[陳子鋒系列] 大學入學篇: （七十三）對話
「你個白痴，一早唔過嚟就無事！」
「我」聽着陳子鋒那煩人的聲音，邊抱怨，邊跟其他人纏鬥。
「無用㗎，就算我唔過嚟，貝爾菲格都唔會放過我。我原本打算喺佢完全復活之前解決佢，但估唔到Raymond就係猶大，導致到依家嘅局面。」
「我」雖然知道他說的話不假，但卻不能認同。
「只要你唔出現，就算佢復活又點？拉斐爾佢哋自然會去處理！」
「但......咁樣嘅話......」
「但咩呀但，你如果決心要逃走嘅話，根本就唔會淪落到呢個地步！貝爾菲格到時要殺幾多人都唔關你事，反正呢啲人又唔係你邊個！」
「我」實在看不過這種該死的態度，其他人的性命根本不重要，犧牲那些不認識的人才是正解！
「如果我肯逃避，的確可能會無事，但......其他人如果因為咁樣而死......我都唔會好過。」
「白痴！我已經同你講過唔好咁天真，如果一早交個控制權畀我就唔會發生啲咁嘅事！」
「小心！」
就在「我」為陳子鋒的天真感到惱人而分心時，原來那些煩人的門徒已漸漸將「我」逼向角落。
「我」知道若就樣被他們撲倒，接下來只會迎來死亡。
「係你哋逼我㗎！」
「唔好呀！」
就在陳子鋒煩人的聲音響起的同時，「我」已將力量釋放出來，懷着把人殺掉的覺悟，往他們的脖子劈了過去！
在把靠近的兩人打倒後，「我」拿着兩人的身軀當作護盾，強行把其他人推開後，離開了角落的位置。
「夠啦，你會殺咗佢哋！」
「我」無視了陳子鋒煩人的話語，繼續往其他的弱點攻擊過去！
「你個白痴，如果停落嚟，死嘅只會係我哋！」
在釋放了力量後，這些被貝爾菲格操控的傀儡，根本不可能跟「我」對抗。
其中一人在捱了「我」的攻擊後，還是硬生生的撐了下來，但他已不可能再恢復過來，因為「我」已用腳跟踢朝着他的天靈蓋用力轟下去！
「一班煩人嘅烏蠅！」
在把他們都收拾後，「我」坐了下來稍作調息，而陳子鋒不滿的聲音又再響了起來。
「你有必要咁重手咩？」
「重手？我唔咁樣做嘅話，只會沒完沒了，只有徹底破壞佢哋嘅意識，先可以解決現狀。」
「我」口裡雖然這樣說，但其實在動手時不自覺地留了半分力，大概在陳子鋒的體內久了，也被他那份天真感染了。
最好的證明就是，在剛剛那一輪攻勢中，他們全部人都沒有受到致命傷，換作是以前，就算沒有全死，也可能會受到重傷了。
「如果係你，應該可以繼續拖時間先啱......」
「拖時間？點解我要咁做？」
「咁樣做嘅話，就可以拖到拉斐爾佢哋嚟呀！」
「你以為，佢哋真係會過嚟咩？」
「咩意思？」
「哼，由貝爾菲格復活到依家，你估已經過咗幾耐？五分鐘？十分鐘？如果佢哋真係要嚟，一早已經過咗嚟！」
「可能佢哋要有好多準備功夫，又或者......」
「算啦！你根本就知道，佢哋唔會過嚟！」
「我」忍不住大喊起來，希望罵醒陳子鋒那不切實際的希望。
「你已經被佢哋拋棄咗，如果要過嚟嘅一早就會過嚟！」
「或者......你講得啱，既然係咁，我哋交換啦。」
「交換？你個白痴，你明知貝爾菲格需要你同意先可以得到你嘅靈魂同軀殼，你仲想出嚟送死？」
「但我唔出嚟嘅話，你有辦法對付佢咩？」
陳子鋒的話，直接說到了重點，他說得沒有錯，不管「我」再怎麼努力，這副身體的主人還是陳子鋒，憑「我」是發揮不出這身體全部的力量。
就算「我」能用上全部的力量，但單憑「我」自己，也是不可能把貝爾菲格給打倒。
「哼，你講咗咁耐廢話，終於講到重點。無錯，憑我的確係對付唔到佢。相對地，你都一樣打唔贏佢，除非......」
除非「我」在這裡把力量讓渡給陳子鋒，還有可能放手一搏。
不，以貝爾菲格選擇用這些垃圾門徒拖延時間來看，他可能還沒能完全操控黃炎冰的身體，所以才會選擇這樣迂迴的戰鬥方式。
所以在得到了「我」的力量後，陳子鋒應該就能安然渡過這次的危機。
正當「我」以為陳子鋒已經做好決定，捨棄天真接收我的力量，卻想不到他接下來會說出如此天真的說話。
「只要我同你交換，我就可以繼續同貝爾菲格戰鬥，只要拖過三十秒，我就可以贏。」
「你......你真係一個大白痴！你以為自己撐得住三十秒咩？只要佢再將你困入佢嘅結界，你就唔可能捱得過呢段時間！」
「你放心啦，我唔會再中招，而且，我仲有命運之矛。」
「就憑嗰支爛鐵？你可以用佢做到啲咩！」
「拉斐爾交得畀我，我相信佢一定會用得到，我相信依家正正係時候。」
「我」愈聽感覺愈不對，這天真的傢伙還在相信拉斐爾那些鬼話。
與其讓他這樣死掉，還不如將「我」的力量交給陳子鋒算了。
但，「我」的決定遲了一點。
「你做咗啲咩？」
「我無做啲咩呀？點解？」
「我」和陳子鋒還沒有弄清楚狀況，但意識卻開始被強行交換。
「係貝爾菲格，可惡......」
「我」與陳子鋒的意識交換的同時，又開始變成沉睡的狀態，「我」已不能把力量讓給陳子鋒了。
「你休息下先，等你恢復意識之後，事情就會完結。」
「我」意識愈來愈模糊，可惡，陳子鋒你別給我死掉！