野性呼喚: 第一百一十三章 ： 性觀念改變
物業代理佢繼續俾電話我，話帶我去睇吓樓，間歇仲想約我食飯，我每次都推辭，無打算再見佢。
佢終於明白到我對佢產生咗戒心，最近已經無再搵我。
⋯⋯⋯⋯
近來陪老闆出外見客，成績都好理想，有啲沾沾自喜，點知一日行程完晒，臨放工，老闆叫我陪佢飲杯咖啡。
“細C，我唔想你再喺出面咁奔波，你睇吓幾時返去office做番內勤啦。”
“係咪我做錯嘢？定係我得罪咗啲客？”
我好詫異，怕自己犯咗錯都未知。
“兩樣都唔係，你無做錯嘢，無論你樣貌、外型都好吸引，個性又討好。如果你跑業務，會有好成績。”
“咁，點解要調我返office ？”
“我係老闆，有責任保護我嘅員工，細C，你性格太隨和，太遷就人，唔想人失望，就連自己吃虧都唔計較，蝕抵嘅係你。”
“我只係想為公司出多少少力。”
“你咁抵得諗，喺office 都可以為公司出力啫，最近，我睇到有兩至三個客對你有興趣，我哋咁易酙成生意，主要佢哋另有目的。
我相信你再同佢哋熟絡啲，佢哋一定會繞過我同你聯絡。”
“老闆，你放心，就算佢哋繞過你同我接觸，我一定會為公司爭取最大利益。”
“哈哈，公事上，你喺度咁多年，我當然相信你，不過我指嘅唔係公事，係私事！我唔想仼何員工因為做嘢而直接或間接受到滋擾，受到傷害。”
試過飲醉酒，我受過教訓，知道老闆用心良苦。
我唔出街，怕又會喺寫字樓見番van仔，而加同佢只係保持what’s app上面嘅對話，大家無見面，避免不必要事情發生。
不過近來佢因為嬲我嗰晚無覆佢what’s app，好耐無搵我。
老闆開到聲，我好難反對，日後見步行步啦。
“細C，早前你情緒跌到落谷底，雖然我唔知詳細，我睇到你係有感情困擾，又想逃避一啲嘢，我先帶你出嚟幫我手。而加睇得出你回復番開朗，係時候返去寫字樓做嘢。”
老闆睇通晒我嘅疑惑。
我可以做到嘅，就係喺van仔送貨嚟公司呢段時間，我走開咗，唔同佢碰頭，不過走唔走開都無所謂，van仔仲嬲緊，有一兩次大家面碰面，佢淨係講一聲「借過」，就捧住啲貨入貨倉。
⋯⋯⋯⋯
同XX一齊生活已經個幾月。
我唔係一開始就搬去佢度，而只係續漸增加喺佢度留宿嘅次數，睇落好似自然一啲，不過到而加，我每星期都同XX一齊返去探阿媽。
我想做一個好嘅女友，學Gigi服侍van仔咁，煮定飯等佢返嚟食。
不過我無Gigi咁有烹飪天份，我決定努力學習，因為我想俾佢一個家嘅感覺。
我好辛苦搵到一個食材供應商，佢哋準備好晒食材，連同烹調需要嘅佩料，專人送上門，而且每日有不同菜單俾客人揀，咁我慳咗去街市時間。
我啲餸菜煮得好難食，好彩佢無乜怨言，淨係講笑話要我夜晚床上補償番俾佢。
⋯⋯⋯⋯
“今晚咁忙嘅？”
食完飯，XX就開始做嘢，到十一點幾，我涼都沖完，佢仲未做完。
“聽日同Julie開會，有啲文件要準備。”
XX一手攬住我條腰，扯我埋去坐喺佢大脾，將個面貼實我乳房，然後再繼續做佢嘅工作。
佢而加比較少出trip，每晚都規定自己八點前放工，返嚟都會同我一齊食飯，就算有嘢做唔晒，佢都帶番屋企，食完飯再做。
我靜靜哋坐喺佢大脾，佢鍾意就隔住件衫錫吓我個胸，我仼得佢點做，當係幫佢打氣。
“又要同Julie再碰頭？”
我撫摸佢個面，將佢個頭更貼近我。
