因為疫情，由空姐變成每天口爆10次的風塵女子: 第二章 奇怪的面試

對一個除了空姐工作就沒有其它工作經驗的人來說，最容易找的工本來應該是Sales或者餐廳的工作，想當年Year 1暑假時去了澳洲Working Holiday也是找這類型的工作。不過疫情底下，大部分商店和餐廳，員工仲多過顧客，根本好難找到這些工作，本來有一間餐廳願意比我Part Time做Waiter，時薪$40，點知做左幾日，三月底時PK政府又推出限聚令，餐廳入座率不可以超過一半，餐廳唔需要甘多員工，經驗最少的我好自然就被老闆炒了，結果幾日賺得千幾，剛剛好夠還十萬元卡數的Min Pay。 

之後在網上申請了幾百份工作後，四月初時終於有兩間表示有Interview，第一間是美容院，我美容技術都唔錯，應該有機會；第二間是無需要太多工作經驗的Marketing工作。第二日我上午首先去美容院工作，在尖沙咀一座舊式大廈的五樓，去到門口時發現連門牌都沒有，我都覺得有點奇怪。正在猶豫之際，有個男人開門叫：「你係唔係，Marvis？」我心裡想既然來到，便即管試試。 

入到去美容院之後，呢個叫大頭的男人安排左我在一間房裡面座，然後就開始講解工作性質，大頭：「我地呢度就做美容，有女顧客也有男顧客，除了美容，都會提供埋面部按摩。人工就每個服務每小時就分番$70給你。」 

我問：「甘少？」 

大頭：「剛剛講的是基本服務，賺不了什麼錢，如果想賺多D，有D服務可以賺多幾百，例如身體按摩。」 



我：「但我唔識幫人按摩喎！」 

大頭：「唔緊要，其實技術不是最重要....男人最睇的是外表和....」 

我馬上一驚，「下！來美容的不是女人嗎？為何要和男人按摩，我一個女仔好危險喎！」 

大頭：「讓我講白點。來這裡的差唔多全部都是要按摩的男人，每小時按摩$300，我地分$120給你，如果想賺多點，就提供埋Happy Ending，小費$300，我地會分$200給你！」 

我大驚，莫非這就是傳說中的「邪骨」，唔係內地女仔先會做架咩.... 大頭見我反應有點遲疑，就繼續說：「一小時你就可以賺到$420，有D顧客仲會額外比小費你，而且唔需要解甲...即係除衣服，至需要用手幫D客出火就可以，其實都唔會蝕底，以你的外表，一天起碼五個客，好好搵架...」 甘咪即係要幫人「打飛機」，我打斷了大頭的說話，我係唔會做的，然後就衝了出這個單位。痴撚線，為何我會來了這些地方見工。



冷靜過後，下午我去了旺角一座商業大廈見另外一份Marketing的工。 上到去之後，這裡的員工都是穿西裝，目測都有幾十人，應該正常好多。沒多久，有位職員就帶我去登記，然後就同我介紹公司，呢間公司其實是賣教育課程，呢位職員話疫情底下其實好多人有時間讀書，所以公司沒有受到影響，反而生意更好，仲話呢份工無需要工作經驗，不過要參加公司會的銷售技巧培訓，費用為$10,000。 我問個職員：「即係未出糧就要比錢？」 職員：「呢個唔係比錢，係投資，投資一萬，之後每個月就有機會月入十幾萬，你睇下個邊個幾個同事，年紀同你差唔多，個個已經買左幾層樓....」 頂，原來是傳銷，之前見過朋友D朋友中過計，我就絕對唔會受騙。不過要逃離呢度都唔容易，結果我又扮病、由話無錢，先可以成功在聽了「成功人士」四小時的分享會後，逃離了呢間公司。 

出到去天已經黑了，原來已經晚上十時，又浪費了一天，好灰丫，點解一個大學畢業的人都甘難搵工。幾個月前的日子，我應該還是無憂無慮地在外國High Tea，Shopping。手機突然間一響，我以為有工叫我去Interview，突然有點希望，點知解鎖後，原來是收到信用卡到期付款的通知，今個月的卡數仲有五日就到期，Min Pay是$1800，餘額是$103,000，但我手上已經沒有錢剩，仲有月底要供樓，屋企又無多餘錢可以借給我，又唔想搵朋友借，唔通我真係要去上午的「美容院」到做？