明目•偷情 後話: 第一次接觸 (2)

第一次接觸 (2)
~~~~~~~~~



佢就對我笑一笑，然後講：「又咁遲嚟，睇少好多呀！！」
 
睇少好多？？
 
睇乜嘢少好多呀？？


 
懊惱時聽見前面傳出音樂，Molly就好雀躍用另一隻手拍我，同我講：「婆婆好勁呀！！」
 
婆婆勁？？
 
勁乜呀？？
 
望向前面，發覺婆婆响度彈緊個好細嘅結他！！
 
真係咁堅？？


 
唔怪得成班親戚睇明星咁聚哂睇表演喇！！
 
望完婆婆，再望向身邊人。Molly著住一件粉白色半截露肩衫，質地好輕柔，唔係緊身而係披住對波，好玲瓏浮突感覺；對波下面就係露臍，見到一條無肥肉嘅小蠻腰，唔知有無臍環呢；再望落去見到一條藍色短褲，兩條白淨長腿又再出現；鞋就係一對淺啡色涼鞋，全身散發住青春夏日氣息！！
 
我係咁望，又俾佢發現咗。
 
「又响度昅？乜你原來咁咸㗎？？」
 
Molly又笑笑口講，即係講笑喇。既然講笑，咁我都大膽講：「妳咁正，無可能唔昅囉。」



「哈哈，我就係唔俾你昅。」Molly講完就正面俟埋嚟，我只可以望到佢背脊。望唔到都好閒，因為而家差唔多等於攬住佢。緊貼住一對波推埋嚟，感受到壓迫…其實對波有幾大呢？？香水味由頸背發出，就算我個鼻掂住佢耳仔，但係都好肯定香味由頸滲出。
 
除咗香味之外，都感受到暖意。如果唔係隻手俾佢拖實，為一定會攬住佢！！
 
攬唔到啫，可以錫佢吖嘛…
 
個嘴伸前少少就可以錫面，然後一路錫過去嘴到…
 
同佢打車輪！！
 
打車輪…
 
咪住…
 


而家响成班親戚入面，點可以打車輪呀？？
 
唔單止無得打，而家攬住都係死罪！！
 
「呀嫂…」我細細聲叫佢。
 
「嫂咩呀嫂，你老人痴呆呀？？」
 
係喎，佢而家法號唔係呀嫂喎！！
 
緊張得劑，唔記得咗㖭！！
 
「Molly呀，妳拖住我又黐咁埋好似唔係咁好喎。」
 
「做咩呀，你怕醜？？」Molly發出恥笑聲線。


 
「成班親戚响度，妳唔驚咩？？」
 
「佢哋全部睇緊婆婆表演，得鬼閒理你咩！」Molly講：「就算見到又點呀！」
 
「點？俾呀哥知道仲唔死呀！！」
 
「子浩知道又點呀？」Molly笑住講：「除非你諗住勾義嫂啫…」
 
「我勾義嫂？？」聽到Molly咁講，我有多少失措講：「妳玩我？？」
 
可能講哩句大聲咗，又或者我心跳聲大過婆婆結他聲，所以坐响Molly旁邊嘅姑姐擰頭望過嚟…
 
佢見到Molly成個人俟哂落我度！！
 


今次仆街喇…
 
未食就斷正，有無咁仆街呀！！
 
Molly响度俟身俟世，擺明棟我喇！！
 
姑姐望見我，皺哂眉頭再望Molly…
 
望完Molly之後再望實我…
 
死…
 
死得喇…
 
姑姐望住我無出聲，Molly都發覺到俾姑姐見到，佢都坐返直無俟落嚟…


 
但係仲拖住我隻手，搵個身遮住…
 
個身遮唔到幾多，唔好再拖喇！！
 
我想縮手，但係Molly望住我造個口型嚟表示：「你驚呀？」
 
驚？
 
點會唔驚呀？？


勾義嫂剪賓周㗎！！

淨係錫咗一啖望過條底就要切，我唔甘心！！

唔甘心時姑姐哄個頭埋嚟，一對死魚眼望住我…

想…

想點呀妳…



（待續）