿祖的話，Yuki這才認真地瞧了瞧Leung Sir的樣子，和Miss Lam一樣幼嫩，大概也是剛大學畢業不久。往下看，教體育的他即使穿恤衫，還是無掩他健壯的身軀，幾乎要掙破胸前的鈕扣，加上小麥似的健康膚色，比學校裏的所有男同學都要好看。
雖然Yuki愛收兵，拜倒在她腳前的裙下之臣也不少，但她從沒想過要追老師。這想法實在太瘋狂。
「癡線，我從來都唔會主動追人，仲要追呀Sir，有病呀你？」
「我以為Leung Sir會係你鍾意嗰Type添。」
「好似你地咁膚淺，見到靚就去追，咁我咪好唔得閒？」
「開學禮完結，請各位同學按順序返番你地嘅課室處理班務，首先係坐後排嘅中六，然後係中五嘅同學⋯⋯」台上的訓導嚴肅地說。
「哇，蓮姐今日發生咩事，竟然著姣婆pink。」
所謂的蓮姐是他們的訓導主任Miss Tang，年過四十，常常板着一張臉，卻仍保持着一顆少女心。
「依啲咁癡線嘅說話真係得阿祖先講得出。」也許是阿祖剛才說的話太震撼，還在肥仔文的腦海迴蘯。
「咩癡線，追到Miss咁點先？」好勝的阿祖本來也只是隨口說說，可當Yuki和肥仔文都如此嘲笑他時，這想法竟漸漸變得堅定。
「唔好講笑啦，我知你溝女叻，但唔好話Miss，連女同學都唔show我，算吧啦。」肥仔文雖然頭腦不靈光，可有自知之明的他知道，一般女同學都對他不屑一顧，他又怎可能追到年輕貌美的Miss Lam呢？
「Miss點同，我有辦法喎。」阿祖瞪大雙眼看着阿祖說，彷彿這樣看起來更有說服力，續說：「成功嘅，你部Switch歸我。」
肥仔文之所以能夠成為肥仔，還要多得他那重男輕女的父母，生了三個女兒才迎來他一個兒子，自然把他視如掌上明珠，不僅把最好的都給他吃，向來他想要甚麼就給甚麼，即使是Switch他也有兩部。
所以對肥仔文而言，一部Switch根本算不上甚麼，然而，若這樣就能換到一個Miss做女朋友也不錯。
「咁都追到嘅，送晒啲Game比你又點話。」肥仔文始終不相信阿祖真的能替他追到Miss，便信口開河道。
「OK，一陣放學就上你到拎Switch。」
「都未追到。」
「無機打我度唔到橋架喎。」
「你鍾意啦吓。」好聽點，肥仔文可說是隨和善良，可直接點來說，他就是頭腦簡單，常常身邊的人說甚麼就是甚麼，也正是因為這樣，身邊總圍着一堆喜歡消費他的豬朋狗友。
阿祖雖然也喜歡找肥仔文便宜，可每當肥仔文遇到問題，有義氣的他都會第一個跳出來替他想辦法，算是他身邊唯一不那麼像豬狗的損友。
「好，我就疊埋雙手睇下你兩個傻仔點追Miss返黎。」Yuki嘲笑道。