[陳子鋒系列] 大學入學篇: （七十五）炎冰的抵抗

聽說，人在死亡之際，身體並不是一下子完全失去生命跡象的。
 
有一說是，在死亡時，視覺與聽覺，是最後才失去機能的。
 
所以，很多相信鬼神之說的人，會告誡其他人，別在意外現場，或與即將離世的人對到眼，或是說話間提及姓名之類的。
 
不然的話，那些死不瞑目的人，便會纏上你。
 
當然，以上的只是都市傳說而已，很難去證實。
 




但是，我能告訴你，以上的說法並不假，因為，在貝爾菲格的手穿過我的胸口後，我感覺到頭部以下的身體已不是我能控制，大概那就是身體死去的感覺。
 
同一時間，我卻能看到貝爾菲格的模樣，以及聽到他的說話。
 
「唔好搞我身邊嘅人！」
 
我很想這樣警告貝爾菲格，但我卻聽不到自己的聲音。
 
而看着貝爾菲格的模樣，似乎我並未能把警告的句子傳給他聽。
 




接下來，我的視線開始變得模糊，四周的聲音慢慢消退，那感覺就是舊式的半導體電視，在關閉時，是慢慢熄滅掉一樣。
 
「原來，死亡係咁嘅感覺。」
 
在我失去意識後，貝爾菲格仍然用手抓住我的心臟，但卻沒有進一步動作。
 
「莉莉絲，你要匿到幾時？再唔出嚟我就將你嘅容器徹底消滅！」
 
貝爾菲格等了一會後，並沒有得到回應。
 




「好，你唔出嚟呀嘛！」
 
就在貝爾菲格準備用力捏碎我的心臟時，一道黑煙團團包裹着我的心臟，阻止了貝爾菲格。
 
然後，在阻止了貝爾菲格後，黑煙從我的身體往外冒出，形成了一個酷似女性的形象。
 
「莉莉絲，你總算出現啦。」
 
面對貝爾菲格的話語，莉莉絲並沒有作出回應，但即使只是模糊的形象，還是能感覺得出他在冷笑着。
 
「仍然係捉模唔透嘅女人，不過，依家我先係主導。」
 
莉莉絲聽到後，仍然沒有回話，只是以冷笑聲作出回應。
 
貝爾菲格臉上閃過一絲不滿，但並沒有發作，似乎是已習慣這樣的回應。




 
「莉莉絲，雖然依家係我主導，但為咗我哋嘅利益，我哋合作啦好無？」
 
「合作？」
 
莉莉絲聽到後，總算作出反應，他的聲音，要說是世上最美的聲音也說得過去。
 
「無錯，你都見到，我已經成功利用呢個女仔嘅身體復活，但可惜以呢副身體，暫時無辦法發揮最大嘅力量，所以，我需要陳子鋒嘅身體，將佢嘅身體交畀我。」
 
「貝爾菲格，你係咪傻咗，點解我要將我嘅嘢交畀你？」
 
「只要你交佢身體畀我，我可以幫你用呢個女仔嘅身體復活，到時我哋兩個可以一齊聯合對付拉斐爾佢哋。」
 
莉莉絲聽到後，又再發出冷笑聲。
 




「貝爾菲格，你應該仲記得自己點解會墮落成為魔鬼㗎？你認為，我哋有合作嘅可能咩？」
 
「莉莉絲，我唔係徵求你嘅同意！你應該知道，以我依家嘅狀態，根本對付唔到拉斐爾佢哋，既然我係咪都要死嘅話，我都唔會畀機會你復活，陳子鋒嘅軀殼同靈魂，都會被我徹底破壞！」
 
從貝爾菲格的體內所散發出的力量，證明他不是在開玩笑。
 
只是，面對貝爾菲格的威脅，莉莉絲並沒有退縮。
 
「貝爾菲格，由你計劃復活然後走到呢一步，每一步都無按你計劃進行，咁你都仲未明白？」
 
「明白咩？」
 
「嚟到呢個地步，你應該好清楚先啱，你係無可能得到陳子鋒。無論係引誘定威脅，你都失敗咗。我明你會好唔甘心，但，你係時候退場啦。」
 
「好，既然你唔肯合作，我只能夠一拍兩散！我就唔信你呢個狀態可以阻止我！」




 
貝爾菲格準備出手之際，才發現竟下不了手，好像失去了身體的控制權似的。
 
「你，你做咗啲咩？」
 
「陳子鋒暫時仲係命不該絕，怪只怪你去到依家仲諗住得到陳子鋒，浪費咗咁多時間，如果喺佢拒絕交出身體之後，你可以下定決心殺佢，結果就會好唔同。但，你遲咗啦。」
 
貝爾菲格在聽着莉莉絲的說話同時，亦繼續嘗試重新掌控身體，但不管如何嘗試，就是無法好好操控。
 
本來還停留在我體內的手，亦慢慢地從胸口中抽了出來。
 
「貝爾菲格，你放心，我會代替你將拉斐爾佢哋殺個片甲不留。」
 
莉莉絲說完後，便重新回到我的體內，在他回到我體內的同時，身體所受到的傷害亦開始慢慢恢復，我的意識亦逐漸清醒。
 




在我重獲新生後，睜眼開來，看到的是貝爾菲格正用左手抓着自己的右手，像在阻擋甚麼似的。
 
剛剛我不是要死了嗎？眼前的情況是甚麼一回事？