“佢公司始終係大客戶，大家好難唔接觸。”
“你唔怕大家會重新擦出火花咩？”
佢哋嘅情況，跟我同van仔差唔多。
“越怕就越要面對，逃避解決唔到問題，如果自己無決心，就算唔見面，一樣會產生曖昧，到壓制唔住嘅時候，只會有更大嘅爆發。”
佢俾我一個啓發，佢所講嘅亦都係我面對緊嘅問題，我而家每日返工，都會見到Van仔，我儘量避開佢，唔同佢碰頭，但係呢個唔係長久嘅方法。
“咁你有咩方法？”
“其實我都唔知有咩好辦法，我只係平常心，我同佢喺番埋一齊有半年，發覺佢唔自己嘅最愛，所以我可以當佢係一個老朋友，輕鬆同佢相處。”
佢出力攬到我實。
XX呢番說話正好教咗我點面對van仔。
“咁，你嘅最愛係邊個？”
我想聽一啲出自佢口中嘅甜蜜說話。
“唔⋯⋯最愛係邊個呢？”
佢望吓我，我知佢答案，只等緊佢講出口。
“唉，最愛嘅人⋯⋯”
佢好慎重思考，睇嚟好認真，我對自己信心有少少動搖。
“老實講，我搵唔到最愛！”
佢最後好認真咁同我講。
XX從來無對我講過大話，可能佢唔想呃我，所以被迫講出嚟。
我係自討沒趣，問啲咁無聊嘅嘢，反為令到自己唔開心。
佢見到我好失望，佢反為好蠱惑咁笑起上嚟。
“沒有最愛，只有更愛⋯⋯哈哈，你無聽過咩？我更愛係你，尤其係經過呢一年嘅考驗！”
佢成功整蠱到我，佢忍唔住大笑。
跟信乸起我件衫，錫我個胸一輪，先再繼續做佢啲嘢。
⋯⋯⋯⋯
目前為止，同XX生活一切都合得嚟，可以用如膠似漆嚟形容。
“只要你係真心愛我，喺我哋結婚前，如果你同Julie都願意，你可以同佢來往，甚至上床，我都唔介意。”
臨瞓前，我同XX講出我心裡面一個意念。
呢個意念喺我寫自白嘅時候就開始藴釀，藏喺心裡面一段時間，絕對唔係一時衝動。
XX聽到當然愕然啦。
佢係一個重情義嘅人，同Julie有過一段咁深刻嘅戀情，佢唔會一朝瞓醒，就唔記得晒。
我哋對傢具雜物講斷、捨、離都咁難，何況一個曾經愛過嘅人。
再加上我同van仔一段交往，我明白到愛一個人之外，有啲情況下，重會喜歡另一個人，生活上，情慾上做一個平衡，互補一啲不足。
我對佢不忠在前，俾番佢相同機會，同Julie交往，對佢先係公平。
“你係咪唔信我？”
佢反問我。
“當然唔係啦，正正係我信任你，知道你係愛我，⋯⋯”
我將我自己嘅理念嘅俾佢知，仲讚佢長情，等佢知道我唔係試探佢。
“C，Julie於我已經係過去，我同佢重聚後，我有過祈望，同佢一齊幾個月之後，我發覺自己只係尋找過去。至於上床，我想將所有精力用嚟對付你，你而加已經變咗一隻小妖精，我要整治你，等你求生不得，哈哈⋯⋯”
“唔緊要啦，我正話講嘅到我哋結婚前都有效，不過講明先呀，淨係Julie咋，你唔準有其他女人㗎！”
我講完，XX真係付諸行動，佢落足全力，滿足我之餘，仲要做我主人，要我向佢乞饒，佢先肯放過我。
自從同Julie復合咗一段時間，XX喺床上面，獸性大咗，每次都要將我撕開一片片咁。
豈止係佢，我同van仔走埋咗咁耐，久而久之，我嘅技巧，思想都開放好多，我會主動以過往認為下賤嘅模式去服侍佢，又或者要求佢俾我想要嘅體位。
可想而知，性觀念可以受不同嘅伴侶影響同調教。
xxxxxxxxxxxxx
新一年開始，祝大家新年快樂。
呢個故事接近尾聲，趁機會多謝大家支持。