[陳子鋒系列] 大學入學篇: （二十五）拉斐爾的提議 （3）

「故仔聽完，我都明白佢嘅目的係想得到我啫。但你叫我過嚟，應該唔係淨係講故仔咁簡單啩。」
 
拉斐爾看着我，點了點頭，然後拿出了兩塊手掌大小的石頭，彼德和安德烈從拉斐爾手中接了過去。
 
「陳子鋒，你有無聽過十二門徒石？」
 
我滿臉問號看着拉斐爾，黃炎冰也搖了搖頭。
 
「本來十二門徒石，係耶穌傳畀十二位門徒，象徵佢哋門徒嘅身分，入面會有加持過嘅力量。陳子鋒，啱啱都講咗，猶大已經唔再係耶穌嘅門徒，實際上依家持有門徒石嘅只有十一人，你會唔會想成為第十二位門徒？」
 




拉斐爾這番說話，令彼德、安德烈和黃炎冰都露出驚訝的神情。當然，我是最感到驚訝的那人。
 
「你，你講咩話？我係咪聽錯或者有啲咩誤會？」
 
「陳子鋒，我知道一時三刻你好難接受，但你聽我講，我已經仔細諗過，喺你體內嘅莉莉絲，係我哋天界最大嘅敵人，而且，每位原罪對你嘅行動，我認為已經超越咗可以容忍嘅程度，所以我先會主動接觸你。如果你成為門徒，除咗可以帶畀你神聖嘅力量，亦可以將規定模糊化，作為門徒嘅你，得到我，甚至其他天使嘅幫助都會變得合情合理。而且，你本身嘅力量加上神聖嘅力量，絕對可以從惡魔嘅力量之中保護你。」
 
拉斐爾的話語中沒有半點猶豫，大概他是下定了決心才這樣對我說。
 
而彼德和安德烈在旁邊一直欲言又止的，但最後也忍住了不說，大概是認同了拉斐爾的決定。
 




黃炎冰只是一直盯着我，靜待我的回應。
 
換言之，現在決定權在我手上，的確，現在離迎新營不到一個月的時間，這段時間我能做的事確實不多，而且有了拉斐爾他們做後援，我的安全應該會得到保障，甚至我的命運可能亦會因此而起到變化，不用再面對那甚麼最終之日。
 
「阿爾，我問你，呢個係你自己嘅決定，定係其他人都同意。」
 
「陳子鋒，呢個問題重要咩？」
 
「重要，如果呢個係你哋全部人都同意，即係你哋全部都認為咁樣做可以改寫我嘅命運，而我會得到你哋全體嘅幫助；如果呢個只係你個人嘅決定，啫係只係你嘅諗法，最後我可能只係得到你嘅幫助。」
 




「你講嘅係唔會發生，只要你真心追隨神，我哋全部都會支持你，呢點你唔需要懷疑。」
 
「所以我可以將呢句說話翻譯成係你個人嘅決定啦係咪？」
 
拉斐爾看着我沒有表態。
 
「阿爾，你唔係話過神會有安排嘅咩？」
 
「所以我依家先會嚟勸你成為第十二位門徒。」
 
我看着阿爾，聽他認真地這樣說，忍不住笑了出來。
 
「所以你想講依家呢個情況都係神嘅安排係咪？阿爾，睇嚟你愈嚟愈人性化啦。」
 
「你係咩意思？」




 
「澳門見到你嘅時候，你滿口都係咩規距，唔到最後一刻都唔肯出手。但依家嘅你，竟然會嘗試去鑽漏洞，呢啲咪人性化嘅表現囉。」
 
「你話我鑽漏洞？」
 
「無論你點諗都好，諗住將我由人變做門徒，從而得到你哋嘅力量，呢種做法就係鑽漏洞。唔好誤會，我覺得咁嘅做法無唔妥，只係由你把口講出嚟我覺得有啲特別啫。不過，無論到底呢個做法係你個人，定你哋全體嘅決定，對唔住，我唔打算做啲咩門徒。」
 
彼德和安德烈臉上略帶不滿，好像怪我錯了這麼好的機會似的。
 
而炎冰則還是像剛剛那樣看着我而已，絲毫沒有變化，大概他也猜到我會這樣子吧。
 
提出這建議的拉斐爾，還是不願放棄。
 
「陳子鋒，唔好玩啦，今次係最後嘅機會，只要成為門徒，你就唔再需要擔心之後嘅事。如果你拒絕，唔好話等到你畢業，你過唔過到呢關都成問題。」
 




「算啦，我之前已經同你講過，唔好睇少我哋。而更重要嘅係，我一啲都唔覺得有人可以勸得掂佢。佢同我老豆，天命師叔嘅硬頸程度差唔得幾多。勸佢根本無意思。」
 
黃炎冰雖然看着拉斐爾，但手指頭卻是指向我。
 
「但係......」
 
「算啦，我雖然唔認同黃炎冰咁樣講我，但喺呢件事上面，真係唔需要再講，我本來就唔鍾意拜師呀，跟邊個跟邊個咁，我之所以會去天命道堂都只係因為想幫小詠。而且，阿爾你應該清楚除咗莉莉絲，我體內仲有另一個靈魂，加入你哋雖然可以從惡魔手上保護我，但另一個，承載我所有黑暗面嘅靈魂，我相信都唔可能再存在啦，係咪？」
 
「一個人的軀體本來就唔應該存在多於一個靈魂，我只不過係幫你將一切重回正軌。」
 
「善與惡，正與邪，錯與對，真係所有嘢都可以分得咁清咩？」
 
拉斐爾看我說到這個地步，大概也會放棄遊說我加入他們的想法吧。