明目•偷情 後話: 白與黑 (3)
白與黑 (3)
~~~~~~~
响我正想行動時，呀嫂就行入咗間化妝品鋪頭。一入到去就有個sales妹笑哂口過嚟。
「Hi，Molly妳嚟得啱喇，有啲新返mask好潤呀。」
「 好潤？」呀嫂講完之後，sales妹講：「係呀，我俾妳試吓吖。」
「咁S＆M果隻眼霜有無貨？」
「有呀，我…」
呀嫂同Sales妹傾緊化妝品，我就企埋一邊默言。今次係第二次陪佢嚟買，個感覺同上次唔同…
可能係上次未食，今次係已經食咗呀嫂…
所以身份已經唔簡單！
當諗到身份唔簡單時，個sales妹望一望我，眼神流露出少少愕然，跟住好快變臉對我微笑…
哩個sales妹，咪上次招呼呀嫂果個？
係之前見過呀嫂同呀哥嚟買嘢果個？
俾佢見第二次，會唔會出事呢…
又要俾錢收買佢？
哩條sales妹斯斯文文、着條短裙，睇嚟唔平喎…
銀包唔多錢，俾埋佢陣間又要㩒機…
唉…
當思量緊果時，呀嫂行咗去另一邊睇嘢。個sales妹又望住我…
真係想問我攞錢？
定係有嘢想問我？
好，等我先發制人…
「妳認唔認得我？」
「吓？」Sales妹對我個問題O哂嘴…
唔通佢唔認得我？
佢少年痴呆，唔知會唔會都忘記呀哥呢？
「你係Molly男朋友，上次一齊嚟買嘢吖嘛。」Sales妹好快補答。
原來佢記得…
咁駛唔駛收買呢？
再探探口風先。
「Molly有無同其他男人嚟過？」
「呀…」問完之後sales妹lag一lag，講：「我唔見喎。」
「唔見？」我用唔相信眼神望住佢，佢好口硬講多次唔見…
呀嫂應該係同呀哥嚟過買化妝品，條sales妹無理由無見過…
係佢唔口疏，定係我已經取代呀哥呢？
未取代呀哥前，呀嫂返嚟我身邊同sales妹講：「係喎，有無執到張回鄉咭呀？」
「無喎，妳唔見咗？」sales妹問。
「唔係我呀。」呀嫂搖搖頭，講：「睇嚟佢都要補領囉。」
唔係呀嫂跌return home card，唔通係佢…
佢近嚟有同呀嫂嚟哩度？
「邊個跌return home card呀？」
我一講，個sales妹掩住個嘴笑。呀嫂見到就同我講：「咪係return home card owner囉。」
Return home card owner…
真係呀哥…
呀嫂同我一齊之後，同呀哥嚟過…
哼！
唔知點解，知道呀嫂同呀哥嚟過哩度，個感覺好似呀嫂勾佬，背住我同呀哥偷食…
心中酸溜溜，成個人沉哂。呀嫂可能見到我黑面，就笑笑口講：「你又玩呷醋？」
我玩呷醋？
呀姐，換轉妳係我會點諗呀？
我唔出聲望住佢，佢就伸出食指做出"好賤呀"動作，跟住眯起眼笑笑哼咗一聲…
哎呀…
妳偷食仲夠膽哼我！
信呀信陣間屌到妳無聲出吖嗱！
好，就去隔離間麗晶酒店…
不過糧尾，去麗晶賓館一樣啫…
都係有床就得喇！
「Molly，買完未呀？」
「差唔多喇。」呀嫂講：「你想走呀？」
「唔係，得個知字啫。」把口就咁講，個心就得個屌字。
「得個知字？」呀嫂講：「你以為我唔知你個心諗咩呀…」
妳知我個心諗乜？
既然係咁，就上房喇。
「行喇，小氣鬼。」呀嫂攬實我隻手，纏住我行出間鋪頭。由於呀嫂個身貼住我，自然對波逼住我、請我食波餅，一對豐滿有彈性嘅級手波就頂住我手臂，一路行一路頂過嚟，好有節奏咁去頂…
呀嫂係咁頂，頂到我忍唔住偷望佢。由上向下望，見到佢白背心露出一條波罅，白白波罅夾到實，將對波拱哂出嚟…
佢講過哩個係wonder bra，所以就夾到對波大咗…
