明目•偷情 後話: 上得床嚟牽被冚 (13)

上得床嚟牽被冚 (13)
~~~~~~~~~~~~


「你呀，咀我就夠膽嘅。」
 
哎呀…
 
有得咀，唔通唔咀咩？
 


望見佢對波，我就講：「妳仲大膽喇，件衫透哂個bra出嚟喇。」
 
「咁濕咗係咁嫁喇。」
 
濕咗係咁…
 
佢真係講得輕鬆。
 
「又係着白色bra…」見到白色bra，我唔多happy！
 


「你知道我全部都係白色喇。」
 
「我知，呀哥鍾意吖嘛。」我講：「不如除咗佢吖？」
 
「除咗佢？」呀嫂問。
 
「係呀，我唔鍾意白色bra。」唔鍾意呀哥將佢私人愛好規管住妳、縛住妳！
 
我好認真咁講，好認真望住呀嫂。呀嫂雙眼瞳孔放大，有種不可置信表情浮現…
 


係估唔到我想佢除bra？
 
對望僵持一陣後，呀嫂講：「你呷醋呀？」
 
我呷醋？
 
係唔想佢逼妳啫。
 
我搖搖頭：「算喇，當我無講過。」
 
「咩當無講過呀。」呀嫂擰轉身面向我講：「你敢講唔係呷醋？」
 
呀嫂厲住我，要我老實回答時屎怪出場。一行埋嚟就講：「成身鬆哂，下一站去邊度？」
 
「你話事喇。」呀嫂講。


 
呀哥話事…
 
就係妳咩都俾呀哥話事，搞到啲bra同under都白色咁怪呀！
 
「咁不如去鬼屋！」
 
「好吖，夠哂刺激。」呀嫂同我講：「你唔會say no喔？」
 
Say no？
 
唔會囉。
 
不過上次先去完日本秋祭嘉年華，又會而家有哈囉喂咁得意？
 


不過講故唔好駁故，是但喇。
 
決定後又嚟三人行，同樣係三個箭頭，呀嫂中路我打左翼、呀哥行右。
 
不過呀哥犯規，人釘人mark實呀嫂…
 
佢試吓再嚟吖，信唔信我俾個紅牌趕佢出場吖！
 
越行近鬼屋，途人就開始越多。我右手手背都貼住呀嫂左手手背，今次貼住呀哥無拉開呀嫂，而呀嫂都無乜反應…
 
唔等呀嫂示意，主動由我做起…
 
我一個反手，眼望前方拖住呀嫂！！五指攝入佢指罅，扣實佢手掌；我手指扣緊後，呀嫂手指同樣扣緊…
 
我終於响呀哥面前同呀嫂拖手仔行街！！


 
我同呀嫂結合，我保持住神態自然，唔好俾呀哥發現…
 
呀嫂會唔會一樣呢？
 
其他人又見唔見到呀嫂一拖二呢？
 
咁逼人，應該見唔到嘅。



                                                                    待續