咁夾法會唔會搞到對波變形呢？
諗緊時行到去玻璃幕門，响鏡中見到呀嫂正面。佢微微傾斜個身，好似𠌥低身俾人睇波罅咁去吸睛…
當然呀嫂唔係𠌥低身露波罅，佢唔會咁樣做…
佢會流露性感，但係唔會咁故意去做…
就算佢而家白背心透黑bra，係明知咁着一定會透bra、一定會show sexy…
鏡中都見到個bra好明顯，可能因為商場燈光關係射到透嘅更透、大嘅更大…
通透大波就响我身邊，由我拖住個大波呀嫂响旺角遊街…
而家咁，係咪仲好過全裸…
可以性感，又唔會太張揚…
頭先拖住突點呀嫂，而家拖住露bra呀嫂都同街頭裸露差唔多，都係睇到扯哂旗…
受到對波直接壓力，同埋視覺壓力，搞到我一路行一路扯旗…
我扯旗，咁啲人咪又會睇到扯旗？
好奇之下望望途人，個個又係受到靚女呀嫂感染，吸引到佢哋目光…
受注目程度，只係比起突點略略少啲，不過都係惹起目光…
俾班羚羊睇呀嫂個bra，咪益哂佢哋？
有得睇無得食，都唔算益嘅。
就算唔益，但係啲人偷拍放上網，俾呀哥見到咪仆街？
不如直接同呀嫂講，上房搞嘢唔好行街喇…
搵緊上房之路時，見到有間時租酒店招牌，真係天無絕人之路！
「Molly，不如我哋…」
「哦？」呀嫂唔知我講乜，我就向住個招牌指一指。佢望向我手指方向，知道我想點…
呀嫂微笑：「你咁心急？」
我心急？
妳啱啱都出哂水喇…
我當然唔會咁講，只係笑而不語。我笑笑口望住呀嫂，呀嫂都笑笑口望我…
大家互望交換笑容後，呀嫂講：「你食唔食雪糕呀？」
食雪糕？
而家係食呀嫂喎，食乜雪糕呀？
定係想串我柒𨶙懵懵食甜筒呀？
妳係咪唔想上房…
「妳…」我問呀嫂：「唔想？」
「咩唔想呀！我好耐無食過喇！」
「無食過？」呀嫂話食雪糕係講堅？
「係呀，子浩話食雪糕會肥，叫我唔好食呀。」
唔俾呀嫂食雪糕？
已經強迫呀嫂全白，而家仲唔俾呀嫂食雪糕，有無咁變態呀！！
唔得，我要幫呀嫂尋求幸福！
「好，我同妳去食雪糕！」
講完之後我就拖住呀嫂衝去雪糕店，兩個齊齊食雪糕、談談情。呀嫂食雪糕個樣，哩一刻好少女feel，有種受保護動物姿態响我面前出現…
望住呀嫂，除咗平時靚樣性感外有另一種感覺…
突然間，呀嫂用張紙巾抹抹我個嘴…
呀嫂幫我抹嘴，溫柔態度warm爆我個心…
「Thank you。」我開心多謝，呀嫂聽到我講Thank you，就回答：「你同子浩一樣食嘢咁論盡。」
我同呀哥一樣？
我點會同屎怪一樣呀！
佢係佢，我係我，唔會一樣囉！
聽到呀嫂講我同呀哥一樣，忽然有種莫明不滿…
望望呀嫂，望望佢透出黑bra，諗起呀嫂話呀哥叫到就可以全裸陪佢行旺角…
我唔得咩！
就算唔係全裸，而家露黑bra有分別咩！
哼！！
我要拖住露bra呀嫂行旺角！
「我哋行朗豪坊咯！」
「朗豪坊？你唔係想搞嘢咩？」呀嫂碌大雙眼好驚奇咁問。
「同條女唔係淨係搞嘢，要行吓街拍吓拖嘛。」
「都話你吹水最叻喇。」呀嫂甜絲絲錫我一啖，之後再攬緊我、個頭僕响我膊頭，小鳥依人咁將自己交俾我…
呀嫂一時間將我融化，條氣唔再谷住…
既然唔谷氣，咁就同呀嫂行朗豪坊拍吓拖，氹吓佢開心…
同埋要俾人知道Molly係我條女，佢係屬於我嘅！
不過最好熟人見唔到喇。
當我同呀嫂遊街，行到好多人嘅商場街道，罪惡危險感開始濃烈…
始終太多人，分分鐘熟人見到我哋攬埋一舊時，我哋都唔發覺熟人見到…
正所謂夜晚唔好講鬼，日頭唔好講人…
真係見到熟人…
見到舅父！！
仆哂街喇！！
待續